ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ປະທານສະພາແຫ່ງຊາດ ຕ້ອນຮັບຄະນະຜູ້ແທນຍີ່ປຸ່ນ

ວັນ​ທີ 17 ມີນາ 2017 ທ່ານ ນາງ ປານີ ຢາ​ທໍ່​ຕູ້, ປະທານ​ສະພາ​ແຫ່ງ​ຊາດ ​ໄດ້​​ໃຫ້​ກຽດຕ້ອນຮັບ ທ່ານ ​ໂຄ​ອິຈິ​ໂຣ ​ໂຢະ​ໂກ ຜູ້ອຳນວຍການ​ອາວຸ​ໂສ ກົມ​ນະ​ໂຍ​ບາຍ​ ສາທາລະນະ​ ​ແລະ ການ​ພັດ ທະນາອຸດສາຫະກຳ, ສຳນັກງານ​ອົງການ​ຮ່ວມ​ມື​ສາກົນ​ຢີ່ປຸ່ນ​ ໃນ​ໂອກາດ​ເດີນທາງ​ຢ້ຽມຢາມ ​ແລະ ​ເຮັດ​ຽກ​ຢູ່ ສປປ ລາວ.

ໃນ​ໂອກາດ​ດັ່ງກ່າວນີ້, ທ່ານ ນາງ ​ປານີ ຢາ​ທໍ່​ຕູ້​​ ໄດ້ສະ​ແດງ​ຄວາມຊົມ​ເຊີຍ, ​ຍີ​ນດີຕ້ອນຮັບ ​ແລະ ຕີ​ລາຄາ​ສູງ​ຕໍ່​ການ​ເດີນທາງ​ມາ​ຢ້ຽມຢາມ ສປປ ລາວ​ ຂອງ ທ່ານ ​ໂຄ​ອິຈິ​ໂຣ ​ໂຢະ​ໂກ ພ້ອມ​ດ້ວຍ​ຄະນະ​ເຊິ່ງ​ເປັນ​ການ​ປະກອບສ່ວນ ​ອັນ​ສຳຄັນ ​​ເຂົ້າ​ໃນ​ການ​ເສີມ​ຂະຫຍາ​ຍ ການພົວພັນ​ຮ່ວມ​ມື​ຮອບດ້ານ​ ລະຫວ່າງ​ສອງ​ປະ​ເທດ​ລາວ-​ຢີ່ປຸ່ນ​ ​ໃຫ້​ໄດ້​ຮັບ​ການ​ພັດທະນາ ​ແລະ ​ແຕກ​ດອກ​ອອກ​ຜົນງອກ​ງາມ​ຍິ່ງໆ​ ຂຶ້ນ​ໃນ​ອະນາ​ຄົດ ທັງ​ສະ​ແດງ​ຄວາມ​ຂອບ​ໃຈ ​ຕໍ່​ລັດຖະບານ​ຢີ່ປຸ່ນ ທີ່​ໄດ້​ໃຫ້ການ​ຊ່ວຍ​ເຫລືອ​ແກ່ ສປປ ລາວ ​ໃນ​ຫລາຍ​ຂະ​ແໜງການ​ຕະຫລອດ​ມາ.

ພ້ອມນີ້, ທ່ານ ໂຄ​ອິຈິ​ໂຣ ​ໂຢະ​ໂກ ກໍ​ໄດ້​ສະ​ແດງ​ຄວາມ​ຂອບ​ໃຈ​ຕໍ່ ທ່ານ ນາງ ປານີ ຢາ​ທໍ່​ຕູ້ ທີ່​ໄດ້​ສະຫລະ​ເວລາ​ອັນ​ມີຄ່າ​ ​ໃຫ້ການຕ້ອນ​ຮັບ​ອັຍອົບ​ອຸ່ນໃນ​ຄັ້ງ​ນີ້​ ພ້ອມ​ທັງ​ລາຍ​ງານ​ຈຸດປະສົງ ​ຂອງ​ການ​ເດີນທາງ​ມາ​ຢ້ຽມຢາມ ສປປ ລາວ ​ໃນ​ຄັ້ງ​ນີ້​ ໃຫ້​ ທ່ານ​ ປະທານ​ສະພາ​ແຫ່ງ​ຊາດ​ ຮັບ​ຊາບ.

 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: