ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ການນຳ ສພຊ ເຄື່ອນໄຫວຢູ່ເຂດເລືອກຕັ້ງ

(ສພຊ) ລະຫວ່າງວັນທີ 26 ກຸມພາ ຫາ 1 ມີນາຜ່ານ​ມາ, ທ່ານ ວິ​ໄລວົງ ບຸດດາ ຄຳ ກຳມະການ​ສູນ​ກາງ​ພັກ, ປະທານກຳມາທິການແຜນການ, ການເງິນ ແລະການກວດ ສອບ ພ້ອມດ້ອຍຄະນະ ​ເຄື່ອນ​ໄຫວຢ້ຽມຢາມ ແລະເຮັດວຽກຢູ່ແຂວງຫົວພັນ ເພື່ອລົງຕິດ ຕາມກວດກາ ​ແລະຊຸກຍູ້ການຈັດຕັ້ງປະຕິບັດວຽກງານພັດທະນາຊົນນະບົດ, ລຶບລ້າງ ຄວາມທຸກຍາກ

ຕິດພັນກັບການຈັດຕັ້ງປະຕິບັດບັນດາເປົ້າໝາຍການພັດທະນາແບບຍືນຍົງ (SDGs), ນະໂຍບາຍສົ່ງເສີມ ແລະພັດທະນາວິສາຫະກິດຂະໜາດນ້ອຍ ແລະຂະໜາດ ກາງ (SMEs) ​​ໂດຍລົງເຮັດວຽກຮ່ວມກັບເຂດຈຸດສຸມພັດທະນາຄື: ເຂດລາວຮຸ່ງພຽງສາ ​ເມືອງ​ຊຽງຄໍ້, ເຂດບ້ານສະເຫລີຍ ​ເມືອງ​ຊຳ​ເໜືອ, ເຂດບ້ານເມືອງບໍ່ ​ເມືອງ​ຫົວ​ເມືອງ ​ເຊິ່ງ​ໃນ​ແຕ່ລະ​ຈຸດ​ໄດ້ຮັບຟັງການລາຍງານໂດຍຫຍໍ້ກ່ຽວກັບວຽກງານການພັດທະນາຊົນນະບົດ ໃນໄລຍະຜ່ານມາ; ຫລັງ​ຈາກ​ນັ້ນ, ໄດ້ຊັກຖາມເຈາະຈີ້ມຕໍ່ບົດລາຍງານດັ່ງກ່າວ ແລະລົງ ຢ້ຽມຊົມ​ພື້ນທີ່ຕົວຈິງໃນເຂດຈຸດສຸມ.

ທ່ານ ວິ​ໄລ​ວົງ ບຸດ​ດາ​ຄຳ ຮຽກຮ້ອງມາຍັງພະນັກງານການນຳຂອງແຂວງ, ເມືອງ ແລະພໍ່ແມ່ປະຊາຊົນບັນດາເຜົ່າ ຈົ່ງພ້ອມກັນເປັນເຈົ້າການເອົາໃຈໃສ່ສືບຕໍ່ຈັດຕັ້ງປະຕິບັດ ໜ້າທີ່ວຽກງານການພັດທະນາຊົນນະບົດ, ລຶບລ້າງຄວາມທຸກຍາກຂອງປະຊາຊົນບັນດາ ເຜົ່າຢູ່ໃນແຂວງ ໃຫ້ນັບມື້ພັດທະນາຂຶ້ນເລື້ອຍໆ.

ວັນທີ 6 ມີນາ, ທ່ານ ສົມພູ ດວງສະຫວັນ ຄະນະ​ປະຈຳ​ສະພາ​ແຫ່ງ​ຊາດ, ປະ ທານກຳມາທິການວັດທະນະທຳ-ສັງຄົມ ພ້ອມດ້ວຍຄະນະ ກໍລົງເຄື່ອນໄຫວຕິດຕາມກວດ ກາ ແລະຊູກຍູ້ການຈັດຕັ້ງປະຕິບັດວຽກງານດັ່ງກ່າວ​ຂ້າງ​ເທິງຢູ່ແຂວງຫລວງນ້ຳທາ ​ເຊິ່ງ ໄດ້ເປີດກອງປະຊຸມປຶກສາຫາລືຮ່ວມກັບສະພາປະຊາຊົນແຂວງ (ສພຂ) ເຂົ້າຮ່ວມມີທ່ານ ເພັງພາວັນ ດາວພອນຈະເລີນ ຮອງເຈົ້າແຂວງໆດັ່ງກ່າວ, ບັນດາທ່ານສະມາຊິກ​ສະພາ​ແຫ່ງ​ຊາດ​ (ສສຊ) ປະ​ຈຳ​ເຂ​ດ​ເລືອກ​ຕັ້ງ, ສະມາຊິກ​ສະ​ພາ​ປະຊາຊົນ​ແຂ​ວງ (ສສຂ) ​ແລະ ຫົວໜ້າ-ຮອງຫົວໜ້າພະແນກການທີ່ກ່ຽວຂ້ອງ ພ້ອມດ້ວຍພະນັກງານຊ່ວຍ​ວຽກ ລວມ 34 ທ່ານ.

ບັນດາພະແນກການຜັດປ່ຽນກັນຂຶ້ນລາຍງານສະພາບການຈັດຕັ້ງປະຕິບັດວຽກ ງານຂອງຕົນ​ໂດຍ​ຫຍໍ້ເປັນຕົ້ນ: ການພັດທະນາຈຸດສຸມແກ້ໄຂຄວາມທຸກຍາກ, ຈຸດສຸມຈັດ ສັນພູມລຳເນົາ, ຈຸດສຸມສ້າງບ້ານໃຫຍ່ໃຫ້ເປັນຕົວເມືອງນ້ອຍໃນຊົນນະບົດ, ແລະແຜນການ ຈັດຕັ້ງປະຕິບັດວຽກງານພັດທະນາຊົນນະບົດ ແລະລຶບລ້າງຄວາມທຸກຍາກ ຕິດພັນກັບການ ປະຕິບັດບັນດາເປົ້າໝາຍ SDGs; ການເຄື່ອນໄຫວວຽກງານສິນເຊື່ອປະຈຳປີ 2016 ແລະທິດທາງແຜນການປີ 2017, ແຜນການຈັດຕັ້ງປະຕິບັດການສະໜອງສິນເຊື່ອໃຫ້ ແກ່ວຽກງານພັດທະນາຊົນນະບົດ ແລະລຶບລ້າງຄວາມທຸກຍາກ; ການຈັດຕັ້ງປະຕິບັດແຜນ ພັດທະນາອຸດສາຫະກຳປຸງແຕ່ງ ແລະການຄ້າ, ແຜນການປະຕິບັດນະໂຍບາຍສົ່ງເສີມ ແລະພັດທະນາ SMEs ຂອງແຂວງ. ພ້ອມນັ້ນ ຍັງໄດ້ມີການສົນທະນາປະກອບຄຳຄິດ ເຫັນ ແລະປຶກສາຫາລືຢ່າງກົງໄປກົງມາ ເພື່ອເຮັດໃຫ້ວຽກງານ​ເຫລົ່ານີ້ພັດທະນາຂຶ້ນຕາມ ຄາດໝາຍທີ່ວາງໄວ້.

ທ່ານ ສົມພູ ດວງສະຫວັນ ໄດ້ໂອ້ລົມ ແລະສະແດງຄວາມຍ້ອງຍໍຊົມເຊີຍຕໍ່ບັນດາ ພະແນກການກ່ຽວຂ້ອງທີ່ໄດ້ເອົາໃຈໃສ່ຊີ້ນຳ-ນຳພາວຽງານຂອງຕົນຈົນສຳເລັດຕາມ​ຄາດ ໝາຍ ແລະພ້ອມກັນສືບຕໍ່ຊີ້ນຳວຽກງານໃຫ້ກ້າວໜ້າຂຶ້ນກວ່າເກົ່າ.

(ທັດ ແກ້ວຄຳຈັນ ​ແລະນາງ ວັນນີ ແຝງບົວວັນ)

ໃນ​​ໂອກາດລົງ​ເຄື່ອນ​ໄຫວ​ເຜີຍ​ແຜ່​ມະຕິກອງ​ປະຊຸມ​ສະ​ໄໝສາມັນ​ເທື່ອ​ທີ 2 ຂອງ​ສະພາ​ແຫ່ງ​ຊາດຊຸດ​ທີ VIII, ​ເມື່ອວັນ​ທີ 6 ມີນາ ທີ່​ ສພຂ ຫລວງພະ​ບາງ, ທ່ານ​ ສີ​ນາວາ ສຸພາ​ນຸວົງ ຮອງ​ລັດຖະມົນຕີກະຊວງ​ພະ​ລັງ​ງານ ​ແລະບໍ່​ແຮ່ ທັງ​ເປັນ ສສຊ ປະ​ຈຳເຂດ​ເລືອກ​ຕັ້ງທີ 6 ​ນຳ​ເອົາເຄື່ອງນຸ່ງ​ຫົ່ມທີ່​​ປຸກລະດົມຈາກ​ບໍລິສັດ​ ລາວ​ສາກົນ ຂາ​ອອກ-ຂາ​ເຂົ້າ ​ ມູນຄ່າ 60 ​ລ້ານ​ກີບ ແລະ​ໄດ້​ຮັບ​​ຈາກ​ 3 ອົງການ​ຈັດຕັ້ງມະຫາຊົນຂອງກະຊວງ​ດັ່ງກ່າວ ​ມູນຄ່າ 5 ​ລ້ານ​ກີບ ​ໄປ​​ແຈກ​ຢາຍ​ໃຫ້​​ປະຊາຊົນຜູ້ທຸກຍາກຂາດ​ເຂີນ​ໃນ​ທົ່ວ​ແຂວງ; ຕາງໜ້າ ກ່າວຮັບ​​ເພື່ອ​ນຳ​ໄປ​ແຈກ​ຢາຍ​ຕໍ່ຄັ້ງນີ້ໂດຍ​ທ່ານ ສິງ​ຕັນ​ ໄຊລື​ຊົ່ງ ຮອງ​ປະທານ ສພຂ ທັງ​ເປັນ ສສຂ ປະ​ຈຳ​ເຂດ​ເລືອກ​ຕັ້ງ​ເມືອງ​ໂພນ​ໄຊ.

ຈາກ​ນັ້ນ, ທ່ານ ສີ​ນາວາ ສຸພາ​ນຸວົງ ໄດ້ນຳ​ເ​ອົາເຄື່ອງ​ສ້າງ​ກະ​ແສ​ໄຟຟ້າດ້ວຍ​ພະ​ລັງ​ງານຈາກ​ແສງ​ຕາ​ເວັນ ມອບ​ໃຫ້​​ກອງ​ບັນຊາ​ການ​ທະຫານ​ແຂວງ ຈຳນວນ 20 ຊຸດ ລວມ ມູນຄ່າ 80 ລ້ານກີບ.

(ນາງ ສຸພາ​ວະ​ດີ ພັນ​ນະ​ສີ)

 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: