ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ທ່ານ ແສງນວນ ໄຊຍະລາດ ລົງຊຸກຍູ້ວຽກງານຈຸດສຸມບ້ານກໍ

(ສພຊ) ວັນທີ 17 ກຸມພາຜ່ານ​ມາ, ທ່ານ ແສງນວນ ໄຊຍະລາດ ຮອງປະທານສະ ພາແຫ່ງຊາດ ພ້ອມດ້ວຍຄະນະ ສຳ​ເລັດ​ການລົງເຄື່ອນໄຫວເຮັດວຽກຢູ່ແຂວງໄຊຍະບູລີ ເພື່ອຕິດຕາມ, ຊຸກຍູ້ການຈັດຕັ້ງປະຕິບັດ​ແຜນພັດທະນາເສດຖະກິດ-ສັງຄົມ ຄັ້ງທີ VIII ແລະການດຳເນີນວຽກງານ 3 ສ້າງຂອງທ້ອງຖິ່ນ

ໂດຍສະເພາະການພັດທະນາຈຸດສຸມ ຂອງເມືອງໄຊສະຖານ; ​ເຊິ່ງລົງພົບປະອຳນາດການປົກຄອງ ແລະພໍ່ແມ່ປະຊາຊົນເຂດ ຈຸດສຸມບ້ານກໍ, ສະປິດ, ສະແມດ 3fpໄດ້ຮັບຟັງການລາຍງານໂດຍຫຍໍ້ກ່ຽວກັບການຈັດ ຕັ້ງປະຕິບັດວຽກງານໃນໄລຍະຜ່ານມາຂອງຈຸດສຸມ.

ທ່ານ ແສງນວນ ໄຊຍະລາດ ມີຄຳເຫັນໂອ້ລົມໂດຍເນັ້ນໃຫ້ພະນັກງານຈຸດສຸມ ເອົາໃຈໃສ່ສອງບັນຫາຕົ້ນຕໍຄື: ເອົາໃຈໃສ່ປັບປຸງລະບົບການເມືອງໃຫ້ໜັກແໜ້ນເຂັ້ມແຂງ ເພາະວ່າອີງໃສ່ຈຸດພິເສດສະພາບຄວາມເປັນຈິງຂອງຈຸດສຸມຂອງເມືອງໄຊສະຖານ ກ່ອນ ອື່ນໝົດຕ້ອງປັບປຸງພັກ, ອຳນາດການປົກຄອງ ​ແລະລະບົບອົງການຈັດຕັ້ງຂອງມະຫາ ຊົນ; ຍົກສູງລະດັບຊີວິດການເປັນຢູ່ຂອງປະຊາຊົນບັນດາເຜົ່າ ເພາະວ່າຕາມ​ທີ່​ໄດ້​ຮັບຟັງ ການ​ລາຍ​ງານ ເຂດນີ້ຄອບຄົວທຸກຍາກຍັງ 91 ຄອບຄົວ ສະນັ້ນ, ພະນັກງານຈຸດສຸມ ຕ້ອງພ້ອມພຽງຮຽງໜ້າປຸກລະດົມຊຸກຍູ້ພວກເຂົາເຈົ້າ ສ້າງຊີວິດການເປັນຢູ່ໃຫ້ກຸ້ມຢູ່ກຸ້ມ ກິນ, ສົ່ງເສີມການປູກຝັງ-ລ້ຽງສັດໃຫ້ໄດ້ຕາມສະພາບທ່າແຮງຂອງຈຸດສຸມ, ສຳລັບເດັກ ນ້ອຍກໍໃຫ້ໄດ້ສຶກສາຮ່ຳຮຽນຕາມເກນອາຍຸ. ນອກນັ້ນ, ກໍໃຫ້ເອົາໃຈໃສ່ປົກປັກຮັກສາ ເຂດນ້ຳແດນດິນ, ເອົາໃຈໃສ່ວຽກງານປ້ອງກັນຊາດປ້ອງກັນຄວາມສະຫງົບ; ສ່ວນພໍ່ ແມ່ພີ່ນ້ອງປະຊາຊົນບັນດາເຜົ່າ ກໍໃຫ້ມີຄວາມສາມັກຄີປຸ້ມລຸມກັນ, ມີສະຕິຕື່ນຕົວເຂົ້າຮ່ວມ ເປັນເຈົ້າຂອງເຂດນ້ຳແດນດິນຂອງຕົນ, ເຊື່ອໝັ້ນຕໍ່ການຊີ້ນຳ-ນຳພາຂອງພັກ-ລັດຖະບານ, ເຄົາລົບຕໍ່ລະບຽບກົດໝາຍ, ສ້າງເສດຖະກິດຄອບຄົວຂອງຕົນໃຫ້ດີຂຶ້ນເລື້ອຍໆ.

ໂອກາດລົງເຄື່ອນໄຫວເຮັດວຽກຄັ້ງນີ້ ທ່ານ ແສງນວນ ໄຊຍະລາດ ຍັງໄດ້ນຳ ເອົາຄອມພິວເຕີ 2 ຊຸດ, ປຶ້ມຂຽນ 3.000 ຫົວ, ບິກ, ສໍດໍາ ແລະຢ່າປົວພະຍາດຈຳນວນ ໜຶ່ງ ມອບໃຫ້ຫ້ອງການປົກຄອງເມືອງໄຊສະຖານ; ມອບເຄື່ອງນຸ່ງຫົ່ມ, ຜ້າຫົ່ມ, ເກີບ, ປຶ້ມ, ບິກ, ສໍດໍາ, ປາກະປ໋ອງ, ໝີ່ ແລະຢ່າປົວພະຍາດ ໃຫ້ຈຸມສຸມບ້ານກໍ ລວມມູນຄ່າທັງ ໝົດເກືອບ 50 ລ້ານກີບ. ຈາກນັ້ນ, ວັນທີ 18 ກຸມພາ ຄະນະຍັງໄດ້ເຂົ້າຮ່ວມງານມະ ຫາກຳບຸນຊ້າງຢູ່ເມືອງໄຊຍະບຸລີດ້ວຍ.

(ກົງທະນູຄໍາ ພິພັດເສລີ)

 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: