ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ປະທານສະພາແຫ່ງຊາດຕ້ອນຮັບຜູ້ແທນລັດຖະສະພາເຢຍລະມັນ

ໃນວັນທີ 1 ກຸມພາ 2017 ນີ້ ທີ່ສະພາແຫ່ງຊາດ ທ່ານ ນາງ ປານີ ຢ່າທໍ່ຕູ້ ປະທານສະພາແຫ່ງຊາດ ໄດ້ໃຫ້ກຽດຕ້ອນຮັບ ການເຂົ້າຢ້ຽມຂໍ່ານັບ ຂອງທ່ານ ນາງ ດັກມາ ເຈ ເວີກ ປະທານກໍາມາທິການ ຮ່ວມມືດ້ານເສດຖະກິດ ແລະ ການພັດທະນາລັດ ແຫ່ງລັດຖະສະພາ ເຢຍລະມັນ ພ້ອມດ້ວຍຄະນະ

ໃນໂອກາດ ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ແຕ່ວັນທີ 31 ມັງກອນ ຫາ 2 ກຸມພາ 2017 ນີ້.

ທ່ານ
ນາງ ປານີ ຢ່າທໍ່ຕູ້ ໄດ້ສະແດງຄວາມຕ້ອນຮັບ, ຊົມເຊີຍ ແລະ ຕີລາຄາສູງຕໍ່ ທ່ານ ນາງ ດັກມາ ເຈ ເວີກ ພ້ອມດ້ວຍຄະນະ ທີ່ໄດ້ເດີນທາງ ມາຢ້ຽມຢາມ ແລະ ເຮັດວຽກຢູ່ ສປປ ລາວ ໃນຄັ້ງນີ້ ເຊິ່ງເປັນການ ປະກອບສ່ວນອັນສໍາຄັນ ເຂົ້າໃນການເພີ່ມທະວີ ສາຍພົວພັນມິດຕະພາບ ແລະ ການຮ່ວມມື ລະຫວ່າງ ລາວ-ເຢຍລະມັນ ໂດຍສະເພາະແມ່ນ ການພົວພັນຮ່ວມມື ລະຫວ່າງ ສະພາແຫ່ງຊາດ ແລະ ລັດຖະສະພາເຢຍລະມັນ ໃຫ້ນັບມື້ນັບກ້ວາງຂວາງຂື້ນ ເທື່ອລະກ້າວ.

ທ່ານ
ນາງ ດັກມາ ເຈເວີກ ໄດ້ສະແດງຄວາມ ຂອບອົກຂອບໃຈຕໍ່ທ່ານ ນາງ ປານີ ຢ່າທໍ່ຕູ້ ທີ່ໄດ້ສະຫລະເວລາ ໃຫ້ການຕ້ອນຮັບຢ່າງອົບອຸ່ນ ໃນຄັ້ງນີ້ພ້ອມທັງໄດ້ແຈ້ງ ຈຸດປະສົງຂອງການເດີນທາງ ມາຢ້ຽມຢາມ ແລະ ເຮັດວຽກຢູ່ ສປປ ລາວ ໃນຄັ້ງນີ້ໃຫ້ຊາບຕື່ມອີກ.

ໃນຕອນເຊົ້າວັນດຽວກັນ
ທ່ານ ວິໄລວົງ ບຸດດາຄໍາ ຄະນະປະຈໍາ ສະພາແຫ່ງຊາດ ປະທານຄະນະ ກໍາມະທິການແຜນການ, ການເງິນ ແລະ ການກວດສອບ ຂອງສະພາແຫ່ງຊາດລາວ ພ້ອມດ້ວຍ ຄະນະ ໄດ້ມີການພົບປະ ສອງຝ່າຍ ກັບ ທ່ານ ນາງ ດັກມາ ເຈ ເວີກ ປະທານກໍາມາທິການ ຮ່ວມມື ດ້ານເສດຖະກິດ ແລະ ການພັດທະນາລັດ ແຫ່ງລັດຖະສະພາ ເຢຍລະມັນ ເຊິ່ງການພົບປະ ໃນຄັ້ງນີ້ ສອງຝ່າຍໄດ້ຕີລາຄາຄຶນ ກ່ຽວກັບການພົວພັນຮ່ວມມື ລະຫວ່າງ ສອງກໍາມະທິການ ຂອງສອງສະພາ ໃນ ໄລຍະຜ່ານມາ ພ້ອມນີ້ ສອງຝ່າຍໄດ້ເຫັນດີ ໃຫ້ມີການແລກປ່ຽນຢ້ຽມຢາມ ຂອງຄະນະຜູ້ແທນຂັ້ນສູງ ຂອງສອງສະພາແຫ່ງຊາດ, ຂັ້ນກໍາມະທິການ, ຄະນະມິດຕະພາບ, ຄະນະເລຂາທິການ ສະພາແຫ່ງຊາດ ເພື່ອແລກປ່ຽນ ແລະ ຖອດຖອນບົດຮຽນນໍາກັນ ຢ່າງເປັນປົກກະຕິ, ສືບຕໍ່ຊຸກຍູ້ ໃຫ້ລັດຖະບານ ທັງສອງປະເທດ ຈັດຕັ້ງປະຕິບັດສັນຍາ ແລະ ຂໍ້ຕົກລົງ ທີ່ໄດ້ລົງນາມກັນໃຫ້ໄດ້ຮັບການຈັດຕັ້ງ ຢ່າງມີໝາກຜົນຕົວຈິງ, ພ້ອມທັງຊຸກຍູ້ສົ່ງເສີມ ເຮັດໃຫ້ການລົງທຶນ ແລະ ທ່ອງທ່ຽວ ລະຫວ່າງ ສອງປະເທດເພີ່ມຂຶ້ນ ໃນແຕ່ລະປີ, ພ້ອມນີ້ ຝ່າຍລາວຍັງໄດ້ສະເໜີ ໃຫ້ລັດຖະສະພາ ເຢຍລະມັນ ໄປຍັງລັດຖະບານ ເຢຍລະມັນສືບຕໍ່ໃຫ້ການຊ່ວຍເຫລືອ ແກ່ສະພາແຫ່ງຊາດລາວ ກໍຄື ລັດຖະບານລາວ ໃນການຝຶກອົບຮົມ ກ່ຽວກັບການຄຸ້ມຄອງ ແລະ ນໍາໃຊ້ສານເຄມີ ໃນພາກກະສິກໍາ, ການຄຸ້ມຄອງບັນດາ ອຸດສາຫະກໍາເບົາ-ໜັກ ກັບການຄຸ້ມຄອງສິ່ງແວດລ້ອມ, ການຄຸ້ມຄອງ ໜີ້ສາທາລະນະ, ການສ້າງນັກວິຊາຊີບ, ການຄຸ້ມຄອງຊັບພະຍາກອນ ທໍາມະຊາດ ເປັນຕົ້ນແມ່ນ ການຄຸ້ມຄອງທີ່ດິນ, ການຄຸ້ມຄອງການຄ້າໄມ້, ສະຖາບັນກ່ຽວກັບການຄົ້ນຄ້ວາ ພະລັງງານ ແລະ ບໍ່ແຮ່, ການພັດທະນາພື້ນຖານ ໂຄງລ່າງຊົນນະບົດ ເປັນຕົ້ນແມ່ນເສັ້ນທາງໃນຊົນນະບົດ ຢູ່ບັນດາເມືອງທີ່ທຸກຍາກ, ສືບຕໍ່ໃຫ້ການ ສະໜັບສະໜູນ ຊ່ວຍເຫລືອເຊິ່ງກັນ ແລະ ກັນ ຢູ່ໃນເວທີພາກພື້ນ ແລະ ສາກົນ ເພື່ອປະກອບສ່ວນເຂົ້າໃນ ການປົກປັກຮັກສາ ສັນຕິພາບ ແລະ ສະຖຽນລະພາບ ຢູ່ໃນພາກພື້ນ ແລະ ໃນໂລກ

 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: