ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ກອງປະຊຸມຄົບຄະນະຂອງກໍາມາທິການ ປກຊ-ປກສ

ກອງປະຊຸມຄົບຄະນະຂອງກໍາມາທິການປ້ອງກັນຊາດ-ປ້ອງກັນຄວາມສະຫງົບ (ປກຊ-ປກສ) ຂອງສະພາ ແຫ່ງຊາດ (ສພຊ) ດໍາເນີນມາເປັນເວລາ 1 ວັນເຄິ່ງ ແລະອັດລົງດ້ວຍຜົນສໍາ ເລັດອັນຈົບງາມ ເມື່ອວັນອັງຄານທີ 14 ກຸມພາຜ່ານມາ ທີ່ຫ້ອງປະ ຊຸມນ້ອຍ ສພຊ

ໂດຍການເປັນປະທານຂອງ ພົຈວ. ຄໍາສຸກ ວີອິນ ທະວົງ ຄະນະປະຈໍາສະພາແຫ່ງຊາດ, ປະທານກໍາມາທິການດັ່ງ ກ່າວ; ເຂົ້າຮ່ວມມີ ພົທ. ແສງນວນ ໄຊຍະລາດ ເລຂາທິການສູນ ກາງພັກ, ຮອງປະທານສະພາແຫ່ງຊາດ ຜູ້ຊີ້ນໍາວຽກງານ ປກຊ-ປກສ ພ້ອມດ້ວຍຜູ້ຕາງໜ້າກະຊວງປ້ອງກັນປະເທດ ແລະກະຊວງ ປ້ອງກັນຄວາມສະຫງົບ (ປກສ), ປະທານ-ຮອງປະທານກໍາມາທິ ການຂອງ ສພຊ, ແຂກຖືກເຊີນ ແລະພາກສ່ວນກ່ຽວຂ້ອງ ລວມ 80 ກວ່າທ່ານ.
ຜ່ານການຄົ້ນຄວ້າປຶກສາຫາລື ແລະປະກອບຄໍາເຫັນຂອງຜູ້ ເຂົ້າຮ່ວມຢ່າງກົງໄປກົງມາ ແລະສ້າງສັນ, ເຫັນວ່າມີຫລາຍເນື້ອໃນ ທີ່ສໍາຄັນດ້ວຍການສຸມໃສ່ເຮັດໃຫ້ປະເທດຊາດມີຄວາມໝັ້ນຄົງ ແລະ ພັດທະນາ; ກອງປະຊຸມຕົກລົງຮັບຮອງຄື: ບົດສະຫລຸບການເຄື່ອນ ໄຫວປະຕິບັດໜ້າທີ່ວຽກງານໃນປີ 2016 ຂອງກໍາມາທິການ ປກຊ-ປກສ ທີ່ໄດ້ເອົາໃຈໃສ່ປະຕິບັດພາລະບົດບາດຂອງຕົນໃນການເຄື່ອນ ໄຫວວຽກງານໃນໄລຍະຜ່ານມາ; ພ້ອມນັ້ນ ກໍປະຕິບັດພາລະບົດ ບາດດ້ານນິຕິບັດຍັດ, ການຕົກລົງບັນຫາພື້ນຖານສໍາຄັນຂອງຊາດ ແລະການຕິດຕາມກວດກາທີ່ພົວພັນເຖິງຂົງເຂດວຽກງານ ປກຊ-ປກສ ແນໃສ່ຮັບປະກັນຕໍ່ການປົກປັກຮັກສາສະຖຽນລະພາບ ແລະ ຄວາມໝັ້ນຄົງຂອງຊາດ. ທິດທາງແຜນການເຄື່ອນໄຫວປີ 2017 ໂດຍສະເພາະແມ່ນວຽກງານຈຸດສຸມການລົງຕິດຕາມກວດກາ, ປັບ ປຸງກົດໝາຍ ແລະນິຕິກໍາລຸ່ມກົດໝາຍ ໃນຂົງເຂດກໍາລັງ ປກຊ-ປກສ, ກົນໄກການປະສານສົມທົບກັບກະຊວງ ແລະອົງການທີ່ກ່ຽວ ຂ້ອງ ເພື່ອແກ້ໄຂຄໍາຮ້ອງຂໍຄວາມເປັນທໍາທີ່ພົວພັນກັບກໍາລັງ ປກຊ-ປກສ ແລະຜົນກະທົບຕ່າງໆຕໍ່ກໍາລັງ. ເປັນເອກະພາບໃນບົດປະ ກອບຄໍາເຫັນຂອງຜູ້ຕາງໜ້າຈາກກະຊວງປ້ອງກັນປະເທດ ແລະກະ ຊວງ ປກສ ແລະບັນດາຜູ້ແທນ ດ້ວຍຄວາມຮັບຜິດຊອບສູງຕາມພາ ລະບົດບາດ, ສິດ ແລະໜ້າທີ່ຂອງຕົນ ເປັນຕົ້ນວຽກງານພັດທະນາ ເສດຖະກິດ-ສັງຄົມ, ວຽກງານພັດທະນາສ້າງກໍາລັງປະກອບອາວຸດ ແລະການປະຕິບັດລັດຖະທໍາມະນູນ, ກົດໝາຍໃນຂົງເຂດ ປກຊ-ປກສ; ພ້ອມນັ້ນ ກໍຊຸກຍູ້ໃຫ້ 2 ກະຊວງ ແລະກໍາມາທິການ ປກຊ-ປກສ ມີການພົວພັນປະສານງານໃຫ້ດີກວ່າເກົ່າ.
ກອງປະຊຸມຍັງໄດ້ຮັບຟັງການໂອ້ລົມຂອງ ພົທ. ແສງນວນ ໄຊ ຍະລາດ  ໂດຍເນັ້ນໃຫ້ຄະນະພັກ, ຄະນະບັນຊາຂອງທຸກຂັ້ນກໍາມະ ການໃນກໍາມາທິການ ປກຊ-ປກສ ຕ້ອງເອົາໃຈໃສ່ສຶກສາອົບຮົມການ ເມືອງ-ແນວຄິດໃຫ້ພະນັກງານ-ນັກຮົບ ປະຕິບັດ 3 ພາລະບົດບາດ ຂອງສະພາແຫ່ງຊາດ ຕິດພັນກັບການປັບປຸງບູລະນະການຈັດຕັ້ງ ແລະສ້າງຄວາມເຂັ້ມແຂງໃຫ້ແກ່ກົມກອງຕົນ.
(ສົມນຶກ ແກ້ວໄຊຍະຈັກ)


 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: