ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ປະທານສະພາ ຢ້ຽມຢາມ ສສ.ຫວຽດນາມ

ໜັງສືພິມປະເທດລາວລາຍງານວ່າ: ຕອນເຊົ້າວັນທີ 6 ມີນາ 2017 ທີ່ຫໍສະພາແຫ່ງຊາດ ສສ.ຫວຽດນາມ ໃນນະຄອນຫລວງຮ່າ ໂນ້ຍ, ສະຫາຍ ນາງ ປານີ ຢາທໍ່ຕູ້ ກໍາມະການກົມການເມືອງສູນ ກາງພັກ
ປະຊາຊົນ ປະຕິວັດລາວ, ປະທານສະພາແຫ່ງຊາດ ພ້ອມ ດ້ວຍຄະນະ ຜູ້ແທນຂັ້ນສູງ ໄດ້ຮັບການຕ້ອນຮັບຢ່າງອົບອຸ່ນ,ສົມກຽດ ແລະສະໜິດສະໜົມຖານສະຫາຍອ້າຍນ້ອງ ເຊິ່ງເປັນການສະແດງ ເຖິງໄມຕີຈິດ ມິດຕະພາບແຫ່ງສາຍພົວພັນແບບພິເສດ ລາວ-ຫວຽດ ນາມຈາກສະຫາຍ ນາງ ຫງວຽນ ຖິ ກິມ ເງິນ ກໍາມະການກົມການ

ເມືອງສູນກາງພັກກອມມູນິດຫວຽດນາມ, ປະທານສະພາແຫ່ງຊາດ ພ້ອມດ້ວຍຄະນະ.ສະຫາຍ ນາງ ປານີ ຢາທໍ່ຕູ້ ສະແດງຄວາມ ປິຕິຊົມຊື່ນເປັນຢ່າງ ຍິ່ງ ແລະຮູ້ສຶກເປັນກຽດ ທີ່ໄດ້ນໍາພາຄະນະຜູ້ແທນ ຂັ້ນສູງເດີນທາງ ມາຢ້ຽມຢາມ ສສ.ຫວຽດນາມ ຢ່າງເປັນທາງການ ໃນຄັ້ງນີ້ (5-10 ມີນາ) ທ່າມກາງບັນຍາກາດທີ່ສອງປະເທດ ກໍາລັງ ສຸມໃສ່ກະກຽມການ ສະເຫລີມສະຫລອງສອງວັນປະຫວັດສາດທີ່ສໍາຄັນ ນັ້ນກໍຄື: 55 ປີ ວັນສ້າງຕັ້ງສາຍພົວພັນການທູດ ແລະ 40 ປີ ວັນເຊັນສົນທິສັນຍາມິດຕະພາບ ແລະການຮ່ວມມືລະຫວ່າງ ສອງປະ ເທດ ເຊິ່ງເປັນການປະກອບສ່ວນເຂົ້າໃນການ ເພີ່ມທະວີສາຍ ພົວພັນມິດຕະພາບອັນ ເປັນມູນເຊື້ອ, ຄວາມສາມັກແບບຄີພິເສດ ແລະການຮ່ວມມືຮອບດ້ານລະຫວ່າງ ສອງພັກ, ສອງລັດ ແລະປະຊາຊົນສອງຊາດລາວ-ຫວຽດນາມ ທີ່ມີມູນເຊື້ອອັນດີງາມ ໃຫ້ນັບມື້ນັບແຕກ ດອກອອກຜົນ ແລະແໜ້ນແຟ້ນຍິ່ງໆຂຶ້ນ.

ຈາກນັ້ນ ໄດ້ຈັດການພົບປະສອງຝ່າຍຂຶ້ນ ແລະດໍາເນີນໄປ ດ້ວຍບັນຍາກາດໄມຕີຈິດມິດ ຕະພາບຖານສະ ຫາຍອ້າຍນ້ອງອັນສະໜິດສະໜົມ, ເຊິ່ງສອງຝ່າຍໄດ້ແຈ້ງໃຫ້ກັນຊາບກ່ຽວກັບສະພາບທີ່ ພົ້ນເດັ່ນຂອງ ສອງປະເທດ ເປັນຕົ້ນຜົນສໍາເລັດໃນການສ້າງສາ ປະເທດຊາດ, ມີສະຖຽນລະພາບທາງດ້ານການເມືອງ, ສັງຄົມມີ ຄວາມສະຫງົບ ແລະເປັນລະບຽບຮຽບຮ້ອຍ, ວຽກງານປ້ອງກັນຊາດ-ປ້ອງກັນຄວາມສະຫງົບ ມີຄວາມໜັກ ແໜ້ນ, ຊີວິດການເປັນຢູ່ຂອງ ປະຊາຊົນດີຂຶ້ນເທື່ອລະກ້າວ ອັນໄດ້ເຮັດໃຫ້ອິດທິພົນຂອງສອງປະ ເທດໃນພາກພື້ນ ແລະສາກົນນັບມື້ນັບສູງຂຶ້ນ.

ກ່ຽວກັບການພົວພັນຮ່ວມມືສອງຝ່າຍ, ສະຫາຍ ນາງ ປານີ ຢາທໍ່ຕູ້ ກ່າວວ່າ: ເຖິງສະພາບດ້ານເສດຖະກິດ, ຄວາມໝັ້ນຄົງ ແລະ ສະພາບດ້ານການເມືອງໂລກ ຈະມີການຜັນແປໄປຢ່າງສັບສົນ; ແຕ່ ພາລະກິດປ່ຽນ ແປງໃໝ່ຢູ່ສອງປະເທດ ຍັງສືບຕໍ່ດໍາເນີນໄປໃນຈັງ ຫວະດີ ແລະຍາດໄດ້ຜົນສໍາເລັດຫລາຍດ້ານ, ສາຍພົວພັນມິດຕະ ພາບອັນຍິ່ງໃຫຍ່, ຄວາມສາມັກແບບຄີພິເສດ ແລະການຮ່ວມມືຮອບ ດ້ານລະຫວ່າງ ລາວ-ຫວຽດນາມ ສືບຕໍ່ໄດ້ຮັບການປັບປຸງ ແລະເສີມ ຂະຫຍາຍຢ່າງຮອບດ້ານ, ເຂົ້າສູ່ລວງເລິກ, ແທດຕົວຈິງ ແລະມີປະ ສິດທິຜົນ ເປັນຕົ້ນແມ່ນການພົວພັນຮ່ວມມືທາງດ້ານການເມືອງ, ປກຊ-ປກສ, ການຕ່າງປະເທດ ນັບມື້ແໜ້ນແຟ້ນ; ການພົວພັນທາງ ດ້ານເສດຖະກິດ-ການຄ້າ, ການລົງທຶນ, ການພັດທະນາຊັບພະຍາ ກອນມະນຸດ ແລະອື່ນໆ ໄດ້ຮັບການຈັດຕັ້ງຜັນຂະຫຍາຍຕາມຂໍ້ຕົກ ລົງຂອງກອງປະຊຸມຄັ້ງທີ 39 ຂອງຄະນະກໍາມະການຮ່ວມມືຂອງ ສອງລັດຖະບານ ໃນການເພີ່ມທະວີການຊີ້ນໍາ, ກວດກາ, ແລກປ່ຽນ ຄໍາຄິດເຫັນ ເພື່ອພ້ອມກັນແກ້ໄຂຂໍ້ຄົງຄ້າງ ເພື່ອຜົນປະໂຫຍດຂອງ ສອງຊາດ.

ສໍາລັບການຮ່ວມມືລະຫວ່າງສອງສະພາແຫ່ງຊາດ ແມ່ນຈະໄດ້ ຮັບການປັບປຸງ ແລະເສີມຂະຫຍາຍໄປສູ່ຄຸນ ນະພາບໃໝ່, ແທດຕົວຈິງ ແລະຫັນເຂົ້າສູ່ບັນຫາທີ່ພວມປະເຊີນໜ້າ ເພື່ອຊອກຫາຊ່ອງທາງ ແກ້ໄຂໃຫ້ດີໃນການຄຸ້ມຄອງລັດ, ຄຸ້ມຄອງເສດຖະກິດ-ສັງຄົມ ເປັນ ຕົ້ນແມ່ນຈະໄດ້ຮ່ວມກັນຈັດກອງ ປະຊຸມສໍາມະນາ ແລະແລກປ່ຽນບົດຮຽນ, ຂໍ້ມູນ-ຂ່າວສານທີ່ມີຜົນປະໂຫຍດ ແລະເປັນຂໍ້ມູນທີ່ສໍາຄັນໃນ ການຄົ້ນຄວ້າເພື່ອປັບປຸງວຽກງານ.

ຫລັງຈາກນັ້ນ, ສະຫາຍ ນາງ ປານີ ຢາທໍ່ຕູ້ ແລະສະຫາຍ ຫງວຽນ ຖິ ກິມ ເງິນ ໄດ້ລົງນາມໃນບົດບັນທຶກການຮ່ວມມືລະຫວ່າງ ສະພາແຫ່ງຊາດ ສປປລາວ ຊຸດທີ VIII ກັບສະພາແຫ່ງຊາດ ສສ.ຫວຽດນາມ ຊຸດທີ XIV.

ຕາມການລາຍງານຂ່າວຂອງເວັບໄຊໜັງສືພິມ ຜູ້ແທນປະຊາຊົນຫວຽດນາມ, ຕອນບ່າຍຂອງວັນດຽວກັນ ທີ່ສໍານັກງານໃຫຍ່ສູນກາງ ພັກກອມມູນິດຫວຽດນາມ, ສະຫາຍ ນາງ ປານີ ຢາທໍ່ຕູ້ ພ້ອມດ້ວຍ ຄະນະ ໄດ້ເຂົ້າຢ້ຽມຂໍ່ານັບສະຫາຍ ຫງວຽນ ຝູ ຈ້ອງ ເລຂາທິການ ໃຫຍ່ພັກກອມມູນິດຫວຽດນາມ.

ສະຫາຍ ນາງ ປານີ ຢາທໍ່ຕູ້ ໄດ້ແຈ້ງໃຫ້ສະຫາຍ ຫງວຽນ ຝູ ຈ້ອງ ຊາບໂດຍຫຍໍ້ກ່ຽວກັບສະພາບການພາຍໃນ ສປປລາວ ໄລຍະ ມໍ່ໆນີ້, ຜົນສໍາເລັດການພົບປະສອງຝ່າຍກັບສະຫາຍ ນາງ ຫງວຽນ ຖິ ກິມ ເງິນ ພ້ອມທັງຢືນຢັນວ່າ ສະພາແຫ່ງຊາດລາວ ຈະພົວພັນ ປະສານງານກັບສະພາແຫ່ງຊາດຫວຽດນາມຢ່າງໃກ້ຊິດ ເພື່ອປະຕິ ບັດຕາມບັນດາການຕົກລົງທີ່ເຫັນດີຮ່ວມກັນລະຫວ່າງການນໍາຂັ້ນສູງ ຂອງສອງພັກ ແລະຂໍ້ຕົກ ລົງຮ່ວມມືລະຫວ່າງສອງສະພາແຫ່ງຊາດ ໃຫ້ປະສົບຜົນສໍາເລັດ ແລະມີປະສິດທິຜົນ; ພ້ອມກັນນັ້ນ, ກໍຈະຕິດ ຕາມກວດກາເປັນຢ່າງດີຕໍ່ການຈັດຕັ້ງປະຕິບັດບັນດາສັນຍາ ແລະ ສົນທິສັນຍາທີ່ລັດຖະບານສອງປະເທດໄດ້ລົງນາມຮ່ວມກັນ.

ເລຂາທິການໃຫຍ່ພັກກອມມູນິດຫວຽດນາມ ກໍຢືນຢັນວ່າ ຫວຽດນາມສະໜັບສະໜູນຢ່າງແຂງແຮງ ແລະຮອບດ້ານຕໍ່ການປ່ຽນ ແປງໃໝ່ຢ່າງມີຫລັການຂອງພັກປະຊາຊົນປະຕິວັດລາວ, ການປົກ ປັກຮັກສາ ແລະສ້າງສາພັດທະນາປະເທດຊາດ; ແລະເຊື່ອໝັ້ນວ່າ ພາຍໃຕ້ການນໍາພາຂອງພັກ, ການບໍລິຫານຂອງລັດຖະບານ ແລະ ການຕິດຕາມກວດກາຂອງສະພາແຫ່ງຊາດ, ປະເທດຊາດ ແລະປະ ຊາຊົນລາວ ຈະສືບຕໍ່ຍາດໄດ້ຜົນສໍາເລັດໃໝ່ ໃຫຍ່ຂຶ້ນກວ່າເກົ່າໃນ ຂະບວນການປ່ຽນແປງໃໝ່, ປະສົບຜົນສໍາເລັດໃນການຈັດຕັ້ງປະຕິ ບັດມະຕິກອງປະຊຸມໃຫຍ່ຄັ້ງທີ X ຂອງພັກ.

ຕີລາຄາສູງຜົນຂອງການຮ່ວມມືລະຫວ່າງສອງສະພາແຫ່ງຊາດ, ສະຫາຍ ຫງວຽນ ຝູ ຈ້ອງ ສະເໜີໃຫ້ສອງສະພາແຫ່ງຊາດ ກໍຄື ບັນດາກໍາມາທິການຂອງສະພາແຫ່ງຊາດ ເພີ່ມທະວີການຮ່ວມມື, ແລກປ່ຽນຂໍ້ມູນ-ຂ່າວສານ, ປະສົບການ ແລະຊ່ຽວຊານມືອາຊີບໃນ ຂົງເຂດນິຕິບັນຍັດ; ຕິດຕາມກວດກາ ແລະຕົກລົງບັນຫາສໍາຄັນພື້ນ ຖານຂອງຊາດ; ເພີ່ມທະວີການຕິດຕາມກວດກາ, ຊຸກຍູ້ ແລະຊີ້ນໍາ ບັນດາກະຊວງ, ອົງການ, ທ້ອງຖິ່ນ ລວມທັງບັນດາວິສາຫະກິດ ໃນ ການຈັດຕັ້ງຜັນຂະຫຍາຍຖະແຫລງການຮ່ວມຫວຽດນາມ-ລາວ ແລະ ບັນດາຂໍ້ຕົກລົງລະຫວ່າງການນໍາສອງພັກ, ສອງຊາດ.

 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: