ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ສະພາແຫ່ງຊາດ ສະເໜີການເຄື່ອນໄຫວວຽກງານ ຂອງຄະນະປະຈໍາ ແລະ ວາງທິດທາງແຜນການ 9 ເດືອນ ປະຈໍາປີ 2017

ວັນ​ທີ 3 ພືດ​ສະພາ 2017 ນີ້ ກອງ​ປະຊຸມ​ ສະ​ໄໝ​ສາມັນ​ເທື່ອ​ທີ 3 ຂອງ​ສະພາ​ແຫ່ງ​ຊາດ​ຊຸດ​ທີ VIII ​​ໄດ້​ຮັບ​ຟັງ​ການສະ​ເໜີ​ ການ​ເຄື່ອນ​ໄຫວ​ວຽກ​ງານ​ ຂອງ​ຄະນະ​ປະ​ຈໍາ​ສະ​ພາ​ແຫ່ງ​ຊາດ ​ແຕ່​ກອງ​ປະຊຸມ​ ສະ​ໄໝ​ສາມັນ​ ເທື່ອ​ທີ 2 ຫາ​ກອງ​ປະຊຸມ ​ສະ​ໄໝ​ສາມັນ​ເທື່ອ​ທີ 3 ​ແລະ ທິດ​ທາງ​ແຜນການ 9 ​ເດືອນ​ປະ​ຈໍາປີ 2017 ​ໂດຍທ່ານ ນາງ ສີ​ໄສ ລື​ເດດ​ມູນ​ສອນ ຮອງ​ປະທານ​ສະພາ​ແຫ່ງ​ຊາດ, ​ພາຍ​ໃຕ້​ການ​ເປັນ​ປະທານ​ ຂອງ​ທ່ານ ນາງ​ ປານີ ຢ່າ​ທໍ່​ຕູ້ ປະທານ​ສະພາ​ແຫ່ງ​ຊາດ,

, ມີ​ບັນດາ​ຮອງ​ປະທານ ​ສະພາ​ແຫ່ງ​ຊາດ, ສະມາ​ຊີກ​ ສສຊ ​ແລະ ສສຂ ​ເຂົ້າ​ຮ່ວມ.ທ່ານ ນາງ​ ສີ​ໄສ ລື​ເດດ​ມູນ​ສອນ ​ໄດ້​ກ່າວ​ວ່າ: ຕະຫລອດ​ໄລຍະ​ຜ່ານ​ມາ ຄະ​ນະ​ປະ​ຈໍາ​ສະພາ​ແຫ່ງ​ຊາດ​ ໄດ້​ຈັດ​ຕັ້ງ​ປະຕິບັດ ​ວຽກ​ງານ​ດ້ານ​ຕ່າງໆ​ເຊັ່ນ: ​ໄດ້​ເອົາ​ໃຈ​ໃສ່​ຊີ້​ນໍາ ​ບັນດາ​ກໍາມາ​ທິການ ​ໃນ​ການ​ປະສານ​ສົມທົບ​ ກັບ​ພາກສ່ວນ​ກ່ຽວຂ້ອງ​ ສືບ​ຕໍ່​ປັບປຸງ​ກົດໝາຍ ​ທີ່​ກອງ​ປະຊຸມ​ສະ​ໄໝ​ສາມັນ ​ເທື່ອ​ທີ 2 ຂອງ​ສະພາ​ແຫ່ງ​ຊາດ ​ຊຸດ​ທີ VIII ​ໄດ້​ຮັບຮ​ອງ​ເອົາ ​ແລະ ປະກາດ​ໃຊ້​ແລ້ວ 14 ສະບັບ ​ໃນ​ນັ້ນກົດໝາຍ​ສ້າງ​ໃໝ່ 2 ສະບັບ ​ແລະ ກົດໝາຍ​ປັບປຸງ 12 ສະບັບ, ຊຶ່ງ​ສາມາດ​ປະກາດ​ໃຊ້​ ທັນຕາ​ມກໍານົດ​ໄວ້, ​​ເປັນ​ເຈົ້າ​ການ​ຄົ້ນ​ຄ້ວາ ​ພິຈາລະນາ​ຢ່າງຮອບດ້ານ​ ແກ່​ສົນທິສັນຍາ ​ແລະ ສັນຍາ​ສາກົນ​ ທີ່​ລາວ​ເຮົາ​ເປັນ​ພາຄີ ​ຕາມ​ການສະ​ເໜີ​ ຂອງ​ລັດຖະບານ​ຈໍານວນ 3 ສະບັບ, ​ເອົາ​ໃຈ​ໃສ່​ປະຕິບັດ​ ສິດ​ໜ້າ​ທີ່​ດ້ານ​ການ​ຕິດຕາມ​ກວດກາ ພ້ອມ​ທັງ ສືບ​ຕໍ່​ຊີ້​ນໍາ​ປັບປຸງ​ ລະບອບ​ແບບ​ແຜນ​ວິທີ​ເຮັດ​ວຽກ​ ບັນດາ​ກົງຈັກ​ການຈັດ​ຕັ້ງ​ພາຍ​ໃນ​ ສະພາ​ແຫ່ງ​ຊາດ ​ໂດຍ​ສະ​ເພາະ​ ການ​ປະສານ​ງານ​ ເຊິ່ງກັນ ​ແລະ ກັນ ລະຫວ່າງ​ພາຍ​ໃນ​ສະພາ​ແຫ່ງ​ຊາດ ​ແລະ ພາກສ່ວນ​ອື່ນ, ຄະນະ​ປະ​ຈໍາ​ສະພາ​ແຫ່ງ​ຊາດ​ ເອົາ​ໃຈ​ໃສ່​ຊີ້​ນໍາ​ ຄະນະ​ສະມາຊິກ​ສະພາ​ແຫ່ງ​ຊາດ ​ປະ​ຈໍ​າ​ເຂດ​ເລືອກ​ຕັ້ງ​ ເອົາ​ໃຈ​ໃສ່​ເຄື່ອນ​ໄຫວ​ປະຕິບັດ ​ພາລະ​ບົດບາດ​ຂອງ​ຕົນ ​ໂດຍ​ມີ​ການ​ປະສານ​ສົມທົບ​ກັບ ​ສະພາ​ປະຊາຊົນ​ຂັ້ນ​ແຂວງ ​ປະຕິບັດ​ສິດ​ໜ້າ​ທີ່​ຂອງ​ຕົນ ​ດ້ວຍ​ຄວາມ​ຮັບຜິດຊອບ. ພ້ອມ​ນີ້, ​ໄດ້​ເອົາ​ໃຈ​ໃສ່​ຢ່າງ​ໃກ້ສິດ​ ຕໍ່​ຄະນະ​ປະ​ຈໍາ​ສະພາ ​ປະຊາຊົນ​ຂັ້ນ​ແຂວງ ​ໃນ​ການ​ກະກຽມ​ດໍາ​ເນີນ​ກອງ​ປະຊຸມ​ສະ​ໄໝ​ສາມັນ​ ເທື່ອ​ທີ 2 ຂອງ​ສະພາ​ປະຊາຊົນ​ຂັ້ນ​ແຂວງ ​ໃນ​ຂອບ​ເຂດ​ທົ່ວ​ປະ​ເທດ​ ໂດຍ​ໄດ້​ລົງ​ຕິດ​ຕາມ​ ຊຸກ​ຍູ້​ການ​ກະກຽມ​ກອງ​ປະຊຸມ​ ຢູ່ບັນດາ​ແຂວງ ​ແລະ ນະຄອນຫລວງ, ​ເອົາ​ໃຈ​ໃສ່​ຜັນ​ຂະຫຍາຍ ​ແນວທາງ​ການ​ຕ່າງປະ​ເທດ ​ຂອງ​ພັກ ​ແລະ ແຜນການ​ວຽກ​ງານ​ການ​ຕ່າງປະ​ເທດ ​ຂອງ​ສະພາ​ແຫ່ງ​ຊາດ​ ມາ​ເປັນອັນ​ລະອຽດ ​ໃນ​ແຕ່ລະ​ໄລຍະ ນອກ​ນັ້ນ​ ຄະນະ​ປະ​ຈໍາ​ສະພາ​ແຫ່ງ​ຊາດ ​ໄດ້​ແຕ່ງ​ຕັ້ງ​ຄະນະ​ຜູ້​ແທນ​ ເຂົ້າ​ຮ່ວມ​ກອງ​ປະຊຸມ, ການ​ສໍາ​ມະ​ນາ​ໃນ​ຫົວ​ຂໍ້​ຕ່າງໆ​ ທີ່​ລັດຖະສະພາ​ພາກ​ພື້ນ ​ແລະ ສາກົນ​ຈັດ​ຂຶ້ນ. ທ່ານ ນາງ ສີ​ໄສ ລື​ເດດ​ມູນ​ສອນ ​​ກ່າວ​ຕື່ມ​​ວ່າ: ສໍາລັບ​ທິດ​ທາງ 9 ​ເດືອນ​ໃນ​ປີ 2017 ນີ້ ຄະນະ​ປະ​ຈໍາ​ສະພາ​ແຫ່ງ​ຊາດ​ ຈະ​ສືບ​ຕໍ່ສູ້​ຊົນ​ຈັດ​ຕັ້ງ​ປະຕິບັດ ​ມະຕິ​ກອງ​ປະຊຸມ​ໃຫຍ່​​ ສະ​ໄໝ​ສາມັນ​ເທື່ອ​ທີ 2 ຂອງ​ສະພາ​ແຫ່ງ​ຊາດ​ ຊຸດ​ທີ VIII ກ່ຽວ​ກັບ​ການ​ສ້າງ ​ແລະ ​ປັບປຸງ​ກົດໝາຍ​ ໃຫ້​ສໍາ​ເລັດ​ຕາມ​ທີ່​ຄາດ​ໄວ້, ຮັບປະກັນ​ ໃຫ້​ແກ່​ການ​ສ້າງ ​ແລະ ປັບປຸງ​ກົດໝາຍ​ ໃຫ້​ມີ​ຄຸນ​ນະພາ​ບສອດຄ່ອງ​ກັບ​ ແນວທາງ​ນະ​ໂຍບາຍ​ຂອງ​ພັກ, ​ແທດ​ເໝາະ​ກັບ ​ສະພາບ​ຄວາມ​ເປັນ​ຈິງ​ ຂອງ​ການ​ພັດທະນາ ​ເສດຖະກິດ-ສັງຄົມ ​ຂອງ​ປະ​ເທດ​ເຮົາ ​ແລະ ສາມາດ​ເຊື່ອມ​ໂຍງ​ກັບ​ສາກົນ, ຍົກ​ສູງ​ຄຸນ​ນະພາ​ບ ການ​ພິຈາລະນາ​ບັນຫາ​ສໍາຄັນ ​ພື້ນຖານ​ຂອງ​ປະ​ເທດ​ຊາດ ເພື່ອ​ຮັບປະກັນ​ ຜົນ​ປະ​ໂຫຍ​ດລວມຂອງ​ຊາດ ​ແລະ ປະຊາຊົນ​ລາວ​ບັນດາ​ເຜົ່າ. ຈາກ​ນັ້ນ, ທ່ານ ນາງ​ ປານີ ຢາ​ທໍ່​ຕູ້ ປະທານ​ສະພາ​ແຫ່ງ​ຊາດ ກໍ​ໄດ້​ມີ​ຄໍາ​ເຫັນ ​ແລະ ​ໃຫ້​ທິດ​ຊີ້​ນໍາ​ບັນດາ ສສຊ ຈົ່ງ​ໄດ້​ພ້ອມ​ກັນ ​ປະກອບ​ຄໍາ​ຄິດ​ຄໍາ​ເຫັນ​ ໃສ່​ບົດ​ລາຍ​ງານ​ດັ່ງກ່າວ ​ຢ່າງ​ສ້າງສັນ ​ແລະ ມີ​ຈຸດ​ສຸດ​ ໂດຍ​ສະ​ເພາະ ​​ແມ່ນ​ການ​ຍົກ​ສູງ​ປະສິດທິ​ຜົນ ​ຂອງ​ກອງ​ປະຊຸມ​ກໍາມາ​ທິການ, ບັນ​ຫາ​ທີ່​ໄດ້​ຕົກລົງ​ກັນ ​ເຮັດ​ໄດ້​ດີ​ຫລື​ບໍ່ ​ເພື່ອ​ເຮັດ​ໃຫ້ການ​ເຄື່ອນ​ໄຫວ​ ຂອງ​ກໍາມາ​ທິການ ​ມີ​ຄວາມເຂັ້ມ​ແຂງ ​ແລະ ​ມີປະສິດທິ​ຜົນ​ກວ່າ​ເກົ່າ, ​​ຕ້ອງ​ມີ​ການ​ ປັບປຸງ​ຄຸນ​ນະພາ​ບ ຂອງ​ການ​ປະຕິບັດ​ ວຽກ​ງານ​ຂອງ​ ສສຊ ​ແລະ ສສຂ ​ໃຫ້​ເຂົ້າ​ເຖິງ ​ແລະ ສາມາດ​ຕອບ​ສະໜອງ ​ຜົນ​ປະ​ໂຫຍ​ດຂອງ​ປະຊາຊົນ ​ໄດ້​ຢ່າງ​ຖືກຕ້ອງ ​ແລະ ​ເປັນ​ທໍາ​ ລວມທັງ​ໃຫ້​ເອົາ​ໃຈ​ໃສ່ ​ແກ້​ໄຂ​ບັນຫາ​ອື່ນໆຕື່ມ​ອີກ./.

 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: