ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ກອງປະຊຸມ ຄະນະປະຈຳສະພາແຫ່ງຊາດ ປະຈໍາເດືອນກຸມພາ

ຂປລ, ກອງປະຊຸມຄະນະປະຈໍາສະພາແຫ່ງຊາດ ສະໄໝສາມັນປະຈໍາເດືອນກຸມພາ 2017 ​ໄດ້ຈັດຂຶ້ນແຕ່ວັນທີ 23-24 ກຸມພາ 2017 ທີ່ສະພາແຫ່ງຊາດເພື່ອຄົ້ນຄວ້າແລະ ພິຈາລະນາບັນຫາສໍາຄັນຈໍານວນໜຶ່ງໂດຍພາຍໃຕ້ການເປັນປະທານ ຂອງທ່ານນາງ ປານີ ຢ່າທໍ່ຕູ້ ປະທານສະພາແຫ່ງຊາດ, ມີບັນ ດາຄະນະປະຈໍາສະພາແຫ່ງຊາດແລະ ບັນດາກໍາມາທິການຕ່າງໆເຂົ້າຮ່ວມ.


ກອງປະຊຸມໃນຄັ້ງນີ້, ຄະນະປະຈໍາສະພາແຫ່ງຊາດຈະໄດ້ຄົ້ນຄວ້າ, ຮັບຟັງແລະ ພິຈາລະນາຮັບຮອງບັນຫາ ສໍາຄັນຈໍານວນໜຶ່ງເປັນຕົ້ນແມ່ນຈະໄດ້ຮັບຟັງລາຍງານ ບັນດາເອກະສານ ທີ່ຈະລາຍງານຕໍ່ກອງປະຊຸມ ກົມການເມືອງສູນກາງພັກ ຄື: ການກະກຽມກອງປະຊຸມສະໄໝສາມັນ ເທື່ອທີ 3 ຂອງສະພາແຫ່ງຊາດຊຸດທີ VIII, ​ແຜນການຢ້ຽມຢາມສັນຖະວະໄມຕີຢ່າງເປັນທາງການສສ ຫວຽດນາມ ຂອງຄະນະຜູ້ແທນຂັ້ນສູງຂອງສະພາແຫ່ງຊາດ, ການເລືອກຕັ້ງແທນສະມາຊິກສະພາແຫ່ງຊາດເຂດເລືອກຕັ້ງທີ 7 ແຂວງໄຊຍະບູລີ, ຮັບຟັງການຮຽບຮຽງກົດໝາຍຈໍານວນ 4 ສະບັບ ຂອງສະພາແຫ່ງຊາດ, ຮັບຟັງລາຍງານຜົນສໍາເລັດຂອງກອງປະຊຸມ ສະພາປະຊາຊົນທ້ອງຖິ່ນ, ຮັບຟັງຜົນການຮຽບຮຽງກົດໝາຍ ວ່າດ້ວຍສົ່ງເສີມການລົງທຶນ ທີ່ຈະນໍາເຂົ້າພິຈາລະນາໃນກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດຊຸດທີ VIII, ຮັບຟັງການອອກແບບ ຫໍສະພາແຫ່ງຊາດຫລັງໃໝ່. ພ້ອມດຽວກັນນີ້, ກໍຈະໄດ້ພິຈາລະນາຮັບຮອງ ເອົາສັນຍາມອບໜີ້ບໍລິສັດລີເຈັນ ຈໍາກັດຜູ້ດຽວ, ພິຈາລະນາຂໍອະນຸມັດແຕ່ງຕັ້ງຄະນະກໍາມະການໄອຍະການປະຊາຊົນແລະ ພິຈາລະນາຄໍາຮ້ອງຂໍຄວາມເປັນທໍາ ຂອງ ນາງ ຄອນສະໝຸດ​ (ໂຈດ), ນາງ ສີທອນ, ນາງບົວຈັນແລະ ນາງ ບົວສະຫວັນ (ຈໍາເລີຍ)./.

 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: