ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ສະພາແຫ່ງຊາດ ພິຈາລະນາຮ່າງກົດໝາຍວ່າດ້ວຍຄື້ນຄວາມຖີ່ວິທະຍຸສື່ສານ

ກອງປະຊຸມສະໄໝສາ ມັນເທື່ອທີ 3 ຂອງສະພາແຫ່ງ ຊາດ ຊຸດທີ VIII ໃນວັນທີ 5 ພຶດສະພານີ້ ພາຍໃຕ້ການເປັນ ປະທານຂອງທ່ານ ບຸນປອນ ບຸດຕະນະວົງ ຮອງປະທານສະ ພາແຫ່ງຊາດ, ທ່ານ ທັນສະ ໄໝ ກົມມະສິດ ລັດຖະມົນຕີ ກະຊວງໄປສະນີ ໂທລະຄົມມະນາຄົມ ແລະ ການສື່ສານ ໄດ້ຂຶ້ນສະເໜີຮ່າງກົດໝາຍວ່າ ດ້ວຍຄື້ນຄວາມຖີ່ວິທະຍຸສື່ສານ

ເພື່ອໃຫ້ສະມາຊິກສະພາແຫ່ງຊາດ ປະກອບຄຳຄິດຄຳ ເຫັນໃສ່ຮ່າງກົດໝາຍດັ່ງກ່າວ ໃຫ້ມີເນື້ອໃນອຸດົມສົມບູນ ແລະ ຮັດກຸມຂຶ້ນ. ທ່ານລັດຖະມົນຕີກະຊວງໄປສະນີ ໂທລະຄົມມະນາຄົມ ແລະ ການສື່ສານກ່າວເຖິງເຫດຜົນ ແລະ ຄວາມ ຈຳເປັນໃນການສ້າງກົດໝາຍຄື້ນຄວາມຖີ່ວິທະຍຸສື່ສານວ່າ: ການຍົກລະດັບຂອງດຳລັດວ່າ ດ້ວຍຄື້ນຄວາມຖີ່ ສະບັບປີ 2014 ຂຶ້ນເປັນກົດໝາຍເພື່ອກຳນົດຫຼັກການ, ມາດຕະການກ່ຽວກັບຄື້ນຄວາມຖີ່ວິທະຍຸ ເພື່ອເຮັດໃຫ້ການຄຸ້ມຄອງ, ລະບຽບການ, ການເກັບກຳ, ການເຂົ້າເຖິງ, ການນຳໃຊ້ຄື້ນຄວາມ ຖີ່ວິທະຍຸໃຫ້ມີຄວາມຖືກຕ້ອງ ພ້ອມທັງໃຫ້ສອດ ຄ່ອງກັບສະພາບຄວາມເປັນຈິງຂອງເຕັກ ໂນໂລຊີໃໝ່ຂອງສາກົນສອດຄ່ອງກັບແນວທາງນະໂຍບາຍຂອງພັກ - ລັດ ແລະ ສອດຄ່ອງກັບສົນທິສັນຍາສາກົນທີ່ ສປປ ລາວ ເປັນພາຄີ. ເພື່ອໃຫ້ສອດຄ່ອງກັບສະພາບ ຄວາມເປັນເປັນຈິງ ຂອງການພັດທະນາດ້ານເສດຖະກິດ - ສັງຄົມຂອງປະເທດເຮົາ ແລະ ເພື່ອໃຫ້ການຄຸ້ມຄອງຄື້ນຄວາມ ຖີ່ວິທະຍຸທັນ ກັບສະພາບການປ່ຽນແປງໃນແຕ່ລະໄລຍະ ໂດຍຕິດພັນກັບສົນທິສັນຍາສາກົນທີ່ ສປປ ລາວ ເປັນພາຄີ ພ້ອມກັນນັ້ນ ກໍ ເພື່ອຊ່ວຍໃຫ້ ພາກລັດຖະບານມີເຄື່ອງມືໃນ ການຄຸ້ມຄອງຄື້ນຄວາມຖີ່ວິທະຍຸລວມທັງສິດຂອງການນຳໃຊ້ ຄື້ນຄວາມ ຖີ່ວິທະຍຸສື່ສານໃຫ້ ໄດ້ຮັບຄວາມເປັນທຳ ແລະ ປອດໄພ. ກົດໝາຍ ດັ່ງກ່າວ ປະກອບມີ 14 ໝວດ, 77 ມາດຕາ. ຈາກນັ້ນ ທ່ານປະທານ ກອງປະຊຸມໄດ້ຢ້ຳໃຫ້ບັນດາ ສສຊ ຄົ້ນຄວ້າພິຈາລະນາ ປະກອບຄຳເຫັນລົງເລິກໃນ ທຸກໝວດ ທຸກມາດຕາ ແລະ ຊ່ວຍປັບປຸງຄຳສັບຕ່າງໆ ໃຫ້ມີຄວາມເໝາະສົມຖືກຕ້ອງ ແລະ ສອດຄ່ອງກັບສະພາບຕົວຈິງ. ຈາກນັ້ນບັນດາ ສສຊ ຈາກເຂດ ເລືອກຕັ້ງຕ່າງໆ ໄດ້ສຸມໃສ່ປະກອບຄຳຄິດຄຳເຫັນ ໂດຍໄດ້ລົງເລິກເນື້ອໃນຢູ່ບາງມາດ ຕາທີ່ເຫັນວ່າ ມີເນື້ອໃນຍັງບໍ່ຄົບຖ້ວນ ແລະ ຊັດເຈນໂດຍ ສະເພາະແມ່ນການກຳນົດສິດ ກ່ຽວກັບຄື້ນຄວາມຖີ່ວິ ທະຍຸສື່ ສານໃນມາດຕາ 4, ມາດຕາ 9, ໝວດທີ 3 ທີ່ຍັງບໍ່ທັນຄົບຖ້ວນ, ມາດຕາ 29, ມາດຕາ 34, ມາດຕາ 38, ໝວດທີ 11 ວ່າ ດ້ວຍການຄຸ້ມຄອງວຽກງານ ຄື້ນຄວາມຖີ່ວິທະຍຸສື່ສານໃຫ້ສອດຄ່ອງກັບທິດ 3 ສ້າງ ເປັນຕົ້ນສິດໃນການ ອະນຸຍາດ ການລົງທຶນ, ການຕິດຕາມກວດກາການນຳໃຊ້ຄື້ນຄວາມຖີ່ ແລະ ວຽກງານອື່ນທີ່ກ່ຽວຂ້ອງ ແລະ ມາດຕາ 73 ຂອງ ກົດໝາຍສະບັບນີ້ແມ່ນການກຳນົດການປັບໃໝທາງດ້ານ ບໍລິຫານຕໍ່ກັບການກຳນົດ ມູນຄ່າປັບໃໝ ເພື່ອໃຫ້ສອດຄອງກັບສະພາບຄວາມເປັນ ຈິງທາງດ້ານເສດຖະກິດ - ສັງ ຄົມຂອງປະເທດເຮົາໃຫ້ຈະແຈ້ງ ແລະ ສົມບູນ ທີ່ສຸດ. ຈາກນັ້ນປະທານກອງປະຊຸມກໍໄດ້ສະຫຼຸຸບລວມ ການປະກອບຄຳຄິດຄຳເຫັນ ແລະ ສະເໜີສະມາຊິກສະພາ ແຫ່ງຊາດລົງຄະແນນສຽງຮັບຮອງເອົາກົດໝາຍດັ່ງກ່າວ ຊຶ່ງທີ່ປະຊຸມໄດ້ຮອງຮັບເອົາກົດ ໝາຍວ່າດ້ວຍຄື້ນຄວາມ ຖີ່ທະ ຍຸ ສື່ສານດ້ວຍຄະແນນສຽງເຫັນ ດີເປັນສ່ວນຫຼາຍ.

 

 

 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: