ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ປະທານສະພາແຫ່ງຊາດ ຕ້ອນຮັບການເຂົ້າຢ້ຽມຂ່ຳນັບ ຄະນະຜູ້ແທນ ສສ ຫວຽດນາມ

ໃນ​ວັນ​ທີ 5 ​ເມສາ 2017 ທີ່​ສະພາ​ແຫ່ງ​ຊາດ ທ່ານ ນາງ ປານີ ຢາ​ທໍ່​ຕູ້ ປະທານ​ສະພາ​ແຫ່ງ​ຊາດ ​ແຫ່ງ ສປປ ລາວ ​ໄດ້ໃຫ້​ກຽດ​ຕ້ອນຮັບ ການ​ເຂົ້າ​ຢ້ຽມ​ຂ່ຳນັບ ຂອງ​ຄະນະ​ຜູ້​ແທນ ​ແຫ່ງ ສສ ຫວຽດນາມ ​ເຊິ່ງນໍາ​ໂດຍ ທ່ານ ​ໂຮ ດຶກ ຟອກ (Ho Due Phoc) ຫົວໜ້າອົງການ​ກວດ​ສອບ​ແຫ່ງ​ລັດ ສສ ຫວຽດນາມ ໃນ​ໂອກາດທີ່​ທ່ານ ພ້ອມຄະນະ​ ​ໄດ້​ເດີນ​ທາງ​ມາ​ຢ້ຽມຢາມ ​ແລະ ​ເຮັດ​ວຽກຢູ່ ສປປ ລາວ ​ໃນ​ລະຫວ່າງ​ ວັນ​ທີ 3-7 ​ເມສາ ນີ້.

ໃນ​ໂອກາດ​ດັ່ງກ່າວ, ທ່ານ ນາງ ປານີ ຢາ​ທໍ່​ຕູ້ ​ໄດ້​ສະ​ແດງ​ຄວາມຊົມ​ເຊີຍ, ຍິນ​ດີ​ຕ້ອນຮັບ, ພ້ອມ​ຕີ​ລາຄາ​ສູງ​ຕໍ່​ ທ່ານ ​ໂຮ ດຶກ ຟອກ ພ້ອມ​ຄະນະ ທີ່​ໄດ້​ເດີນທາງ​ມາ​ຢ້ຽມຢາມ ​ແລະ ​ເຮັດ​ວຽກຮ່ວມ​ກັບອົງ ການ​ກວດ​ສອບ​ແຫ່ງ​ລັດ ​ຢູ່ ສປປ ລາວ​, ​ເຊິ່ງເປັນການປະກອບສ່ວນສຳຄັນເຂົ້າໃນການເພີ່ມທະວີ ສາຍພົວພັນມິດຕະພາບ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລະຫວ່າງສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດນາມ ທີ່ມີມາແຕ່ດົນນານແລ້ວນັ້ນໃຫ້ນັບມື້​ແຕກ​ດອກ​ອອກ​ຜົນ​ງອກ​ງາມຍິ່ງໆຂຶ້ນ.

ໂອກາດ​ນີ້, ທ່ານ ​ໂຮ ດຶກ ຟອກ ກໍໄດ້ສະແດງຄວາມຂອບອົກ​ຂອບ​ໃຈ ຕໍ່ທ່ານ ນາງ ປານີ ຢາ​ທໍ່​ຕູ້ ທີ່ໄດ້ສະຫລະເວລາອັນມີຄ່າ ໃຫ້ການຕ້ອນຮັບອັນອົບອຸ່ນໃນຄັ້ງນີ້, ພ້ອມທັງແຈ້ງຈຸດປະສົງຂອງ​ການ​ເດີນທາງ​ມາ​ຢ້ຽມຢາມ ​ແລະ ​ເຮັດ​ວຽກ​ຢູ່​ສປປ ລາວ ​ໃນ​ຄັ້ງ​ນີ້ ​ໃຫ້​ທ່ານປະທານ​ສະພາ​ແຫ່ງ​ຊາດ​ຊາບ​.

​ໃນ​ວັນ​ດຽວກັນ​, ພາຍຫລັງ​ສຳ​ເລັດ​ການ​​ເຂົ້າ​ຢ້ຽມ​ຂ່ຳນັບ ປະທານ​ສະພາ​ແຫ່ງ​ຊາດແຫ່ງສປປ ລາວ ທ່ານ ​ໂຮ ດຶກ ຟອກ (Ho Due Phoc) ຫົວໜ້າອົງການ​ກວດ​ສອບ​ແຫ່ງ​ລັດ ສສ ຫວຽດນາມ ພ້ອມຄະນະ ກໍ​ໄດ້​ເຂົ້າ​ຢ້ຽມ​ຂ່ຳນັບ ​ທ່ານ ທອງ​ລຸນ ສີ​ສຸ​ລິດ ນາ​ຍົກ​ລັດຖະມົນຕີ ​ແຫ່ງ ສປປ ລາວ ຕື່ມ​ອີກ.

 

 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: