ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ກອງປະຊຸມ ສະໄໝສາມັນ ເທື່ອທີ 4 ສະພາແຫ່ງຊາດ ຊຸດທີ VIII ຈະໄດ້ພິຈາລະນາ ແລະ ຮັບຮອງເອົາ 5 ບັນຫາ

ຂປລ. ​ໃນ​ວັນ​ທີ 27 ຕຸລາ 2017, ທີ່​ກອງ​ປະຊຸມ​ສະ​ໄໝສາມັນ​​ ເທື່ອ​ທີ 4 ຂອງ​ສະພາ​ແຫ່ງ​ຊາດ​ຊຸດ​ທີ VIII, ​ໂດຍ​ການ​ເປັນ​ປະທານ​ຂອງ ​ທ່ານ ນາງ ປານີ ຢາ​ທໍ່​ຕູ້ ປະທານ​ສະພາ​ແຫ່ງຊາດ, ທ່ານ ​ແສງ​ນວນ ​ໄຊ​ຍະ​ລາດ ຮອງ​ປະທານ​ ສະພາ​ແຫ່ງ​ຊາດ ​ໄດ້​ຂຶ້ນລາຍ​ງານ ​ບົດ​ສະຫລຸບ​ການ​ເຄື່ອນ​ໄຫວ​ວຽກ​ງານ ​ປະຈຳ​ປີ 2017 ​ແລະ ທິດ​ທາງ​ແຜນການ ​ປະຈຳ​ປີ 2018 ຂອງ​ສະພາ​ແຫ່ງ​ຊາດ ຊຸດ​ທີ VIII

ເຊິ່ງຈະ​ໄດ້​ພິຈາລະນາ ​ແລະ ຮັບຮອງ​ເອົາ 5 ບັນຫາ ​ເປັນ​ຕົ້ນ​ແມ່ນ​ ຮັບຮອງ​ເອົາການ​ສ້າງ ​ແລະ ປັບປຸງ​ກົດໝາຍ ​ຈຳນວນ 16 ສະບັບ, ​ໃນ​ນີ້​ມີກົດໝາຍ​ສ້າງ​​ໃໝ່ ຈຳນວນ 9 ສະບັບ ​ແລະ ກົດໝາ​ຍປັບປຸງ​ຈຳນວນ 7 ສະບັບ.

ພ້ອມ​ນີ້, ພິຈາລະນາ​ວຽກ​ງານ ​ຂອງ​ລັດຖະບານ ກ່ຽວ​ກັບ​ການຈັດ​ຕັ້ງ​ປະຕິບັດ ​ແຜນ​ວຽກ​ງານ​ຈຸດ​ສຸມ ​ໃນ​ປີ 2017 ​ແລະ ທິດ​ທາງ​ແຜນການ​ ສໍາລັບ​ປີ 2018; ການຈັດ​ຕັ້ງ​ປະຕິບັດ​ ແຜນ​ພັດທະນາ​ເສດຖະກິດ-ສັງຄົມ 6 ​ເດືອນ​ຕົ້ນ​ປີ, ຄາດ​ຄະ​ເນ​ໝົດ​ປີ 2017 ​ແລະ ​ແຜນ​ປະຈຳ​ປີ 2018; ການຈັດ​ຕັ້ງ​ປະຕິບັດ​ ແຜນ​ງົບປະມານ​ແຫ່ງ​ລັດ 6 ​ເດືອນ​ຕົ້ນປີ, ຄາດ​ຄະ​ເນ​ໝົດ​ປີ 2017 ​ແລະ ທິິດທາງ​ຄາດ​ໝາຍ​ແຜນ​ງົບປະມານ​ແຫ່ງ​ລັດ ປະຈຳ​ປີ 2018; ການຈັດ​ຕັ້ງ​ປະຕິບັດ​ ແຜນ​ເງິນຕາ 6 ​ເດືອນ​ຕົ້ນ​ປີ, ​ແຜນການ 6 ​ເດືອນ​ທ້າຍ​ປີ 2017 ​ແລະ ທິດ​ທາງ​ແຜນ​ເງິນຕາ ປີ 2018; ບົດ​ລາຍ​ງານ​ ກ່ຽວ​ກັບ​ການຈັດ​ຕັ້ງ​ປະຕິບັດ​ ວຽກ​ງານ​ທ່ອງ​ທ່ຽວ ໃນ​ຊຸມ​ປີຜ່ານມາ ​ແລະ ທິດ​ທາງ​ແຜນ​ພັດທະນາ ​ໃນ​ປີ 2018; ຮັບ​ຟັງ​ການ​ຊີ້​ແຈງ ຂອງ​ພາກສ່ວນ​ກ່ຽວຂ້ອງ ຕໍ່​ບັນຫາ​ສຳຄັນ​ຈຳນວນ​ໜຶ່ງ; ພ້ອມ​ທັງ​ພິຈາລະນາ ​ວຽກ​ງານ​ຂອງ​ອົງການ​ ກວດ​ສອບ​ແຫ່ງລັດ ກ່ຽວ​ກັບ​ການ​ເຄື່ອນ​ໄຫວ ປະຈຳ​ປີ 2017 ​ແລະ ທິດທາງ​ແຜນການ​ເຄື່ອນ​ໄຫວ ປະຈຳ​ປີ 2018 ​ແລະ ຜົນ​ການກວດ​ສອບ​ ສະຫລຸບ​ຂາດ​ຕົວ ການຈັດຕັ້ງປະຕິບັດ ​ແຜນ​ງົບປະມານ​ແຫ່ງ​ລັດ​ ປະຈໍາສົກ ​ປີ 2015-2016, ການ​ກວດກາ​ຕາມ​ຜົນ​ການກວດ​ສອບ​ ການຈັດ​ຕັ້ງປະຕິບັດ ​ແຜນ​ງົບປະມານ​ແຫ່​ງລັດ ສົກ​ປີ 2013-2014 ​ແລະ ສົກ​ປີ 2014-2015 ຂອງ​ອົງ​ການ ກວດ​ສອບ​ລັດຖະບານ.

ພິຈາລະນາ​ວຽກ​ງານ​ ຂອງ​ອົງການ​ໄອ​ຍະ​ການ​ ປະຊາຊົນ​ສູງ​ສຸດ ​ແລະ ສານ​ປະຊາຊົນ​ສູງ​ສຸດ ກ່ຽວ​ກັບ​ ການຈັດຕັ້ງປະຕິບັດ​ ແຜນການ​ເຄື່ອນ​ໄຫວ​ວຽກ​ງານ​ ປະຈຳ​ປີ 2017 ​ແລະ ທິດ​ທາງ​ແຜນການ​ເຄື່ອນ​ໄຫວ​ວຽກ​ງານ​ ປະຈຳ​ປີ 2018; ສະພາບ​ການ​ຈັດ​ຕັ້ງປະຕິບັດ ​ຄຳ​ຕັດສິນ​ຂອງ​ສານ​ ໃນ​ໄລຍະ​ຜ່ານ​ມາ ​ແລະ ທິດ​ທາງ​ແຜນການ​ແກ້​ໄຂ​ໃນ​ຕໍ່ໜ້າ​ ຂອງ​ກະຊວງ​ຍຸຕິ​ທຳ.

 

 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: