ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ວຽກງານປະຈຳປີ 2017 ແລະ ທິດທາງແຜນປີ 2018 ຂອງສານປະຊາຊົນສູງສຸດ

ຂ​ປລ. ​ໃນ​ວັນ​ທີ 25 ຕຸລາ 2017 ກອງ​ປະຊຸມ​ສະ​ໄໝສາມັນ​ເທື່ອທີ 4 ຂອງ​ສະພາ​ແຫ່ງ​ຊາດ​ຊຸດ​ທີ VIII ​ໂດຍ​ການ​ເປັນ​ປະທານ​ຂອງ​ທ່ານ ນາງ ສີ​ໄສ ລື​​ເດດ​ມູນ​ສອນ ຮອງ​ປະທານ​ສະພາ​​ແຫ່ງ​ຊາດ,ທ່ານ ຄຳ​ພັນ ສິ​ດທິດຳ​ພາ ປະທານ​ສານ​ປະຊາຊົນ​ສູງ​ສຸດ ປະຈຳ​ສູນ​ກາງ ​ໄດ້​ລາຍ​ຕໍ່​ກອງ​ປະຊຸມ​​ການ​ຈັດ​ຕັ້ັ້ງປະຕິບັດ​ວຽກງານ​ຂອງ​ສານປະຊາຊົນ​ສູງ​ສຸດ​ ປະຈຳ​ປິ 2017 ​ແລະ ​ແຜນ​ການ​ຈັດ​ຕັ້ງ​ປະຕິບັດ​ໃນ​ຕໍ່ໜ້າ 2018.

​ໃນ​ໂອ​ກາດ​ດັ່ງກ່າວ, ທ່ານ ຄຳ​ພັນ ສິດທິ​ດຳ​ພາ ກ່າວ​ເຖິງ​ວຽກງານຂອງ​ປີ 2017 ວ່າ: ດ້ານ​​ແນວ​ຄິດ​ການ​ເມື​ອງ ​ແມ່ນ​ເອົາ​ໃຈ​ໃສສຶກສາ​ອົ​ບຮົມ​ແນວ​ຄິດ​ໃຫ້​ຜູ້​ພິພາກສາ ​ແລະ ພະນັກງານ​ຂອງ​ສານ​ຢູ່​ສານ​ປະຊາຊົນ​ແຕ່​ລະ​ຂັ້ນ​ເປັນ​ປົກກະຕິ,​ ຜ່ານຫລາຍ​ຮູບ​ການ, ຫລາຍວິທີ​ການ​ເຊັ່ນ ການ​ຈັດ​ຕັ້ງ​ເຊື່ອມ​ຊຶມ​ເອກ​ະ ສານ​ມະຕິ​ກອງ​ປະຊຸມ​ໃຫຍ່​ຄັ້ງ​ທີ X ຂອງ​ພັກ, ມະຕິ​ກອງ​ປະຊຸ​ມຄົບ​ຄະນະ​ບໍລິຫານ​ງານ​ສູນ​ກາງ​ພັກ, ເອ ກະ​ສານ​ກ​​​ອງປະຊຸມ​ວຽກງານ​ຈັດ​ຕັ້ງ​ທົ່ວ​ປະ​ເທດ​ຄັ້ງ​ທີ X ​ແລະ ວຽກງານ​ກວດກາ​ທົ່ວ​ປະ​ເທດຄັ້ງ​ທີ III ລວມ​ເຖິງ​ວັນ​ປະຫວັດສາດ​ສຳຄັນ​ຂອງ​ຊາດ,​ ຂອງ​ພັກ, ກອງທັບ ​ແລະ ວັນ​ສຳຄັນ​ອື່ນໆ​. ດ້ານ​ການ​ຈັດ​ຕັ້ງ ​ແລະ ບຸກຄະລາ​ກອນ, ປັດຈຸບັນ​ ທົ່ວ​ລະບົບ​ສານ​ປະຊາຊົນ​ ມີ​ພະນັກງານ​ທັງໝົດ 1.962 ຄົນ, ຍິງ 717 ຄົນ, ​ມີ​ຜູ້​ພິພາກສາ 464 ຄົນ, ຍິງ 103 ຄົນ,​ ຜູ້​ຊ່ວຍ​ຜູ້​ພິພາກສາ 389 ຄົນ, ຍິງ 135 ຄົນ, ​ຈ່າ​ສາ​ນ154 ຄົນ, ຍິງ 88 ຄົນ ​ແລະ ພະນັກງານ​ບໍລິຫານ-ວິຊາ​ການ​ຈຳນວນໜຶ່ງ.

ສຳລັບດ້ານ​ການ​ພັດທະນາ​ ​ແລະ ຍົກ​ລະດັບ​ຄວາມ​ຮູ້​ຄວາມສ​າມາດ ​ຂອງ​ພະນັກງານ​ສານ ​ແມ່ນ​ໄດ້​ສົ່ງຜູ້​ພິພາກສາ​ຂອງ​ສານ​ປະຊາຊົນ​ສູງ​ສຸດ ລົງ​ສົມທົບ​ກັບ​ສານ​ປະ​ຊາ​ຊົນທ້ອງ​ຖິ່ນ ບ່ອນ​ທີ່​​ເຫັນ​ວ່າການ​ດຳ​ເນີນ​ຄະດີ​ຂອງ​ສານ ​ບາງ​ດ້ານ​ຍັງ​ມີ​ຈຸດ​ອ່ອນ,​ ຂໍ້ຂາດ​ຕົກ​ບົກ​ຜ່ອງ​ເພື່ອ​ແນະນຳ​ບຳລຸງ​​ແກ້​ໄຂ, ສ່ວນ​ດ້ານ​ການ​ສ້າງ​ນິຕິ​ກຳ​ ແມ່ນ​ໄດ້​ສຳ​ເລັດ​ການ​ປັບປຸງ​ກົດໝາຍວ່າ​ດ້ວຍ​ສານ​ປະຊາຊົນ​ ນຳ​ສະ​ເໜີຕໍ່​ກອງ​ປະຊຸມ​ສະ​ໄໝສາມັນ​ເທື່ອທີ III ຂອງ​ສະພາ​ແຫ່ງ​ຊາດ ​ໄດ້​ພິຈາລະ​ນາ​ຮັບຮອງ​​ແລ້ວ. ​ເຖິງ​ຢ່າງ​ໃດ​ກໍ່ຕາມ​ຍັງ​ມີ​ບາງ​ວຽກງານ​ທີ່ຍັງ​ເປັນ​ຈຸດ​ອ່ອນ​ ​ແລະ ຂໍ້ຄົງຄ້າງ​ ເຊັ່ນ: ຜູ້​ພິພາກສາ, ພະນັກ​ງານ​ສານ​ຈຳນວນໜຶ່ງ ຍັງ​ບໍ່​ທັນ​ກຳ​ແໜ້ນ​ແນວທາງ​ນະ​ໂຍບ​າຍຂອງ​ພັກ, ກົດໝາຍ ຂອງ​ລັດ ​ແລະ ນິຕິ​ກຳ​ລຸ່ມ​ກົດໝາຍຢ່າງ​ຊັດ​ເຈນ​ເລິ​ກ​ເຊິ່ງ, ຍັງ​ມີ​ແບບ​ແຜນ​ວິ​ທີ​ການ​ເຮັດ​ວຽກ​ແບບ​ມັກງ່າຍ, ກາ​ນຫັນ​ພະນັກງາ​ນລົງ​ຮາກ​ຖານ ປະຈຳ​ຢູ່​ສານ​ຂັ້ນຕົ້ນ ຫລື ການ​ຊັບຊ້ອນ​ພະນັກງານ​ ຜູ້​ພິພາກສາ​ໄປ​ປະຈຳ​ຢູ່​ສານ, ​ເຂດ, ​ແຂວງ​ອື່ນໆ ຍັງ​ຊັກ​ຊ້າ ​ແລະ ມີ​ຄວາມ​ຫຍຸ້ງຍາກ, ການ​ກໍ່​ສ້າງ ​ແລະ ຍົກ​ລະດັບ​ຄວາ​ມຮູ້​ຄວາມ​ສາ​ມາ​ດທາງ​ດ້ານ​ວິຊາ​ການ ​ສະ​ເພາະ​ດ້ານ​ກົດໝາຍ, ທິດ​ສະ​ດີກາ​ນ​ເມື​ອງ-ການ​ປົກຄອງ, ພາສາ​ຕ່າງປະ​ເທດ ​ແລະ ຄອມ​ພິວ​ເຕີ​ ຍັງ​ເຮັດ​ບໍ່​ທົ່ວ​ເຖິງ,​ ລວມ​ເຖິງ​ກາ​ນລົງ​ຊຸກ​ຍູ້, ​ແນ​ະນຳ ​ແລ​ະ ກວດກາ​ພື້ນຖານ​ຂອງ​ການ​ດຳ​ເນີນ​ຄະດີ​ຢູ່​ສານ​ຂັ້ນ​ລຸ່ມ ຍັງ​ບໍ່ປົກ ກະຕິ ​ແລະ ຕໍ່​ເນື່ອງ.

​ດ້ານວຽກງານ​​ແຜນການ​ຈັດ​ຕັ້ງ​ປະຕິ​ບັດ​ໃນປີ 2018 ທ່ານ ຄຳ​ພັນ ສິດທິ​ດຳ​ພາ ​ໄດ້ໃຫ້​ຮູ້​ວ່າ: ສືບ​ຕໍ່​ສຶກສາ​ອົບຮົມ​ການ​ເມືອງແນວ​ຄິດ​ໃຫ້​ຜູ້​ພິພາກສາ ​ແລະ ພະນັກງານ​ຂອງ​ສານ​ ໃຫ້​ມີ​ຄຸນ​ທາດການ​ເມືອງ, ຈັນ​ຍາ​ບັນ-ຈັນຍາທຳໜັກ​ແໜ້ນ, ມີ​ນ້ຳ​ໃຈ​ຮັກ​ຊາດ, ຮັບ​ໃຊ້ປະຊາຊົນ, ມີ​ຄວາມ​ຈົ່ງ​ຮັກ​ພັກດີ​ຕໍ່​ພັກ, ສຶບຕໍ່​ປັບປຸງ​ການ​ຈັດ​ຕັ້ງ​ຂອງ​ສານ​ປະຊາຊົນ ​ໃຫ້​ມີ​ຄວາມ​ເຂັ້ມ​ແຂງ​ດ້ານ​ການ​ຈັດ​ຕັ້ງ ​ແລະ ໜັກ​ແໜ້ນທາງດ້ານ​ບຸກຄະລາ​ກອນ, ສືບ​ຕໍ່​ຈັດ​ຕັ້ງ​ຄະນະ​ສານ ທີ່​ລົງ​ໄປ​ຕັດສິນ​ຄະດີ​ຢູ່​ແຂວງ, ​ເມືອງ ທີ່​ຫ່າງ​ໄກ​ ຫລື ຢູ່​ຄ້າຍ​ຄຸມ​ຂັງ ​ເພຶ່ອຮັບ​ປະກັນ​​ໃຫ້​ຄູ່​ຄວາມ​ເຂົ້າ​ຫາ​ການ​ຕັດສິນ​ຂອງ​ສານ​ໄດ້​ສະດວກ, ສືບ​ຕໍ່​ຫັນ​ລົງ​ຮາກ​ຖານ​ປະຕິ​ບັດ​ວຽກງານ​ສາມ​ສ້າງ ຕິດ​ພັນ​ກັບ​ການ​ຕັດສິນ​ຄະ​ດີ​ສາມ​ຂັ້ນ ຢູ່​ສານ​ປະຊາຊົນ​ພາກ, ​ແຂວງ, ນະຄອນ ຫລວງ ​ແລະ ສານ​ປະ​ຊາ​ຊົນ​ເຂດ​, ຕິ​ດຕາມ​ກວດກາ​ປະ​ເມີນຜົນ​ຜູ້​ພິພາກສາ, ພະນັກງານ​ຂອງ​ສານ​ທີ່​ເຮັດ​ວຽກດີ, ມີ​ຄຸ​ນນະພາ​ບ ​ເພື່ອ​ຍ້ອງ​ຍໍ​ຊົ​ມ​ເຊີຍ,​ ຜູ້​ທີ່​ບົກ​ຜ່​ອງຍ້​ອນຂາດ​ຄວາ​ມຮູ້ ​ແລະ ປະສົບ​ການ ຕ້ອງ​ສຶກສາ​ອົບຮົມ​ກໍ່ສ້າງ, ບຳລຸງ, ຍົກ​ລະດັບ, ສ່ວນ​ຜູ້​ທີ່​ມີ​ເຈດ​ຕະນາ​ກໍ່ສ້າງ​ໃຫ້​ເກີດ​ຂໍ້​ບົກ​ຜ່​ອງ ຕ້ອງ​ປະຕິ​ບັດ​ວິ​ໄນ​ຕາມ​ກົດໝາຍຢ່າງ​ເຄັ່ງ​ຄັດ.

 

 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: