ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ກອງ​ປະຊຸມຄົບ​ຄະນະ​ຄັ້ງ​ທີ 1 ຂອງ​ຄະ​ນະ​ສະມາຊິກ ​ສະພາ​ແຫ່ງ​ຊາດ ​ເພດ​ຍິງ

ຂປລ. ກອງ​ປະຊຸມຄົບ​ຄະນະ​ຄັ້ງ​ທີ 1 ຂອງ​ຄະ​ນະ​ສະມາຊິກ ​ສະພາ​ແຫ່ງ​ຊາດ (ສສຊ) ​ເພດ​ຍິງ ຈັດ​ຂຶ້ນ​​ໃນ​ວັນ​ທີ 10 ກຸມ​ພາ ນີ້ ທີ່ ສະພາ​ແຫ່ງ​ຊາດ ​ເພື່ອ​ສ້າງ​ຄວາມ​ເຂັ້ມ​ແຂງໃຫ້​ແກ່​ ສສຊ ​ເພດ​ຍິງ ​ແລະ ສສຊ ປະຊາຊົນ​ຂັ້ນ​ແຂວງ ​ໂດຍ​ການ​ເປັນ​ປະທານຂອງ ​ທ່ານນາງ ທັດ​ສະ​ດາ​ພອນ ​ແສງ​ສຸລິຍາ ປະທານ ຄະນະ ສສຊ ​ເພດ​ຍິງ


ໃຫ້ກຽດ​ເຂົ້າ​ຮ່ວມ​​ໂດຍ​ ທ່ານນາງ ສີ​ໃສ ລື​ເດດ​ມູນ​ສອນ ກຳມະການ​ຄະນະ​ບໍລິຫານ​ງານ​ສູນ​ກາງ​ພັກ, ຮອງ​ເລຂາ​ຄະນະ​ພັກ​ສະພາ​ແຫ່ງ​ຊາດ, ຜູ້​ຊີ້​ນຳວຽກງານ​ຄະນະ​ສະມາຊິກ​ ສະພາ​ແຫ່ງ​ຊາດ ​ເພດ​ຍິງ ​ແລະ ບັນດາ ສສຊ ​ເພດ​ຍິງ​ເຂົ້າ​ຮ່ວມ.

ກອງ​ປະຊຸມ​ ​ໄດ້ປຶກສາ​ຫາລື​ແລກປ່ຽນຄຳ​ຄິດຄຳ​ເຫັນ ​​ເປັນ​ເອກະ​ພາບ​ກັນ ​ແລະ ຜ່ານ​ຮ່າງ​ບົດ ສະຫລຸບ​ການ​ເຄື່ອນ​ໄຫວ​ວຽກງານ ນັບ​ແຕ່​ກອງ​ປະຊຸມ​ ຄັ້ງ​ປະຖົມ​ມະລຶກ​ຮອດ​ປັດຈຸບັນ ​ແລະ ທິດ​ທາງ​ແຜນການ​ເຄື່ອນ​ໄຫວ ​ຂອງ​ຄະນະ ສສຊ ​ເພດ​ຍິງ ປີ 2017 ​ແລະ ​ແຜນ​ວຽກຈຸດ​ສຸມ ​ໃນ​ການ​ຕິດຕາມ​ກວດກາ​ ຂອງ​ຄະນະ ສສຊ ​ເພດ​ຍິງ​ ໃນ​ປີ 2017 ​ແລະ ​ເຊື່ອມ​ຊຶມ​ວິ​ໄສ​ທັດ​ຮອດ​ປີ 2030, ຍຸດ​ທະ​ສາດ​ແຕ່​ປີ 2016-2025 ​ແລະ ​​ແຜນ​ເຄື່ອນ​ໄຫວ​ວຽກງານ ຂອງ​ຄະນະ​ ສສຊ ​ເພດ​ຍິງ​ໃນ 5 ປີ 2016-2020; ​ເຜີຍ​ແຜ່​ບາງ​ມາດ​ຕາ ຂອງ​ມະຕິ​ຄະນະ​ປະຈຳ​ ສະພາ​ແຫ່ງ​ຊາດ ວ່າ​ດ້ວຍ​ການຈັດ​ຕັ້ງ ​ແລະ ການ​ເຄື່ອນ​ໄຫວ ຂອງ​ຄະນະ​ ສສຊ ​ເພດ​ຍິງ ສະບັບ ​ເລກທີ 0126/ຄປຈ, ລົງ​ວັນ​ທີ 01 ກັນຍາ 2016 ​ແລະ ມະຕິ​ຄະນະ​ປະຈຳ​ສະພາ​ແຫ່ງ​ຊາດ ວ່າ​ດ້ວຍ​ກົນ​ໄກ​ການ​ພົວພັນ ​ແລະ ການ​ປະສານ​ງານ​ກັບ​ພາກສ່ວນ ທີ່​ກ່ຽວຂ້ອງ​ຢູ່​ຂັ້ນ​ສູນ​ກາງ ​ແລະ ທ້ອງ​ຖິ່ນ ສະບັບ​ທີ 013/ຄປຈ, ລົງ​ວັນ​ທີ 2 ກຸມພາ 2017.

​ໃນ​ຕອນ​ທ້າຍ​ທ່ານ ນາງ ສີ​ໃສ ລື​ເດດ​ມູນ​ສອນ ​ຍັງໄດ້​ໂອ​ລົມບາງ​ບັນຫາ​ສຳຄັນ ​ເຊິ່ງທ່ານ ​ໄດ້ຮຽກຮ້ອງ​ມາ​ຍັງ​ບັນດາ ກຳມະການ​ຄະນະ ສສຊ ​ເພດ​ຍິງ ຈົ່ງ​ສຸມ​ສະຕິ​ ​ຄົ້ນ​ຄວ້າ​ບາງ​ບັນຫາ​ສຳຄັນ​ຄື: ​ໃຫ້ ​ສສຊ ​ເພດ​ຍິງ ​ທົບ​ທວນຄື​ນ​ເຖິງ​ຜົນ​ການ​ ເຄື່ອນ​ໄຫວ​ ປະຕິບັດໜ້າທີ່​ວຽກງານ​ ຂອງຕົນ​ໃນ​ໄລຍະ​ຜ່ານ​ມາ ​ເສີມ​ຂະຫຍາຍ​ຜົນງານ​ເດັ່ນ ​ແລະ ນຳ​ຈຸດ​ຄົງ​ຄ້າງ​ເພື່ອ​ນຳ​ໄປ​ປັບປຸງ ​ໃຫ້​ສອດຄ່ອງ​ກັບ​ແນວທາງ, ນະ​ໂຍບາຍ​ຂອງ​ພັກ, ລະບຽບກົດໝາຍຂອງ​ລັດ ຍົກ​ສູງ​ຄວາມ​ສາມາດ​ຂອງ​ຄະນະ ​ສສຊ ​ເພດ​ຍິງ ​ໃນ​ການ​ລົງ​​ເລີກ​ວຽກງານ​ ສົ່ງ​ເສີມ​ຄວາມ​ສະ​ເໝີພາບ​ ບົດບາດ​ຍິງ-​ຊາຍ, ສົ່ງ​​ເສີມຄວາມ​ກ້າວໜ້າ, ພັດທະນາ ​ແລະ ປົກ​ປ້​ອງສິດຜົນປະ​ໂຫຍ​ດຂອງ​ແມ່ຍິງ ​ແລະ ​ເດັກນ້ອຍ​ ຢູ່​​ໃນ​ຂົງ​ເຂດ​​ເລືອກ​ຕັ້ງ​ຕົນ​ເອງ; ການ​ເຄື່ອນ​ໄຫວ​ຂອງ​ຄະນະ ສສຊ ​ເພດ​ຍິງ ຈະ​ຕ້ອງ​ມີ​ແຜນການ ​ແລະ ການ​ປະສານ,​ ມີ​ການ​ແບ່ງງານ, ກຳນົດ​ໃຫ້​ຈະ​​ແຈ້ງ, ບໍ່​ໃຫ້​ຊ້ຳ​ຊ້ອນ; ຕ້ອງປະສານ​ສົມທົບ ກັບ​ພາກສ່ວນ​ທີ່​ກ່ຽວຂ້ອງ ​ຢູ່​ສູນ​ກາງ ​ແລະ ທ້ອງ​ຖິ່ນ ​ເພື່ອ​​ເກັບ​ກຳ​ສະພາບ​ການ, ຂໍ້​ມູນ​ຂ່າວສານ​ຕ່າງໆທີ່​ພົ້ນ​ເດັ່ນ ​ແລະ ຜົນ​ກະທົບ​ຕໍ່​ການ​ພັດທະນາ, ປົກ​ປ້ອງສິດ ຜົນປະ​ໂຫຍ​ດຂອງ​ແມ່ຍິງ ​ແລະ ​ເດັກນ້ອຍ; ​ເອົາ​ໃຈ​ໃສ່​ຕິດຕາມ ວຽກງານ​ການ​​ກວດກາ ​ແລະ ຊຸກຍູ້​ການຈັດ​ຕັ້ງ​ປະຕິບັດ​ກົດໝາຍ ​ແລະ ນິຕິ​ກຳ​ອື່ນໆ.

 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: