ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ສະພາແຫ່ງຊາດສະເຫຼີມສະຫຼອງວັນລັດຖະທຳມະນູນ

ເພື່ອເຮັດໃຫ້ພະນັກງານ - ລັດຖະກອນສະພາແຫ່ງຊາດ ໄດ້ຮັບຮູ້ກ່ຽວກັບ ປະຫວັດຄວາມເປັນມາ ແລະ ຄວາມສຳຄັນ ຂອງວັນລັດຖະທຳມະນູນ, ສະພາແຫ່ງຊາດ ຈຶ່ງໄດ້ຈັດຕັ້ງພິທີສະເຫຼີມສະຫຼອງ ວັນລັດຖະທຳມະນູນ ແຫ່ງ ສປປ ລາວ ຄົບຮອບ 26 ປີ (15 ສິງ ຫາ 1991- 15 ສິງຫາ 2017), ໃນວັນທີ 14 ສິງຫານີ້ ທີ່ສູນຝຶກອົບຮົມ ລາວ-ຍີ່ປຸ່ນ (ຫຼັກ 5) ໂດຍມີ ທ່ານ ແສງນວນ ໄຊຍະລາດ ຮອງປະທານສະພາແຫ່ງຊາດ,

ທ່ານ ວີໄລວົງ ບຸດດາຄຳ ກຳມະການຄະນະປະຈຳ, ປະທານກຳມາທິການແຜນການ, ການເງິນ ແລະ ການກວດສອບ ສະພາແຫ່ງຊາດ ພ້ອມດ້ວຍ ພະນັກງານ-ລັດຖະກອນ ພາຍໃນສະພາແຫ່ງຊາດເຂົ້າຮ່ວມ. ໃນພິທີ ທ່ານ ຈະເລີນ ເຢຍປາວເຮີ ລັດຖະມົນຕີປະຈຳສຳນັກງານນາຍົກລັດຖະມົນຕີ, ໂຄສົກລັດຖະບານ ໄດ້ຍົກໃຫ້ເຫັນປະຫວັດຄວາມ ເປັນມາກ່ຽວກັບການສ້າງລັດຖະທຳມະນູນແຫ່ງ ສປປ ລາວ, ຄວາມໝາຍຄວາມສຳຄັນຂອງ ລັດຖະທຳມະນູນແຫ່ງ ສປປ ລາວ, ລັດຖະທຳມະນູນແຫ່ງ ສປປ ລາວ ໃນດ້ານທາດແທ້ ກໍແມ່ນການສ້າງສະຕິຊາດເອກະພາບອັນໜຶ່ງອັນດຽວກັນ ພາຍ ໃຕ້ການນຳພາຂອງພັກ, ຮັບຮູ້ ແລະ ປົກປ້ອງການດຳລົງຄົງຕົວ ທີ່ຕັດແຍກອອກຈາກກັນບໍ່ ໄດ້ຂອງປະຊາຊົນລາວບັນດາເຜົ່າ, ກຳນົດນະໂຍບາຍສາມັກ ຄີ ແລະ ຄວາມສະເໝີພາບລະຫວ່າງຊົນເຜົ່າຕ່າງໆ, ລັດຖະທຳມະນູນແຫ່ງ ສປປ ລາວ ແມ່ນກົດໝາຍພື້ນຖານຂອງ ສປປ ລາວ ຊຶ່ງສະແດງເຖິງເຈດ ຈຳນົງຂອງປະຊາຊົນລາວບັນດາເຜົ່າ ທີ່ປະກອບດ້ວຍບັນດາຊັ້ນຄົນໃນສັງຄົມ, ລັດຖະທຳມະນູນຮັບໃຊ້ໃຫ້ແກ່ຜົນປະໂຫຍດລວມຂອງປະຊາຊົນ ລາວບັນດາເຜົ່າເພາະອຳນາດ ທັງໝົດເປັນຂອງປະຊາຊົນຕາມລະບອບປະຊາທິປະໄຕປະຊາຊົນ ດັ່ງທີ່ໄດ້ກຳນົດໄວ້ ໃນມາດຕາ 2 ວ່າ “ລັດແຫ່ງ ສາທາລະນະລັດ ປະຊາທິປະ ໄຕ ປະຊາຊົນລາວ ແມ່ນ ລັດ ປະຊາທິປະໄຕ ປະຊາຊົນ ອຳນາດທັງໝົດເປັນຂອງປະ ຊາຊົນ ໂດຍປະຊາຊົນ ແລະ ເພື່ອຜົນປະໂຫຍດຂອງປະຊາ ຊົນ ຊຶ່ງປະກອບດ້ວຍບັນດາ ຊັ້ນຄົນຢູ່ໃນສັງຄົມ ໂດຍແມ່ນ ກຳມະກອນ, ກະສິກອນ ແລະ ນັກຮຽນຮູ້ປັນຍາຊົນ ເປັນຫຼັກ ແຫຼ່ງ”. (ຂ່າວ: ແສງຈັນ)

 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: