ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ສະພາແຫ່ງຊາດ ພິຈາລະນາຮ່າງກົດໝາຍ ວ່າດ້ວຍສິລະປະການສະແດງ

ບັນດາສະມາຊິກ ສະພາແຫ່ງຊາດ ເຂດເລືອກຕັ້ງຕ່າງໆ ໄດ້ສຸມໃສ່ ພິຈາລະນາປະກອບຄຳຄິດຄຳເຫັນ ຕໍ່ຮ່າງກົດໝາຍ ວ່າດ້ວຍສິລະ​ປະການ​ສະ​ແດງ ຊຶ່ງສະເໜີໂດຍ ທ່ານ ບໍ່​ແສງຄຳ ວົງດາລາ ລັດຖະມົນຕີ ກະຊວງ​ຖະ​ແຫລ​ງຂ່າວ, ວັດທະນະ​ທໍາ ​ແລະ ທ່ອງ​ທ່ຽວ ໃນວັນທີ 4 ພຶດ​ສະພາ 2017 ຊຶ່ງເປັນມື້ທີ 7 ຂອງການດຳເນີນ ກອງປະຊຸມສະໄໝສາມັນ ເທື່ອທີ 3 ຂອງສະພາແຫ່ງຊາດ ຊຸດທີ VIII

ໂດຍການເປັນປະທານ ຂອງທ່ານ ສົມພັນ ແພງຄຳມີ ຮອງປະທານ ສະພາແຫ່ງຊາດ.

ທ່ານ ບໍ່ແສງຄຳ ວົງດາລາ ຊີ້ໃຫ້ເຫັນເຖິງເຫດຜົນ ​ແລະ ຄວາມ​ຈໍາ​ເປັນ ​ໃນ​ການ​ສ້າງ​ກົດໝາຍ​ສະບັບ​ນີ້ ​​ເພື່ອ​ສົ່ງ​ເສີມ​ໃຫ້​ ປະຊາຊົນ​ລາວ​ທຸກ​ພາກສ່ວນ​ ພ້ອມ​ກັນ​ຕັ້ງໜ້າ​ເຂົ້າ​ໃນ ​ການ​ຄົ້ນ​ຄ້ວາ​ຟຶ້ນຟູ​ອະນຸລັກ ​ພັດທະນາ​ເຜີຍ​ແຜ່ ​ແລະ ຊົມ​ໃຊ້​ຜະລິດ​ຕະພັນ​ ສິລະ​ປະການ​ສະ​ແດງ​ ໃຫ້​ນັບ​ມື້​ນັບ​ດີ​ຂຶ້ນ, ສ້າງ​ຄວາມ​ບັນ​ເທີ​ງ ມ່ວນ​ຊື່ນ​​ໃນ​ໝູ່​ປະຊາຊົນ, ຕອບ​ສະໜອງ​ໜ້າ​ທີ່​ການ​ເມືອງ​ ໃນ​ໄລຍະ​ໃໝ່​ ໂດຍ​ການ​ສ້າງ​ລັດ ​ໃຫ້​ເປັນ​ລັດ​ທີ່​ຄຸ້ມຄອງ​ ດ້ວຍ​ກົດໝາຍ, ​ເພີ່ມ​ທະວີ​ ການ​ຄຸ້ມ​ຄອງ​ຂອງ​ລັດ​ ຕໍ່​ວຽກ​ງານ​ສິລະ​ປະ ວັດ​ທະນະ​ທໍາ​ ໃຫ້​ໜັກ​ແໜ້ນ, ​ເຂັ້ມ​ແຂງ​ຮັບ​ໃຊ້​ໜ້າ​ທີ່​ການ​ເມືອງ ​ແລະ ຜົນ​ປະ​ໂຫຍ​ດຂອງ​ຊາດ ​ຂອງ​ປະຊາຊົນ​ ຕາມ​ທິດ​ສາມ​ສ້າງ, ສາມາດ​ຕອບ​ສະໜອງ​ກັບ​ ການ​ປ່ຽນ​ແປງ​ໃໝ່​ ໃນ​ດ້ານ​ສິລະ​ປະ ການ​ສະ​ແດງ, ຂໍ້​ມູນ​ຂ່າວສານ ​ຂອງ​ຍຸກ​ແຫ່ງ​ການ​ເຊື່ອມ​ໂຍງ​ສາກົນ, ກົດໝາຍ​ວ່າ​ດ້ວຍ​ສິລະ​ປະ ການ​ສະ​ແດງປະກອບມີ 9 ພາກ, 12 ໝວດ ​ແລະ 74 ມາດຕາ.

ໂອກາດນີ້, ປະທານກອງປະຊຸມ ໄດ້ຢ້ຳໃຫ້ບັນດາ ສສຊ ຄົ້ນຄ້ວາພິຈາລະນາ ປະກອບຄຳເຫັນ ລົງເລິກໃນທຸກໝວດ ທຸກມາດຕາ ແລະ ຊ່ວຍປັບປຸງຄຳສັບຕ່າງໆ ໃຫ້ມີຄວາມເໝາະສົມ ເພາະກົດໝາຍສະບັບນີ້ ເປັນກົດໝາຍສ້າງໃໝ່ ແລະ ມີຄວາມສຳຄັນຍິ່ງ ຕໍ່​ກັບ​ການ​ພັດທະນາ​ ວຽກ​ງານສິລະ​ປະການ​ສະ​ແດງ, ການ​ແບ່ງ​ຂັ້ນ​ຄຸ້ມ​ຄອງ, ການ​ເຄື່ອນ​ໄຫວ​ຂອງ​ສິລະ​ປິນ, ຜູ້​ປະກອບ​ກິດຈະການ​ເຜີຍ​ແຜ່ ​ແລະ ຊົມ​ໃຊ້​ຜະລິດ​ຕະພັນ ​ການສະ​ແດງ ​ໃຫ້​ມີ​ຄວາມ​ຖືກຕ້ອງ ​ແລະ ສອດຄ່ອງ​ກັບ​ສະພາບ​ຕົວ​ຈິງ.

ຈາກ​ນັ້ນບັນດາ ສສຊ ຈາກ​ເຂດ​ເລືອກ​ຕັ້ງ​ຕ່າງໆ​ ໄດ້​ສຸມ​ໃສ່​ປະກອບ​ ຄໍາ​ຄິດ​ຄໍາ​ເຫັນ ​ໂດຍ​ໄດ້​ລົງ​ເລິກ​ເນື້ອ​ໃນ​ ຢູ່​ບາງມາດຕາ​ທີ່​ເຫັນ​ວ່າ​ ມີ​ເນື້ອ​ໃນ​ຍັງ​ບໍ່​ທັນ​ຄົບ​ຖ້ວນ ​ແລະ ຊັດ​ເຈນ ເປັນ​ຕົ້ນ​ ມາດຕາ 5 ຫລັກການ​ພື້ນຖານ​ກ່ຽວ​ກັບ ວຽກ​ງານ​ສິລະ​ປະການ​ສະ​ແດງ​, ການ​ເຄື່ອນ​ໄຫວ​ຂອງ​ສິລະ​ປິນ, ການ​ໃຊ້​ຄໍາ​ສັບ, ການ​ກໍານົດ​ຊື່ ຂອງ​ສິລະ​ປະ​ພື້ນ​ເມືອງ, ມາດຕາ 42 ກ່ຽວ​ກັບ​ເວທີ​ ການສະ​ແດງ​ໃນ​ຮົ່ມ ​ໄດ້​ກໍານົດ​ຄວາມ​ດັງ​ຂອງ​ສຽງ​ ບໍ່​ໃຫ້​ເກີນ 85 ​ເດ​ຊີ​ເບ​ວ, ​ໄດ້​ກໍານົດ​ເວລາ ​ບໍລິການ​ທົ່ວ​​ໄປ​ບໍ່​ເກີນ 23:30​ ​ແລະ ການ​ກໍານົດ​ເວທີກາງ​ແຈ້ງ​ ໃຫ້​ຫ່າງ​ຈາກ​ວັດ​ ປະມານ 1000 ​ແມັດ ພ້ອມ​ນີ້​ບັນດາ ສສຊ ຍັງ​ໄດ້​ສະ​ເໜີ​ ໃຫ້​ມີ​ການ​ກວດຄືນ ​ກ່ຽວ​ກັບ​ເນື້ອ​ໃນ, ທໍານອງ​ເພັງບາງ​ປະ​ເພດ ທີ່​ຍັງ​ບໍ່​ສອດຄ່ອງ​ກັບ​ ວັດທະນະ​ທໍາ​ລາວ​ເຮົາ, ການ​ກໍານົດ​ນະ​ໂຍບາຍ ​ຕໍ່​ສິລະ​ປິນ​ແຫ່ງ​ຊາດຕື່ມ​ອີກ ./.

 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: