ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ສສຊ ສືບຕໍ່ປະກອບຄຳຄິດເຫັນໃສ່ບົດລາຍງານຂອງລັດຖະບານ

ຂປລ. ບັນດາ​ສະມາຊິກ​ສະພາ​ແຫ່ງ​ຊາດ ສືບ​ຕໍ່​ປະກອບ​ຄຳ​ຄິດເຫັນ ​ໃສ່ບົດ​ລາຍ​ງານ​ຂອງ​ລັດຖະບານ ​ເປັນ​ມື້​ທີ​ສາມ ​ຂອງ​ກອງ​ປະຊຸມ​ສະ​ໄໝ​ສາມັນ​ເທື່ອ​ທີ 4 ສະພາ​ແຫ່ງ​ຊາດ​ຊຸດ​ ທີ VIII, ກ່ຽວ​ກັບ​ການຈັດ​ຕັ້ງ​ປະຕິບັດ​ແຜນ​ພັດທະນາ​ເສດຖະກິດ-​ສັງຄົມ, ​ແຜນ​ງົນປະມານ​ແຫ່ງ​ລັດ, ​ແຜນ​ເງິນຕາ​ປະຈຳ​ປີ 2017 ​ແລະ ​ແຜນ​ປະຈຳ​ປີ 2018, ​ໂດຍ​ການ​ເປັນ​ປະທານ​ຂອງ​ທ່ານ ນາງ​ ປານີ ຢ່າ​ທໍ່​ຕູ້ ປະທານ​ສະພາ​ແຫ່ງ​ຊາດ.

ທ່ານ ນາງ​ ປານີ ຢ່າ​ທໍ່​ຕູ້ ​ໄດ້​ໃຫ້​ທິດ​ຊີ້​ນຳໃນ​ການ​ປະກອບ​ຄຳ​ຄິດ​ເຫັນ, ໂດຍ​ສະ​ເພາະ​ໃນ​ຂົງ​ເຂດ​ເສດຖະກິດ-ສັງຄົມ, ວັດທະນະທຳ ​ແລະ ສາທາລະນະ​ສຸກ, ຊຶ່ງ​ບັນດາ ສສຊ ​ແຕ່ລະ​ເຂດ​ໄດ້​ຜັດ ປ່ຽນ​ກັນ​ປະກອບ​ຄຳ​ເຫັນ​ໃສ່ ​ເປັນ​ຕົ້ນ​ ບັນຫາ​ການ​ແກ້​ໄຂ​ຄວາມທຸກ​ຍາກຂອງ​ປະຊາຊົນ​ຄວນ​ມີ​ຈຸດ​ສຸມ, ການ​ເພີ່ມ​ງົບປະມານ​ໃຫ້​ຖືກຕ້ອງ​ກັບ​ສາຍ​ຕັ້ງ​ໃນ​ຂົງ​ເຂດ​ສຶກສາ, ສາທາ ແລະ ຂົງ​ເຂດ​ກະສິກຳ​ການ​ຜະລິດ​ເຂົ້າ ​ໃຫ້​ກາຍ​ເປັນ​ສິນຄ້າ​.

ທ່ານ​ ສຸບັນ ສະວະ​ບຸດ ສສຊ ​ເຂດ 15 ​ແຂວງ​ຈຳປາ​ສັກ ກ່າວ​ວ່າ: ການ​ກຳນົດ​ງົບປະມານ ຂອງ​ການ​ລົງທຶນ, ຊຶ່ງ​ລັດຖະບານ​ຍັງ​ມີ​ໜີ້​ສິນ​ທີ່​ຕ້ອງ​ໄດ້​ຊຳລະ ​ແລະ ​ບາງ​ໂຄງການ​ທີ່​ຕ້ອງ​ໄດ້​ສືບ​ຕໍ່ ເປັນ​ຕົ້ນ ​ແມ່ນ​ການ​ພັດທະນາ​ຊົນນະບົດ ​ແລະ ລຶບລ້າງ​ຄວາມທຸກ​ຍາກ. ສຳລັບ​ຂະ​ແໜງ​ສຶກສາ ​ແລະ ສາທາ ​ໃນ​ປີ 2018 ​ເຫັນ​ວ່າ​ຕ້ອງ​ມີ​ການ​ກຳນົດ​ຢ່າງ​ຈະ​ແຈ້ງ​ຂຶ້ນ​ຕື່ມ ​ເພື່ອ​ໃຫ້​ງົບປະມານ​ໄດ້​ຖືກ​ນຳ​ໃຊ້​ຢ່າງ​ມີ​ປະສິດທິ​ຜົນ. 2 ຂະ​ແໜງ​ການ​ດັ່ງກ່າວ​ນີ້​, ລັດຖະບານ​ຈະ​ຕ້ອງ​ໄດ້​ເອົາ​ໃຈ​ໃສ່​ໃນ​ການ​ກຳນົດ​ນິຕິ​ກຳຢ່າງ​ຈະ​ແຈ້ງ ​ເພາະ​ຜ່ານ​ມາ​ການ​ແບ່ງ​ງົບປະມານ​ໃຫ້​ສອງ​ຂະ​ແໜງ​ການ​ເຫັນ​ວ່າ​ ຍັງ​ບໍ່​ສາມາດ​ຈັດ​ຕັ້ງ​ປະຕິບັດ​ໄດ້ ​ແລະ ຈຳນວນ​ໜຶ່ງ​ ຍັງ​ບໍ່​ທັນ​ໄດ້​ລົງ​ເຖິງ​ຮາກ​ຖານ​ຢ່າງ​ແທ້​ຈິງ. ນອກຈາກ​ນີ້​, ວຽກ​ງານ​ກະ ສິກຳ​ຍັງ​ເປັນ​ບັນຫາ​ທີ່ແກ່ຍາວ​ມາດົນ​ນານ ​ໂດຍ​ສະ​ເພາະ​ແມ່ນການ​ຜະລິດ​ເຂົ້າ, ​ເນື່ອງ​ຈາກ​ວ່າຜ່ານ​ມາ​​​ແມ່ນໄດ້​ຮັບ​ຜົນ​ກະທົບ​ຈາກ​ໄພ​ທຳ​ມະ​ຊາດ ​ແລະ ຊົນລະປະທານ​ບໍ່​ມີ​ຄຸນ​ນະພາ​ບ.

ທ່ານ ຄຳ​ສາຍ ພັນ​ດາ​ນຸວົງ ​ສສຊ ເຂດ 11 ​ແຂວງ​ບໍລິ​ຄຳ​ໄຊ​ ໄດ້​​ສະ​ເໜີ ​ໃຫ້​ລັດຖະບານ​ແກ້​ໄຂ​ບັນຫາ ຄູອາສາ​ສະໝັກຢູ່​ພາຍ​ໃນ​ແຂວງ ​ໂດຍ​ບໍ່​ໄດ້ຮັບ​ຄ່າ​ຕອບ​ແທນ​, ​ປັດຈຸ​ບັນ​​ມີປະມານ 700 ກວ່າ​ຄົນ​, ຊຶ່ງ​ເຂົາ​ເຈົ້າ​ໄດ້​ສອນ​ມາ​ເປັນ​ເວ​ລາ 5-6 ປີ, ແຕ່​ບໍ່​ໄດ້​ເຂົ້າ​ເປັນລັດຖະກອນ, ບັນຫາ​ການ​ຂາດ​ແຄນ​ແພດ​ໝໍ ທີ່​ປະຈຳ​ຢູ່​ສຸກສາລາ, ​ໂຮງໝໍ​ເມືອງ​ຕ່າງ​ໆ. ພ້ອມນີ້, ສສຊ ຍັງ​ໄດ້​ສະ​ເໜີກ່ຽວ​ປະກົດ​ການ​ຫຍໍ້​ທໍ້​ຕ່າງໆຂອງ​ສັງຄົມ ​ເປັນ​ຕົ້ນ​ ບັນຫາ​ຢາ​ເສບ​ຕິດ, ຊຶ່ງ​​ເປັນ​ບັນຫາ​ທີ່​ຮ້າຍ​ແຮງ​ທີ່​ສຸດ​ໃນ​ປັດຈຸ​ບັນ ​​ເຮັດ​ໃຫ້​ເກີດ​ມີ​ການ​ປຸ້ນ​ຈີ້​, ຊີງ​ຊັບ​, ຂີ້ລັກ​ງັດ​ແງະ​ເກີດ​ຂຶ້ນ​ໃນ​ສັງຄົມ ​ເຮັດ​ໃຫ້​ສັງຄົມ​ບໍ່​ມີ​ຄວາມ​ສະຫງົບ, ​ຊຶ່ງມັນ​ໄດ້​ສົ່ງ​ຜົນກະທົບທາງ​ລົບ​ ​ທາງດ້ານການທ່ອງທ່ຽວ​. ຂ່າວ: ມະນີ​ທອນ,

 

 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: