ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ສໍາເລັດການເພີ່ມທັກສະແກ່ສະມາຊິກສະພາ

(ສພຊ) ຊຸດເຝິກອົບຮົມຍົກລະດັບຄວາມສາມາດດ້ານວິຊາການ ແລະທັກສະໃຫ້ແກ່ສະມາຊິກສະພາແຫ່ງຊາດ (ສສຊ) ແລະສະມາຊິກ ສະພາປະຊາຊົນຂັ້ນແຂວງ (ສສຂ) ດໍາເນີນມາເປັນເວລາ 2 ວັນເຕັມ (14-15 ກຸມພາ) ທີ່ຫໍປະຊຸມແຫ່ງຊາດ

ກໍອັດລົງດ້ວຍຜົນສໍາເລັດອັນ ຈົບງາມ ໂດຍການເຂົ້າຮ່ວມຂອງສະຫາຍ ແສງນວນ ໄຊຍະລາດ ເລ ຂາທິການສູນກາງພັກ, ຮອງປະທານສະພາແຫ່ງຊາດ ແລະສະຫາຍ ນາງ ສີໃສ ລືເດດມູນສອນ ກໍາມະການສູນກາງພັກ, ຮອງປະທານສະ ພາແຫ່ງຊາດ ພ້ອມດ້ວຍບັນດາປະທານ-ຮອງປະທານກໍາມາທິການ, ຫົວໜ້າ-ຮອງຫົວໜ້າສະຖາບັນຄົ້ນຄວ້ານິຕິກໍາສະພາແຫ່ງຊາດ (ສຄສ), ຊ່ຽວຊານຫວຽດນາມ ຕະຫລອດຮອດ ສສຊ ແລະ ສສຂ ທົ່ວປະເທດ.

ຜູ້ເຂົ້າຮ່ວມໄດ້ຮັບຟັງການບັນລະຍາຍຂອງຄະນະວິທະຍາກອນ ຈາກ ສສ.ຫວຽດນາມ ເຊິ່ງມີ 4 ຫົວຂໍ້ສຳຄັນຄື: ທັກສະໃນການຕິດຕາມ ກວດກາ ສະເໜີໂດຍສະຫາຍ ບຸຍ ດຶກ ຖຸຍ ຮອງຫົວໜ້າຄະນະກິດຈະ ກໍາຜູ້ແທນປະຊາຊົນ (ຄກຊ), ທັກສະໃນການລົງພົບປະຜູ້ມີສິດເລືອກ ຕັ້ງ ແລະທັກສະໃນການຊັກຖາມ ສະເໜີໂດຍສະຫາຍ ໂຫງ ຕຶ ນາມ ອະດີດຮອງຫົວໜ້າ ຄກຊ, ທັກສະໃນການເກັບກໍາ ແລະການວິເຄາະຂໍ້ ມູນ ສະເໜີໂດຍສະຫາຍ ນາງ ຫງວຽນ ຖິ ກີ່ ອະດີດຮອງຫົວໜ້າ ຄກຊ; ຈາກນັ້ນ ກໍປຶກສາຫາລື, ສົນທະນາແລກປ່ຽນຄໍາຄິດເຫັນ ເພື່ອ ເອກະພາບຕໍ່ບັນຫາຕ່າງໆ ຮັບປະກັນໄດ້ການປະຕິບັດວຽກງານຂອງ ສະພາແຫ່ງຊາດ, ສະພາປະຊາຊົນຂັ້ນແຂວງ ໃຫ້ບັນລຸຕາມຄາດໝາຍ ທີ່ວາງໄວ້.

ສະຫາຍ ຄໍາເຜີຍ ປານມະໄລທອງ ຫົວໜ້າ ສຄສ ເໜີໃຫ້ຜູ້ເຂົ້າ ຮ່ວມ ຈົ່ງສືບຕໍ່ຄົ້ນຄວ້າເຊື່ອມຊຶມ, ກຳແໜ້ນຕໍ່ເນື້ອໃນຕ່າງໆທີ່ກອງປະ ຊຸມໄດ້ຍົກຂຶ້ນນັ້ນ ພ້ອມທັງຈັດຕັ້ງປະຕິບັດໃຫ້ສໍາເລັດຕາມຄາດໝາຍທີ່ ວາງໄວ້ ໂດຍສະເພາະທັກສະໃນການລົງພົບປະຜູ້ມີສິດເລືອກຕັ້ງ, ການຕັ້ງຄຳຖາມ, ການເກັບກຳ ແລະການວິເຄາະຂໍ້ມູນ, ແລະການລົງ ຕິດຕາມກວດກາ.

(ສົມນຶກ ແກ້ວໄຊຍະຈັກ)

 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: