ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ກອງປະຊຸມສະໄໝສາມັນເທື່ອທີ 4 ຂອງສະພາແຫ່ງຊາດ ຊຸດທີ VIII ອັດລົງດ້ວຍຜົນສໍາເລັດຢ່າງຈົບງາມ

ຂປລ. ກອງປະຊຸມສະໄໝສາມັນເທື່ອທີ 4 ຂອງສະພາແຫ່ງຊາດ ຊຸດທີ VIII ໄດ້ອັດລົງ ດ້ວຍຜົນສໍາເລັດຢ່າງຈົບງາມ ໃນວັນທີ 17 ພະຈິກ 2017 ພາຍຫລັງດໍາເນີນມາ ແຕ່ວັນທີ 16 ຕຸລາ ຜ່ານ​ມາ ທີ່ຫ້ອງປະຊຸມສະພາ ແຫ່ງຊາດ (ຫລັກ6) ນະຄອນຫລວງວຽງຈັນ ພາຍ​ໃຕ້ການເປັນປະ ທານຂອງ ສະຫາຍນາງ ປານີ ຢາທໍ່ຕູ້ ປະທານສະພາແຫ່ງຊາດ,

​ໂດຍ​ມີ ສະຫາຍ ບຸນຍັງ ວໍລະຈິດ ເລຂາທິການໃຫຍ່ ຄະນະບໍລິຫານງານສູນກາງພັກ ປະຊາຊົນ ປະຕິວັດລາວ, ປະທານປະເທດແຫ່ງ ສປປ ລາວ, ມີບັນດາການນໍາພັກ-ລັດ, ອະດີດການນໍາ, ພ້ອມ​ດ້ວຍ ບັນດາສະມາຊິກ ສະພາແຫ່ງຊາດ ຊຸດທີ VIII ເຂົ້າຮ່ວມ.ໂອກາດ​ນີ້, ສະຫາຍນາງ ສວນສະຫວັນ ວິຍະເກດ ຄະນະປະຈໍາສະພາແຫ່ງຊາດ, ເລຂາທິການ ສະພາແຫ່ງຊາດ ກໍໄດ້ຖະແຫລງຜົນສໍາເລັດຂອງກອງປະຊຸມຄັ້ງນີ້ ຕໍ່ສື່ມວນຊົນວ່າ: ກອງປະຊຸມໄດ້ພິຈາລະນາ ຮັບຮອງເອົາບົດລາຍງານ ກ່ຽວກັບການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມ, ແຜນງົບປະມານ ແຫ່ງລັດ, ແຜນເງິນຕາ 6 ເດືອນຕົ້ນປີ, ຄາດຄະເນໝົດປີ 2017 ແລະແຜນການ 2018, ພ້ອມນັ້ນ ຍັງໄດ້ພິຈາລະນາຮັບຮອງເອົາບົດລາຍງານຂອງ ລັດຖະບານກ່ຽວກັບການ ຈັດຕັ້ງປະຕິບັດ ວຽກງານທ່ອງທ່ຽວ ໃນຊຸມປີຜ່ານມາ ແລະ ທິດທາງແຜນການ ປີ 2018; ພິຈາລະນາຮັບ ຮອງເອົາບົດລາຍງານກ່ຽວກັບ ຜົນການກວດສອບ ບົດສະຫລຸບຂາດຕົວ ການຈັດຕັ້ງປະຕິບັດ ແຜນງົບປະມານແຫ່ງລັດ ສົກປີ 2015-2016, ບົດສະຫລຸບການ ເຄື່ອນໄຫວວຽກງານ ປະຈໍາປີ 2017 ແລະ ທິດທາງການເຄື່ອນໄຫວ ປີ 2018 ຂອງອົງການກວດສອບແຫ່ງລັດ, ບົດລາຍງານຂອງ ອົງການກວດກາລັດຖະບານ ກ່ຽວກັບ ການກວດກາ ຕາມຜົນການກວດສອບ ບົດສະຫລຸບຂາດຕົວ ສົກປີ 2013-2014 ແລະ ສົກປີ 2014-2015; ຮັບຮອງເອົາບົດລາຍງານການເຄື່ອນໄຫວວຽກງານ ປະຈໍາປີ 2017 ແລະ ທິດທາງແຜນການປະຈໍາປີ 2018 ຂອງອົງການໄອຍະການ, ສານປະຊາຊົນສູງສຸດ ແລະ ບົດລາຍງານຂອງກະຊວງຍຸຕິທໍາ ກ່ຽວກັບ ການຈັດຕັ້ງປະຕິບັດ ຄໍາຕັດສິນຂອງສານ; ຮັບຮອງເອົາບົດລາຍງານ ການຈັດຕັ້ງ ປະຕິບັດແຜນການ ປະຈໍາປີ 2017 ແລະ ທິດທາງແຜນການ ປະຈໍາປີ 2018 ຂອງສະພາແຫ່ງຊາດ. ໂດຍຮັບຮອງເອົາເນື້ອໃນ ການຕິດຕາມ ກວດກາ ປະຈໍາປີ 2018 ຂອງສະພາແຫ່ງຊາດ.

ພ້ອມ​ກັນ​ນີ້, ກອງ​ປະຊຸມ​ຍັງ​ໄດ້ຮັບຮອງເອົາແຜນການສ້າງ ແລະ ປັບປຸງກົດໝາຍ ປະຈໍາປີ 2018 ໃນນັ້ນ ກອງປະຊຸມ ໄດ້ພິຈາລະນາ ແລະ ຮັບຮອງເອົາກົດໝາຍສ້າງໃໝ່ ຈໍານວນ 8 ສະບັບຄື: ກົດໝາຍວ່າດ້ວຍການປົກປ້ອງ ຜົນກະທົບຈາກນໍາເຂົ້າສິນຄ້າ, ກົດໝາຍວ່າດ້ວຍການຖ່າຍທອດເຕັກໂນໂລຊີ, ກົດໝາຍດ້ວຍອຸຕຸນິຍົມ ແລະ ອຸທົກກະສາດ, ກົດໝາຍວ່າ ດ້ວຍລະບົບການຊໍາລະ, ກົດໝາຍວ່າ ດ້ວຍການຈັດຊື້-ຈັດຈ້າງດ້ວຍທຶນຂອງລັດ, ກົດໝາຍວ່າດ້ວຍຜູ້ພິພາກສາ, ກົດໝາຍວ່າດ້ວຍການກັນ ແລະ ຄວບຄຸມພະຍາດຕິດຕໍ່ ແລະ ກົດໝາຍ ວ່າດ້ວຍວຽກງານກາແດງ ແລະ ກົດໝາຍປັບປຸງ 7 ສະບັບຄື: ກົດໝາຍວ່າດ້ວຍແຮ່ທາດ, ກົດໝາຍວ່າດ້ວຍຊັບສິນທາງປັນຍາ, ກົດໝາຍວ່າດ້ວຍຜັງເມືອງ, ກົດໝາຍ ວ່າດ້ວຍການກວດກາລັດ, ກົດໝາຍວ່າດ້ວຍ ການດໍາເນີນຄະດີອາຍາ, ກົດໝາຍວ່າດ້ວຍສັນຊາດ ແລະ ກົດໝາຍ ວ່າດ້ວຍອົງການກໍາມະບານລາວ. .ນອກຈາກນັ້ນ ກອງປະຊຸມຍັງຕົກລົງ ເລື່ອນຮ່າງກົດໝາຍວ່າດ້ວຍ ໜີ້ສາທາລະນະ ໄປພິຈາລະນາ ໃນກອງປະຊຸມສະໄໝສາມັນ ເທື່ອຕໍ່ໄປ ເພື່ອຮັບປະກັນດ້ານເນື້ອໃນ ໃຫ້ມີຄຸນນະພາບ ແລະ ສາມາດ ຈັດຕັ້ງປະຕິບັດໃຫ້ມີຜົນສັກສິດ.

 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: