ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ອົງການກວດສອບແຫ່ງລັດ ສາມາດບັນລຸການກວດ ສອບ ໄດ້ 448 ເປົ້າໝາຍ

​ໃນ​​​ໄລຍະ 5 ປີຜ່ານມາ ອົງການ​ກວດ​ສອບ​ແຫ່ງ​ລັດ ​ສາມາດ​ບັນລຸການກວດ​ສອບ​ໄດ້ 448 ​ເປົ້າ​ໝາຍ, ໄດ້​ສ້າງ​ຕັ້ງ​ອົງການ​ກວດ​ສອບ​ປະຈຳ​ພາກ​ເໜືອ, ພາກ​ໃຕ້, ພາກ​ກາງ ​ແລະ ສາມາດ​ເຊັນ​ບົດ​ບັນທຶກ​ ຜົນ​ການກວດ​ສອບ ​ກັບ​ບັນດາ​ເປົ້າ​ໝາຍ​ກວດ​ສອບ ​ບົນ​ພື້ນຖານ​ຄວາມ​ເປັນ​ເອກ​ະພາບ​ທາງ​ດ້ານ​ ຫລັກ​ຖານ​ຕົວ​ຈິງ ຕາມ​ຫລັກການ​ວິຊາ​ສະ​ເພາະ ​ແລະ ອື່ນໆ.

ທ່ານ ​ ນາງ ວຽງ​ທອງ ສີ​ພັນ​ດອນ ປະທານ​ອົງການ​ກວດ​ສອບ​ແຫ່​ງລັດ ​ໄດ້​ລາຍ​ງານ​ໃນ​ກອງ​ປະຊຸມ​ສະ​ໄໝ​ສາມັນ​ເທື່ອ​ທີ 3 ຂອງ​ສະພາ​ແຫ່ງ​ຊາດ ຊຸດ​ທີ VIII ​ໃນ​ວັນ​ທີ 2 ​ພຶດສະພາ 2017, ນີ້​ໂດຍ​ການ​​ເປັນປະທານ​ ຂອງ​ທ່ານ ​ນາງ ປານີ ຢາ​ທໍ່​ຕູ້ ປະ​ທານ​ສະພາ​ແຫ່ງ​ຊາດ ວ່າ: ​ໃນ​ໄລຍະ​ 5 ປີຜ່ານ​ມາອົງການ​ກວດ​ສອບ​ແຫ່ງ​ລັດ​ ສາມາດ​ຍາດ​ໄດ້ຜົນ​ສຳ​ເລັດ​ ໃນ​ຫລາຍ​ດ້ານ ​ເປັນ​ຕົ້ນ ​ໄດ້​ດຳ​ເນີນ​ການກວດ​ສອບທັງ​ໝົດ​ໄດ້ 448 ​ເປົ້າ​ໝາຍ ​ໃນ​ນັ້ນ ​ໄດ້​ກວດ​ສອບ​ບົດ​ສະຫລຸບ​ຂາດ​ຕົວ ​ ການຈັດ ​ຕັ້ງ​ປະຕິບັດ​ແຜນ​ງົບປະມານ​ແຫ່ງ​ລັດ ຢູ່​ບັນດາ​ກະຊວງ, ອົງການ, ບັນດາ​ແຂວງ ​ແລະ ນະຄອນຫລວງ ຈຳນວນ 219 ​ເປົ້າ​ໝາຍ, ກວດ​ສອບ​ທະນາຄານ ​ແລະ ວິ​ສາ​ຫະກິດ ຈຳນວນ 97 ​ເປົ້າ​ໝາຍ, ກວດ​ສອບ​ໂຄງການ​ເງິນ​ກູ້​ຢືມ ​ແລະ ຊ່ວຍ​ເຫລືອ​ລ້າ​ຈາກ​ຕ່າງປະ​ເທດ ຈຳນວນ 113 ​ເປົ້າ​ໝາຍ, ດຳ​ເນີນ​ການກວດ​ສອບ, ສົມທົບ​ກັບ​ພາກສ່ວນ​ອື່ນໆ ລວມມີ ກວດ ​ສອບ​ກອງ​ທຶນ​ສາກົນ​ເພື່ອ​ການ​ພັດທະນາ 6 ​ເປົ້າ​ໝາຍ, ​ເຂົ້າ​ຮ່ວມ​ໃນ​ຄະນະ​ກຳມະການ​ກວດ​ສອບ ​ງົບປະມານກອງ​ເລຂາ​ອາຊຽນ ຈຳ​ນວນ 6 ​ເປົ້າ​ໝາຍ ​ແລະ ​ເຂົ້າ​ຮ່ວມ​ກວດ​ສອບ​ແລກປ່ຽນ ຢູ່​ອົງການ​ກວດ​ສອບ​ແຫ່ງ​ລັດ ສສ ຫວຽດນາມ ຈຳນວນ 7 ​ເປົ້າ​ໝາຍ.

ສຳລັບ​ທິດ​ທາງ​ແຜນການ​ 5 ປີ ​ໃນ​ຕໍ່ໜ້າ ຈະ​ສູ້​ຊົນ​ກວດ​ສອບ​ໃຫ້​ໄດ້ 590 ​ເປົ້າ​ໝາຍ, ​ໂດຍ​ຈະ​ປະສານ​ສົມທົບ ​ກັບ​ກຳ​ມາ​ທິການ​ແຜນການ-ການ​ເງິນ ​ແລະ ກວດ​ສອບ, ອົງການ​ກວດກາ​ລັດຖະບານ, ສະພາ​ແຫ່ງ​ຊາດ, ກະຊວງ​ການ​ເງິນ, ບັນດາ​ກະຊວງ​, ບັນດາ​ແຂວງ, ນະຄອນຫລວງ, ສະພາ​ປະຊາຊົນ​ແຂວງ, ນະຄອນຫລວງ, ພະ​ແນ​ກກວດກາ​ແຂວງ, ນະຄອນຫລວງ ​ເພື່ອ​ສ້າງ​ກົນ​ໄກ​ການ ຈັດ​ຕັ້ງ​ປະຕິບັດ​ຕາມ​ຜົນ​ກວດ​ສອບ ພ້ອມ​ທັງ​ ສະໜອງ​ຂໍ້​ມູນ​ໃຫ້​ອົງການ​ກວດກາ​ລັດຖະບານ ​ເພື່ອ​ດຳ​ເນີນ​ການ​ກວດກາ​ຕາມ​ພາລະ​ບົດບາດ​ ໃນ ​ການ​ດຳ​ເນີນ​​ແກ້​ໄຂ​ການລະ​ເມີດ​ກົດໝາຍຈາກ​ຜົນ​ກວດ​ສອບ ຕາມ​ມາ​ດຕາ 19 ຂອງ​ກົດໝາຍ​ວ່າ​ດ້ວຍ​ການກວດ​ສອບ​ແຫ່ງ​ລັດ ກ່ຽວ​ກັບ​ການ​ແກ້​ໄຂ​ຜົນ​ການກວດ​ສອບ ​ແລະ  ອື່ນໆ./.

 

 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: