ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ປະທານສະພາຕ້ອນຮັບຄະນະຜູ້ແທນ ຫວຽດນາມ

ຂປລ. ໃນວັນທີ 16 ກຸມພານີ້ ທີ່ສະພາແຫ່ງຊາດ ທ່ານ ນາງ ປານີ ຢາທໍ່ຕູ້ ກຳມະການກົມການ ເມືອງສູນກາງພັກ ປະທານສະພາ ແຫ່ງຊາດລາວ, ໄດ້ຕ້ອນຮັບການເຂົ້າຢ້ຽມຂໍ່ານັບ ຂອງສະຫາຍ ເຈີນ ວານ ຕຸຍ ກຳມະການສູນກາງພັກ ກຳມະການຄະນະປະຈຳ ສະພາແຫ່ງຊາດ ຫົວຫນ້າຄະນະ ກິດຈະການ ສະພາແຫ່ງຊາດ ຫວຽດນາມ


ໃນໂອກາດນີ້ ທ່ານ ນາງ ປານີ ຢາທໍ່ຕູ້ ໄດ້ສະແດງຄວາມຍິນ​ດີຕ້ອນຮັບ ​ແລະ ຊົມເຊີຍຕໍ່ ທ່ານ ເຈີນ ວານ ຕຸຍ ພ້ອມດ້ວຍຄະນະ ທີ່ໄດ້​ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ, ​ເຊິ່ງເປັນການຮັດແຫນ້ນ ສາຍ​ພົວພັນ​ ລະຫວ່າງ ສະຖາບັນຄົ້ນຄວ້ານິຕິກຳ ສະພາແຫ່ງຊາດລາວ ​ແລະ ຄະນະກິດຈະການ ສະພາແຫ່ງຊາດ ຫວຽດນາມ ທັງ​ເປັນ​ການ ສາຍພົວພັນມິດຕະພາບ ແລະ ການຮ່ວມມື ແບບພິເສດຮອບດ້ານລະຫວ່າງ ສອງພັກ-ສອງລັດ ແລະ ປະຊາຊົນທັງສອງຊາດ ທີ່ເຄີຍມີມາແລ້ວ ໃຫ້ນັບມື້ແຕກດອກອອກຜົນ ແລະ ຂະຫຍາຍຕົວເຂົ້າສູ່ລວງເລິກ.

ໃນວັນດຽວກັນ ​ຄະນະຜູ້​ແທນ​ດັ່ງກ່າວ ຍັງ​ໄດ້ພົບປະສອງຝ່າຍ ລະຫວ່າງ ສະຖາບັນຄົ້ນຄວ້າ ນິຕິກຳ ສະພາແຫ່ງຊາດລາວ ກັບ ຄະນະກິດຈະການ ສະພາແຫ່ງຊາດ ຫວຽດນາມ, ຕາງຫນ້າຝ່າຍລາວ ​ໂດຍ ທ່ານ ຄຳເຜີຍ ປານມະໄລທອງ ຫົວຫນ້າສະຖາບັນຄົ້ນຄວ້າ ນິຕິກຳ ສະພາແຫ່ງຊາດ, ທ່ານ ເຈີນ ວານ ຕຸຍ ກຳມະການສູນກາງພັກ ກຳມະການຄະນະປະຈຳສະພາແຫ່ງຊາດ ຫົວຫນ້າຄະນະກິດ ຈະການສະພາແຫ່ງຊາດ ຫວຽດນາມ.

ໃນການພົບປະຄັ້ງນີ້ ຕ່າງຝ່າຍ ໄດ້ແຈ້ງສະພາບ ການເຄື່ອນໄຫວ ວຽກງານໃຫ້ກັນ ແລະ ກັນຊາບ, ໂດຍສະເພາະແມ່ນໄດ້ທົບ ທວນຄືນການຮ່ວມມືຮອບດ້ານ ລະຫວ່າງ ສອງ​ສະພາແຫ່ງຊາດລາວ ​ແລະ ສະພາແຫ່ງຊາດ ສສ ຫວຽດນາມ ທີ່ຜ່ານມາ ເຫັນວ່າ ມີຜົນສຳເລັດ ເປັນຢ່າງດີເປັນຕົ້ນ ໃນການຊ່ວຍເຫລືອ ຍົກລະດັບໃຫ້ແກ່ຜູ້ແທນ ແລະ ວິຊາການຂອງລາວ, ໄດ້ສ້າງບົດຊ່ວຍຈຳຮ່ວມກັນ, ຮ່ວມມືສ້າງແຜນ ແລະ ໂຄງການຝຶກອົບຮົມປະຈໍາປີ, ເອກະພາບ ໃນຫົວຂໍ້ຝຶກອົບຮົມ, ກຳນົດຂອບເຂດເນື້ອໃນ, ຮູບການ ແລະ ວິທີການຝຶກອົບຮົມ, ສ້າງກົນໄກ ປະສານງານລະອຽດ ພ້ອມທັງຈັດຝຶກອົບຮົມຢູ່ ສປປ ລາວ-ສສ ຫວຽດນາມ; ເພື່ອສືບຕໍ່ເສີມ ຂະຫຍາຍຜົນສຳເລັດ ການຮ່ວມມື ໃນໄລຍະທີ່ຜ່ານມາ ແລະ ສືບຕໍ່ຮ່ວມມືຮອບດ້ານ ລະຫວ່າງ ສອງສູນນັ້ນ ໃຫ້ມີການໄປມາຫາສູ່ກັນ, ພົບປະກັນ ເພື່ອໃຫ້ມີການ ສະຫລຸບຕີລາຄາ ແລະ ຮ່ວມມື ວຽກງານນຳກັນໃນຕໍ່ຫນ້າ ພ້ອມທັງສະເໜີ ໃຫ້ທາງຝ່າຍຫວຽດນາມຊ່ວຍຝ່າຍລາວ ໃນການສ້າງ ແຜນຝຶກອົບຮົມປີ 2016-2020, ຝ່າຍລາວຍັງມີຄວາມຈຳເປັນ ໃນການເຊີນບັນດາສະຫາຍ ຫວຽດນາມ ມາຊ່ວຍຂຶ້ນຫ້ອງບັນລະຍາຍ ໃຫ້ແກ່ການຝຶກອົບຮົມ ຢູ່ລາວ ແລະ ວຽກງານອື່ນໆ.
 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: