ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ການສ້າງກົດໝາຍ ວ່າດ້ວຍສົນທິສັນຍາ ແລະ ສັນຍາສາກົນ ສາມາດດຶງດູດການລົງທຶນ ຈາກຕ່າງປະເທດ

ໃນວັນທີ 8 ພຶດສະພາ 2017 ນີ້ ທີ່ສະພາແຫ່ງຊາດ ທ່ານ ສະເຫລີມໄຊ ກົມະສິດ ລັດ ຖະມົນຕີ ກະຊວງການຕ່າງປະເທດ ໄດ້ສະເໜີຕໍ່ກອງປະຊຸມ ສະໄໝສາມັນ ເທື່ອທີ 3 ຂອງສະພາແຫ່ງຊາດ ຊຸດທີ VIII ກ່ຽວກັບເຫດຜົນ ແລະ ຄວາມຈຳເປັນ ໃນການສ້າງກົດໝາຍວ່າ ດ້ວຍສົນທິສັນຍາ ແລະ ສັນຍາສາກົນ.ເຊິ່ງທ່ານ ສະເຫລີມໄຊ ກົມມະສິດ ໄດ້ໃຫ້ຮູ້ວ່າ: ການສ້າງກົດໝາຍ ວ່າດ້ວຍສົນທິສັນຍາ ແລະ ສັນຍາສາກົນ ແມ່ນການຜັນຂະຫຍາຍ ມະຕິ X ຂອງພັກ ກ່ຽວກັບແນວທາງ ການຕ່າງປະເທດຂອງພັກ

“ສັນຕິພາບ, ​ເອກະລາດ, ມິດຕະພາບ, ການ​ຮ່ວມ​ມື ​ແລະ ການ​ເຊື່ອມ​ໂຍງ​ ບົນ​ພື້ນຖານ​ຫລັກການເຄົາລົບ​ເຊິ່ງກັນ ​ແລະ ກັນ ​ເຊິ່ງຕ່າງ​ຝ່າຍ​ຕ່າງ​ໄດ້​ຮັບ ​ຜົນ​ປະ​ໂຫຍ​ດ, ​ເສີມ​ຂະຫຍາຍ​ສາຍ​ພົວພັນ ​ແລະ ການ​ຮ່ວມ​ມື ​ແບບ​ຫລາຍ​ທິດ, ຫລາຍ​ຝ່າຍ ​ແລະ ຫລາຍ​ລະດັບ” ທັງ​ເປັນ​ການຈັດ​ຕັ້ງ​ປະຕິບັດ​ ນະ​ໂຍບາຍ​ການ​ຕ່າງປະ​ເທດ​ຂອງ ສປປ ລາວ “ ສັນຕິ​ພາບ, ​ເອກະລາດ, ມິດຕະພາບ ​ແລະ ການ​ຮ່ວມ​ມື; ການ​ຂະຫຍາຍ​ ສາຍ​ພົວພັນ ​ແລະ ການ​ຮ່ວມ​ມື​ ກັບ​ທຸກ​ປະ​ເທດ ບົນ​ຫລັກການ​ຢູ່​ຮ່ວມ​ກັນ​ ໂດຍ​ສັນຕິ, ​ເຄົາລົບ​ເອກະລາດ, ອະທິປະ​ໄຕ, ຜືນ​ແຜ່ນດິນ​ອັນ​ຄົບ​ຖ້ວນ​ຂອງ​ກັນ, ບໍ່​ແຊກ​ແຊງ​ເຂົ້າ ວຽກ​ງານ​ພາຍ​ໃນ​ຂອງ​ກັນ, ສະ​ເໝີ​ພາບ ແລະ ຕ່າງ​ຝ່າຍ​ຕ່າງ​ໄດ້​ຮັບ ​ຜົນ​ປະ​ໂຫຍ​ດ”. ​ຕາມ​ທີ່​ໄດ້​ກຳນົດ​ໄວ້ ​​ໃນ​ລັດຖະທຳ​ມະນູນ ສະບັບ​ປັບປຸງ​ປີ 2015. ພ້ອມ​ດຽວ​ກັນ​, ທ່ານລັດຖະມົນຕີ ຍັງ​ໃຫ້​ຮູ້​ຕື່ມ​ວ່າ: ​ເຫດຜົນ​ທີ່​ສຳ​ເລັດ​ແມ່ນ​ເພື່ອ​ເພີ່ມ​ທະວີ​ ການ​ເປັນ​ເຈົ້າ​ການ ​ໃນ​ການ​ຄຸ້ມ​ຄອງ​ລັດ​ ກ່ຽວ​ກັບວຽກ​ງານ ​ການ​ຕ່າງປະ​ເທດ ​ດ້ວຍ​ກົດໝາຍ​ທີ່​ມີ​ຄວາມ​ສັກສິດ, ​ໂດຍ​ສະ​ເພາະ ​ແມ່ນ​ວຽກ​ງານ​ສົນທິສັນຍາ ​ແລະ ສັນຍາ​ສາກົນ ​ໃຫ້​ມີ​ຄວາມ​ເປັນ​ເອກະ​ພາບ ​ໃນ​ຂອບ​ເຂດ​ທົ່ວ​ປະ​ເທດ ​ແນ່​ໃສ່​ສ້າງ​ສະພາບ​ແວດ​ລ້​ອມພາຍ​ນອກ ທີ່​ເອື້ອ​ອຳ​ນວຍ, ​ເຊື່ອມ​ໂຍງ​ກັບ​ ພາກ​ພື້ນ ​ແລະ ສາກົນ, ຂະຫຍາຍ​ການ​ຮ່ວມ​ມື ​ກັບ​ຕ່າງປະ​ເທດ ທັງ​ຍາດ​ແຍ່ງ​ການ​ຊ່ວຍ​ເຫລືອ ​ແລະ ດຶງ​ດູດ​ການ​ລົງທຶນ​ ຈາກ​ຕ່າງປະ​ເທດ ປະກອບສ່ວນ​ອັນ​ສຳ​ຄັນ ​ໃນ​ພາລະກິດ​ປົກ​ປັກ​ຮັກສາ ​ແລະ ສ້າງສາ​ພັດທະນາ ​ປະ​ເທດ​ຊາດ.

ທ່ານ ສະເຫລີມໄຊ ກົມມະສິດ ຍັງໃຫ້ຮູ້ຕື່ມວ່າ: ນອກຈາກ​ເຫດຜົນ ​ແລະ ຄວາມ​ຈຳ​ເປັນ ທີ່​ກ່າວ​ມາ​ຂ້າງ​ເທິງ​ນັ້ນ, ການ​ສ້າງ​ກົດໝາຍ​ສະບັບ​ນີ້​ ກໍ​ເພື່ອ​ແກ້​ໄຂ​ບັນຫາ ​ແລະ ສິ່ງ​ທ້າ​ທາຍ​ຕ່າງໆ​ ທີ່​ເກີດ​ຂຶ້ນ​ໃນ​ການ​ສ້າງ ​ແລະ ຈັດ​ຕັ້ງປະຕິບັດ ສົນທິສັນຍາ ​ແລະ ສັນຍາ​ສາກົນ ​ໃນ​ໄລຍະ​ຜ່ານ​ມາ.

 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: