ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ປະທານສະພາແຫ່ງຊາດເຄື່ອນໄຫວເຮັດວຽກຢູ່ແຂວງຈຳປາສັກ

(ສພຊ)ໃນລະຫວ່າງວັນທີ 8-9 ກຸມພາ 2017 ຜ່ານມານີ້ ທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ ພ້ອມຄະນະ​ໄດລົງເຄື່ອນໄຫວເຮັດວຽກຢູ່ແຂວງຈໍາປາສັກ ໂດຍໄດ້ຈັດກອງປະຊຸມ ຮ່ວມກັບສະພາປະຊາຊົນແຂວງ (ສພຂ) ມີປະທານ-ຮອງປະທານ ສພຂ ຈາກ 4 ແຂວງພາກໃຕ້.

ຄື: ຈໍາປາສັກ, ສະລະວັນ ເຊກອງ ແລະອັດຕະປື ພ້ອມດ້ວຍບັນດາທ່ານການນໍາຂັ້ນສູງຂອງແຂວງ​ ​ແລະຫົວໜ້າ-ຮອງຫົວ ໜ້າພະ​ແນ​ກການທີ່ກ່ຽວຂ້ອງເຂົ້າຮ່ວມ..ໃນ​ກອງ​ປະຊຸມ​ບັນດາ​ປະທານ ສພຂ ​ແຕ່ລະ​ແຂວງ ໄດ້ລາຍງານສະພາບພົນ ເດັ່ນໃນໄລຍະດໍາເນີນກອງປະຊຸມສະໄໝສາມັນຂອງຕົນ, ​ເຊິ່ງ​ທ່ານ ເມກສະຫວັນ ພົມພິທັກ ປະທານ ສພຊ ຈໍາປາສັກ ໄດ້ລາຍງານວ່າ: ກອງ​ປະຊຸມ​ສະ​ໄໝສາມັນ​ເທື່ອ​ທີ 2 ຂອງ​ ສພຂ ດຳເນີນນັບແຕ່ວັນທີ 3-7 ມັງກອນ 2017 ທີ່ຜ່ານມາ ເປັນເວລາ 5 ວັນເຕັມ ກອງປະຊຸມໄດ້ດໍາເນີນຖືກຕ້ອງສອດຄ່ອງກັບມາດຕາ 58 ຂອງກົດໝາຍວ່າ ດ້ວຍ ສພຂ ທີ່ໄດ້ກໍານົດໄວ້, ກອງປະຊຸມໄດ້ດຳເນີນໄປດ້ວຍບັນຍາກາດສ້າງສັນ, ເຈົ້າ ແຂວງໃນນາມຫົວໜ້າອົງການປົກຄອງແຂວງ ກໍ່ໄດ້ປະກອບຄຳຄິດຄຳເຫັນຕໍ່ກອງປະຊຸມ ດ້ວຍເນື້ອໃນທີ່ດີ, ຮັບເອົາຄຳຄິດຄຳເຫັນຂອງ ສສຂ ໄປຄົ້ນຄວ້າພິຈາລະນາຮ່ວມກັນ ຊອກຫາທາງອອກ ແລະພ້ອມກັນແກ້ໄຂໃຫ້ມີຜົນສຳເລັດ; ພ້ອມ​ກັນນັ້ນ, ບັນດາ ສສຂ ມີຄວາມຮັບຜິດຊອບສູງຕໍ່ໜ້າທີ່ຂອງຕົນ, ນຳເອົາຄຳສະເໜີ ທີ່ເປັນຄວາມມຸ່ງມາດປາຖະ ໜາຂອງປະຊາຊົນ ມາເປັນເນື້ອໃນປະກອບຄຳຄິດຄຳເຫັນຢ່າງຟົດຟື້ນ ​ແລະມີ​ຈຸດ​ສຸມ; ບັນດາຕ່າງໜ້າພະແນກການກົມກອງ ອ້ອມ​ຂ້າງ​ແຂວງໄດ້ຕອບຄຳຊັກຖາມ ຂອງ ສສຊ ປະຈຳ​ເຂດ​ເລືອກ​ຕັ້ງ ​ແລະ​ສສຂ; ແລະຕອບຄຳຖາມສາຍດ່ວນ ດ້ວຍຄວາມຈິງໃຈ ຈະແຈ້ງ.

ໃນຕອນເຂົ້າວັນທີ 9 ກຸມພາ ທ່ານປະທານສະພາແຫ່ງຊາດ ​ໄດ້ເຮັດວຽກຮ່ວມ ກັບອໍານາດການປົກແຂວງ ​ໂດຍ​ໄດ້​ຮັບ​ຟັງລາຍງານຫຍໍ້ກ່ຽວກັບການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມຂອງແຂວງ ໃນ 1 ປີຜ່ານ​ມາ​ຈາກ​ທ່ານ ບຸນຖອງ ດີວິໄຊ ​ເຈົ້າ​ແຂວງ; ສືບຕໍ່ເຮັດວຽກຮ່ວມກັບອົງການກວດສອບແຫ່ງລັດ ປະຈໍາພາກໃຕ້ ແລະພະແນກກວດກາລັດ ເພື່ອຮັບຟັງການລາຍງານວິທີການ, ມາດຕະການແກ້ໄຂຜົນ ການກວດສອບໃນສົກປີຜ່ານມາ.

ທ່ານ ນາງ ປານີ ຢາທໍ່ຕູ້ ປະທານ​ສະພາ​ແຫ່ງ​ຊາດ​ໄດ້ໃຫ້ທິດຊີ້ນໍາຕໍ່ອໍານາດ ການປົກຄອງຂອງແຂວງ ແລະບັນດາຄະນະນໍາຂອງ ສພຂ 4 ແຂວງພາກໃຕ້ ວ່າ: ໃຫ້​ແຕ່ລະພາກສ່ວນຈົ່ງເພີ່ມທະວີໃນການຈັດຕັ້ງປະຕິບັດທຸກໜ້າທີ່ວຽກງານຂອງຕົນ ໃຫ້ມີປະສິພາບ ແລະປະສິດທິຜົນສູງ ສໍາລັບອົງການປົກຄອງແຂວງໃຫ້ສືບຕໍ່ຈັດຕັ້ງ ປະຕິບັດແຜນພັດທະນາເສດ ຖະກິດ-ສັງຄົມຂອງແຂວງ, ແຜນການປະຕິບັດລາຍຮັບ-ລາຍຈ່າຍງົມປະມານ ແຜນການເກັບລາຍຮັບ ໂດຍສະເພາະຢູ່ດ່ານຕ້ອງເກັບລາຍຮັບ ໃຫ້ໄດ້ຄົບຖ້ວນຖຶກຕ້ອງ ແລະເກັບໃຫ້ທ່ວງທັນກັບເວລາ ເພື່ອສາມາດປະຕິບັດໄດ້ຕາມ ແຜນ ແລະລື່ນແຜນທີ່ກໍານົດໄວ້; ເອົາໃຈໃສ່ຊຸກຍູ້ບັນດາເຂດເສດຖະກິດພິເສດ, ເຂດ ເສດຖະກິດສະເພາະ ແລະເຂດອຸດສາຫະກໍາທີ່ແຂວງໄດ້ຈັດສັນໄວ້ ເພື່ອດຶງດູການລົງ ທຶນທັງພາຍໃນ ແລະພາຍນອກເຂົ້າມາລົງທຶນຢູ່ແຂວງຈໍາປາສັກໃຫ້ຫຼາຍຂື້ນ. ທ່ານ​ປະທານ​ສະພາ​ແຫ່ງ​ຊາດ​ໄດ້​ເນັ້ນ ​ແລະສະເໜີໃຫ້ອົງການປົກຄອງແຂວງ, ບັນດາ ພະແນກການຈົ່ງໄດ້ໃຫ້ຄວາມ ສໍາຄັນຕໍ່ກັບສະພາທ້ອງຖິ່ນໃນເງື່ອນໄຂປະຕິບັດການປົກ ຄອງໄປຕາມກົດໝາຍ ເພາະວ່າສະພາປະຊາຊົນທ້ອງຖິ່ນເປັນຕົວແທນແຫ່ງສິດ ແລະ ຜົນປະໂຫຍດຂອງປະຊາຊົນ ໄດ້ຮັບການເລືອກຕັ້ງໂດຍກົງຈາກປະຊາຊົນ ເພື່ອມາປະ ຕິບັດໜ້າທີ່ແທນປະຊາຊົນ ໃນການຕົກລົງບັນຫາສໍາຄັນຂອງທ້ອງຖິ່ນ ເຊິ່ງແມ່ນ ຄວາມຮັບຜິດຊອບສູງຂອງບັນດາສະມາຊິກສະພາປະຊາຊົນຂັ້ນທ້ອງຖິ່ນ. ສະເໜີໃຫ້ ຄະນະພັກແຂວງໃຫ້ໄດ້ ເອົາໃຈໃສ່ໃນການຊີ້ນໍາການເຄື່ອນໄຫວວຽກງານຂອງສະພາ ປະຊາຊົນທ້ອງຖິ່ນ ເພື່ອເຮັດໃຫ້ສະພາປະຊາຊົນທ້ອງຖິ່ນສາມາດປະຕິບັດພາລະບົດ ບາດໜ້າທີ່ຕາມທີ່ກົດໝາຍກໍານົດໄວ້ໄດ້ຢ່າງເຕັມເມັດເຕັມໜ່ວຍ. ສະນັ້ນຈຶ່ງສະເໜີໃຫ້ ຄະນະພັກແຂວງຊີ້ນໍາບັນດາພະແນກການ-ກົມກອງອ້ອມຂ້າງຈັດຕັ້ງຜັນ​ຂະຫຍາຍ​ບັນ ດາ​ມະຕິ​ຕ່າງໆຂອງສະພາ​ແຫ່ງ​ຊາດ ​ແລະ​ສະພາ​ປະຊາຊົນ​ແຂວງ, ​ ປະສານສົມທົບ ກັບຄະນະກໍມະການຂອງສະພາປະຊາຊົນຂັ້ນທ້ອງຖິ່ນ ໃຫ້ເປັນຄູ້ຮ່ວມງານທີ່ສະໜິດ ຕິດແໜ້ນນໍາກັນ ກໍຄືການຕອບສະໜອງຂໍ້ມູນຂ່າວສານ, ບົດສະຫລຸບລາຍງານ ແລະ ຮ່ວມກັນກະກຽມເນື້ອໃນການດໍາເນີນກອງປະຊຸມສະໄໝສາມັນແຕ່ລະຄັ້ງ ລວມທັງ ກະກຽມຮ່າງມະຕິຕ່າງໆທີ່ຈະນໍາເຂົ້າພິ ຈາລະນາຮັບຮອງໃນກອງປະຊຸມແຕ່ລະຄັ້ງ ໃຫ້ມີຄວາມເປັນເອກະພາບ, ໜັກແໜ້ນ, ກົມກຽວ ແລະຖືກຕ້ອງສອດຄ່ອງກັບການ ຈັດຕັ້ງປະຕິບັດວຽກງານຕົວຈິງ; ທັ້ງນີ້ ກໍເພື່ອເປັນການປັບປຸງລະບົບອໍານາດລັດ ໃຫ້ມີຄວາມເຂັ້ມແຂງ ​ເຮັດ​ໃຫ້ປະຊາຊົນມີຄວາມເຊື່ອໜັ້ນຕໍ່ພັກ-ລັດ, ຕໍ່ການບໍລິຫານ ລັດຂອງພວກເຮົານັບມື້ນັບສູງຂື້ນເລື້ອຍໆ.

(ສົມວິຈິດ ໄຊມົນຕີ)

 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: