ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ສ້າງຄວາມເຂັ້ມແຂງ ໃຫ້ແກ່ ສພຂ ໃນຂົງເຂດວຽກງານ ບັນດາເຜົ່າ

ຂປລ/ສພຊ. ກໍາມາທິການບັນດາເຜົ່າ ໄດ້ຈັດຊຸດ​ອົບຮົມ ສ້າງຄວາມເຂັ້ມແຂງ ໃຫ້ແກ່ສະມາຊິກສະພາປະຊາຊົນຂັ້ນແຂວງ (ສພຂ) ທີ່ຮັບຜິດຊອບວຽກງານບັນດາເຜົ່າ ​ແຕ່ວັນທີ 16-18 ສິງຫາ 2017 ທີ່ເມືອງວັງວຽງ ແຂວງວຽງຈັນ, ໂດຍການ ເປັນປະທານຂອງທ່ານ ນາງ ບົວພັນ ລີໄກຢາ ກຳມະການຄະນະປະຈຳສະພາແຫ່ງຊາດ, ປະທານກຳມາທິການບັນດາເຜົ່າ,

​ໂດຍມີ ບັນດາ ສພຂ ທີ່ຮັບຜິດຊອບວຽກງານບັນດາເຜົ່າ ຈາກ​ແຕ່ລະເຂດເລືອກຕັ້ງທົ່ວປະເທດ ​ແລະ ພາກ​ສ່ວນກ່ຽວຂ້ອງ​ເຂົ້າ​ຮ່ວມ. ທັງນີ້, ເພື່ອຍົກລະດັບດ້ານຕ່າງໆໃຫ້ແກ່ ສພຂ ໃນກອງປະຊຸມສະພາແຕ່ລະຂັ້ນ ໃຫ້ດີກວ່າເກົ່າ, ເພີ່ມຄວາມຮັບຮູ້ທາງດ້ານເອກະລັກ ວັດທະນະທຳຂອງບັນດາເຜົ່າ, ທັງສ້າງຄວາມເຂົ້າໃຈ ກ່ຽວກັບຂອດການພົວພັນ ລະຫວ່າງ ຄະນະປະຈຳສູນກາງແນວລາວສ້າງຊາດ ກັບຄະນະປະຈຳສະພາແຫ່ງຊາດ ແລະ ກຳໄດ້ພາລະບົດບາດບັນດາກົມຂອງ ກຳມາທິການບັນດາເຜົ່າ​ໃຫ້​ຫລາຍ​ຂຶ້ນ.

ຊຸດ​ອົບຮົມ​ຄັ້ງ​ນີ້, ຜູ້ເຂົ້າຮ່ວມໄດ້ສືບຕໍ່ຄົ້ນຄວ້າແລກປ່ຽນບົດຮຽນ ກ່ຽວກັບຄວາມຮູ້ດ້ານເອກະລັກວັດທະນະ ທຳຂອງບັນດາເຜົ່າ ແລະ ວັດທະນະທຳລວມແຫ່ງຊາດ, ທັກສະການປະກອບຄຳເຫັນ ຂອງສະມາຊິກສະພາ ໃນກອງປະຊຸມສະພາ, ທັກສະການຊັກຖາມຕໍ່ຂົງເຂດຕ່າງໆ ທີ່ກ່ຽວຂ້ອງ ແລະ ການລົງພົບປະຜູ້ມີສິດເລືອກຕັ້ງ, ຂໍ້ຕົກລົງວ່າດ້ວຍການພົວພັນ ລະຫວ່າງ ຄະນະປະຈຳສູນກາງແນວລາວສ້າງຊາດ ກັບ ຄະນະປະຈຳສະພາແຫ່ງຊາດ, ພາລະບົດບາດ 2 ກົມ ຂອງກຳມາ ທິການບັນດາເຜົ່າ.

 

 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: