ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ປະທານສະພາແຫ່ງຊາດ ເນັ້ນໃຫ້ສະມາຊິກພັກ ມີຄວາມສັດຊື່ບໍລິສຸດ ເຫັນຜົນປະໂຫຍດລວມເປັນຫລັກ

ທ່ານ ນາງ ປານີ ຢາ​ທໍ່​ຕູ້ ກໍາມະການ​ກົມ​ການ​ເມືອງສູນ​ກາງ​ພັກ, ປະທານສະພາ​ແຫ່ງ​ຊາດລາວ ​ໄດ້​​​ໃຫ້​ກຽດ​ໂອ້​ລົມ ​ແລະ ​ໃຫ້​ທິດ​ຊີ້​ນໍາ ​ໃນ​ໂອກາດ​​ເຂົ້າ​ຮ່ວມກອງ​ປະຊຸມ ການ​ດໍາ​ເນີນ​ຊີ​ວິດການ​ເມືອງ​ປັບປຸງ​ປົວ​ແປງ​ ພາຍ​ໃນ​ສະພາ​ແຫ່ງ​ຊາດ ​ໂດຍ​ເນັ້ນ ​ໃຫ້​ຄະ​ນະ​ພັກ​, ສະມາຊິກ​ພັກ ຕ້ອງ​ມີ​ຄວາມ​ສັດ​ຊື່ບໍລິສຸດ​ ຖື​ຜົນ​ປະ​ໂຫຍ​ດສ່ວນ​ລວມ​ເປັນ​ຫລັກ, ​​ເຊື່ອໝັ້ນ​ຕໍ່​ແນວທາງ​ນະ​ໂຍບາຍ​ຂອງ​ພັກ,

ເພີ່ມ​ທະວີ​ຄວາມ​ສາມັກ​ຄີ ​ເປັນອັນ​ໜຶ່ງ​ອັນ​ດຽວ​ພາຍ​ໃນ​ພັກ, ຖື​ສໍາຄັນ​ຕໍ່ວຽກ​ງານ​ລວມ​ສູນ​ປະຊາທິປະ​ໄຕ. ສະມາຊິກ​ພັກ​ຕ້ອງ​ມີ​ລະດັບ​ທິດສະ​ດີ ​ທີ່​ແນນ​ອນ.

ທ່ານ ນາງ ປານີ ຢາ​ທໍ່ໍ່ຕູ້ ໃຫ້​ທິດ​ຊີ້​ນໍາ​ຕື່ມ​ວ່າ: ການ​ດໍາ​ເນີນ​ຊີວິດ​ການ​ເມືອງ ​ປົວ​ແປງ​ພັກ​ໃນ​ຄັ້ງ​ນີ້, ​ເພື່ອ​ເປັນ​ການ​ຕໍາ​ນິສົ່ງ​ຂ່າວ​ເຊິ່ງກັນ ​ແລະ ກັນ​, ​ເປັນ​ການ​ຖອດ​ຖອນ​ບົດຮຽນ ການ​ຊີ້​ນໍາ-ນໍາພາ ​ແລະ ປະຕິບັດ​ໜ້າ​ທີ່​ການ​ເມືອງ​ ໃນ​ໄລຍະ​ໃໝ່ ​ແນ​ໃສ່​ສ້າງ​ພັກ​ໃຫ້​ເຂັ້ມ​ແຂງ, ປອດ​ໄສ, ໜັກ​ແໜ້ນ​ທັງ​ເປັນ​ການ​ຍົກ​ສູງ​ບົດບາດ ​ແລະ ປະສິດທິ​ຜົນ​ຂອງ​ພັກ​ແຕ່ລະ​ຂັ້ນ ​ໃຫ້​ສູງ​ຂຶ້ນ. ​ສະ​ນັ້ນ, ພວກ​ເຮົາ​​ກໍຄວນ​ເອົາ​ໃຈ​​ໃສ່​ດໍາ​ເນີນ​ຢ່າງ​ ເປັນ​ຂະ​ບວນການ​ຕໍ່​ເນື່ອງ​, ຕ້ອງ​ສຶກສາ​ອົບຮົມ​ການ​ການ​ເມືອງ​ແນວ​ຄິດ, ຕ້ອງຖື​ເອົາ​ວຽກ​ງານກໍ່ສ້າງ​ໜ່ວຍ​ພັກ​ແຂ​ງ-ຮູ້​ນໍາພາ​ຮອບດ້ານ​ ເຂົ້າ​ເປັນ​ມາດຖານ​ໜຶ່ງ​ ເພື່ອ​ສໍາ​ຫລວດ​ຕີ​ລາຄາ, ​ແບ່ງ​ປະ​ເພດ​ທັງ​ເປັນ​ໄມ້​ຫລາ​ວັດ​ແທກ​ຜົນ​ສໍາ​ເລັດ; ການ​ກໍ່ສ້າງ​ພັກ-ພະນັກງານ​​ ໂດຍ​ຢຶດໝັ້ນ​ເປັນ​ເອກະ​ພາບ​ປະຕິບັດ​ຕາມ 5 ຫລັກການ 3 ທິດ​ນໍາ, ຄວນ​ມີ​ແຜນ​ກໍານົດ​ການ​ກໍ່ສ້າງ​ຢ່າງ​ຄັກ​ແນ່​ ໃຫ້​ຖືກ​ກັບ​ມາດຖານ​ຕົວ​ຈິງ; ພ້ອມ​ນີ້ ກໍເອົາ​ໃຈ​ໃສ່ ​ການ​ຂະຫຍາຍ​ພັກ ​ແລະ ອີງ​ໃສ່​ກົດ​ລະບຽບ ​ການ​ຂະຫຍາຍ​ພັກ ​ສະ​ໄໝ​ທີ X ຢ່າງ​ເຂັ້ມ​ງວດ ຮັບປະກັນ​ຄວາມ​ສອດ​ຄ່ອງ ກັບ​ເງື່ອນ​ໄຂ​ທີ່​ແທ້​ຈິງ, ຝຶກ​ຝົນ​ຫລໍ່​ຫລອມ​ຕົນ​ເອງ ​ເປັນຜູ້​ທີ່​ເຂົ້າ​ໃຈ​ແນວທາງ​ຂອງ​ພັກ​ຢ່າງ​ເລິກ​ເຊິ່ງ; ຂະນະ​ດຽວ​​ການ​ນໍາພາ ​ແລະ ​ແບບ​​ແຜນ​ວິທີ​ເຮັດ​ວຽກ ​ຄວນ​ປະຕິບັດ​ ຕາມ​ຫລັກການ​ລວມສູນ​ປະຊາທິປະ​ໄຕ, ​ເຮັດ​ວຽກ​ເປັນ​ໝູ່​ຄະນະ, ​ແບ່ງ​ຄວາມ​ຮັບຜິດຊອບ​ໃຫ້​ບຸກຄົນ, ມີ​ການ​ຕິດຕາມ​ກວດ ກາ, ຊຸກຍູ້​ປະຕິບັດ​ແຜນການ​ເຄື່ອນ​ໄຫວ​ຂອງ​ໜ່ວຍ​ພັກ​ ໂດຍ​ມີ​ການ​ຕິດຕາມ​ປະ​ເມີ​ນ ວຽກ​ງານ​ແຕ່​ລະ​ດ້ານ ເພື່ອ​ປັບປຸງ​ແກ້​ໄຂ​ດ້ານ​ອ່ອນ ​ແລະ ​ເສີມ​ຂະຫຍາຍ​ດ້ານ​ຕັ້ງໜ້າ​ ໃຫ້​ແທດ​ເໝາະ ​ກັບ​ແຕ່​ລະ​ເປົ້າ​ໝາຍ​ ຕາ​ມ ພາລະ​ບົດບາດ​ຂອງ​ຕົນ./.

 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: