ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ກອງປະຊຸມສະໄໝສາມັນ ເທື່ອທີ 4 ຂອງສະພາແຫ່ງ ຊາດຊຸດທີ VIII ໄຂຂຶ້ນຢ່າງເປັນທາງການ

ຂປລ. ກອງປະຊຸມສະໄໝສາມັນເທື່ອທີ 4 ຂອງສະພາແຫ່ງຊາດ ຊຸດທີ VIII ໄດ້ໄຂຂຶ້ນຢ່າງເປັນທາງການ ໃນວັນທີ 16 ຕຸລາ 2017 ທີ່ ຫ້ອງ​ປະຊຸມສະພາແຫ່ງຊາດ (ຫລັກ6), ໂດຍການເປັນປະທານຂອງທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ, ​​ເປັນກຽດເຂົ້າຮ່ວມຂອງ ສະຫາຍ ບຸນຍັງ ວໍລະຈິດ ເລຂາທິການໃຫຍ່ ຄະນະບໍລິຫານງານສູນກາງພັກປະຊາຊົນ ປະຕິວັດລາວ,

ປະທານປະເທດ ແຫ່ງ ສປປ ລາວ, ມີບັນດາການນຳພັກ-ລັດ, ອະດີດການນຳ, ສະມາຊິກສະພາແຫ່ງຊາດ ຊຸດທີ VIII ເຂົ້າຮ່ວມ.

ທ່ານ ນາງ ປານີ ຢາທໍ່ຕູ້ ​​​​ກ່າວ​ວ່າ: ກອງ​ປະຊຸມ​ໃນຄັ້ງ​ນີ້, ຈະ​ໄດ້​ສຸມ​​ໃສ່​ພິຈາລະນາ ​ແລະ ຕົກລົງ​ບາງບັນຫາ​ສຳຄັນ​​ຂອງ​ຊາດ​ ຄື: ກອງ​ປະຊຸມ​ຈະ​ໄດ້​ຮັບ​ຟັງ​ການ​ລາຍ​ງານ​ ກ່ຽວ​ກັບ​ການຈັດ​ຕັ້ງ​ປະຕິບັດ​ແຜນ​ພັດທະນາ​ເສດຖະກິດ-ສັງຄົມ, ​ແຜນ​ງົບປະມານ​ແຫ່ງ​ລັດ ​ແລະ ​ແຜນ​ເງິນຕາ ປະຈຳ​ປີ 2017 ​ແລະ ​ແຜນການ​ປີ 2018; ບົດ​ລາຍ​ງານ​ການຈັດ​ຕັ້ງ​ປະຕິບັດ​​ແຜນການ​ທ່ອງ​ທ່ຽວ ​ໃນ​ຊຸມ​ປີຜ່ານມາ ​ແລະ ທິດ​ທາງ​ແຜນການ​ໃນ​ ປີ 2018 ​ເພື່ອ​ຮອງ​ຮັບ​ປີ​ທ່ອງ​ທ່ຽວ​ລາວ; ບົດ​ລາຍ​ງານ​ກາ​ນຈັດ​ຕັ້ງ​ປະຕິບັດ​ແຜນການ​ເຄື່ອນ​ໄຫວ​ວຽ​ກງານ​ປະຈຳ​ປີ 2017 ​ແລະ ​ແຜນການ ປີ 2018 ຂອງ​ອົງການ​ກວດ​ສອບ​ແຫ່ງ​ລັດ; ບົດ​ລາຍ​ງານ​ຜົນ​ການກວດ​ສອບ ​ບົດ​ສະຫລຸບ​ຂາດ​ຕົວ ການຈັດ​ຕັ້ງ​ປະຕິບັດ​ແຜນ​ງົບປະມານ​ແຫ່ງ​ລັດ ສົກ​ປີ 2015-2016 ​ແລະ ການ​ແກ້​ໄຂ​ຜົນ​ການກວດ​ສອບ​ງົບປະມານ ​ແລະ ການ​ນໍາ​ໃຊ້​ຊັບ​ສິນ​ຂອງ​ລັດ​ສົກ ​ປີ 2013-2014 ​ແລະ 2014-2015 ຂອງ​ອົງການ​ກວດກາ​ລັດຖະບານ; ບົດ​ລາຍ​ງານ​ການຈັດ​ຕັ້ງ​ປະຕິບັດ ​ແຜນການ​ເຄື່ອນ​ໄຫວ​ວຽກ​ງານ​ປະຈຳ​ປີ 2017 ​ແລະ ​ແຜນການ​ປີ 2018 ຂອງ​ອົງການ​ໄອ​ຍະ​ການ​ປະ ຊາຊົນສູງ​ສຸດ ​ແລະ ສານ​ປະຊາຊົນ​ສູງ​ສຸດ; ບົດ​ລາຍ​ງານ​ຂອງ​ກະ​ຊວງ​ຍຸຕິ​ທຳ ກ່ຽວ​ກັບ​ການຈັດ​ຕັ້ງ​ປະຕິບັດ​ຄຳ​ຕັດສິນ​ຂອງ​ສານ.

ບົດ​ລາຍ​ງານ​ການຈັດ​ຕັ້ງ​ປະຕິບັດ​ແຜນການ​ປະຈຳ ​ປີ 2017 ​ແລະ ທິດ​ທາງ​ແຜນການ ປີ 2018 ຂອງ​ສະພາ​ແຫ່ງ​ຊາດ;  ພ້ອມ​ນີ້, ກອງ​ປະຊຸມ​ຍັງ​ຈະ​ໄດ້​ພິຈາລະນາ ​ແລະ ຮັບຮອງ​ເອົາ​ຮ່າງ​ກົດໝາຍຈຳ ນວນ 16 ສະບັບ. ໃນ​ນັ້ນ, ຮ່າງ​ກົດໝາຍ​ສ້າງ​ໃໝ່ 9 ສະບັບ ຄື: ກົດ​ມາຍ​ວ່າ​ດ້ວຍ​ການ​ປົກ​ປ້ອງ​ຜົນ​ກະທົບ​ຈາກ​ການ​ນໍາ​ເຂົ້າ​ສິນຄ້າ; ກົດໝາຍ​ວ່າ​ດ້ວຍ​ອຸຕຸນິຍົມ ​ແລະ ອຸ​ທົກ​ກະສາ​ດ, ກົດໝາຍ​ວ່າ​ດ້ວຍ​ວຽກ​ງານ​ກາ​ແດງ​ລາວ, ກົດໝາຍ​ວ່າ​ດ້ວຍ​ການ​ຄຸ້ມ​ຄອງ​ໜີ້​ສິນ​ສາທາລະນະ, ກົ​ດໝາຍວ່າ​ດ້ວຍ​ການຖ່າຍ​ທອດ​ເຕັກ​​ໂນ​ໂລ​ຊີ, ກົດໝາຍ​ວ່າ​ດ້ວຍ​ລະບົບ​ການ​ຊໍາລະ, ກົດໝາຍ​ວ່າ​ດ້ວຍ​ການ​ກັນ​ ແລະ ຄວບ​ຄຸມພະ​ຍາດຕິ​ດຕໍ່, ກົດໝາຍ​ວ່າ​ດ້ວຍ​ຜູ້​ພິພາກສາ ​ແລະ ກົດໝາຍ​ວ່າ​ດ້ວຍ​ການຈັດ​ຊື້-ຈັດ​ຈ້າງ​ດ້ວຍ​ທຶນ​ຂອງ​ລັດ; ສໍາລັບຮ່າງ​ກົດໝາຍ​ປັບປຸງລວມມີ 7 ສະບັບ ຄື: ກົດໝາຍ​ວ່າ​ດ້ວຍ​ການ​ດໍາ​ເນີນ​ຄະດີ​ອາຍາ, ກົດໝາຍ​ວ່າ​ດ້ວຍ​ການ​ກວດກາ​ລັດ, ກົດໝາຍວ່າ​ດ້ວຍຜັງ​ເມືອງ, ກົດໝາຍ​ວ່າ​ດ້ວຍ​ສັນຊາດ, ກົດໝາຍ​ວ່າ​ດ້ວຍ​ອົງການ​ກໍາມະບານ​ລາວ, ກົດໝາຍວ່າ​ດ້ວຍ​ແຮ່​ທາດ ​ແລະ ກົດໝາຍ​ວ່າ​ດ້ວຍ​ຊັບ​ສິນ​ທາງ​ປັນຍາ, ເຊິ່ງກວມ​ຢູ່​ໃນ​ຂົງ​ເຂດ​ເສດຖະກິດ ມີ 6 ສະບັບ, ການ​ເງິນ 4 ສະບັບ, ວັດທະນະທຳ-ສັງຄົມ 3 ສະບັບ, ຂົງ​ເຂດ​ການ​ປົກຄອງ ​ແລະ ຍຸຕິ​ທຳ 3 ສະບັບ.

 

 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: