ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ປະທານສະພາແຫ່ງຊາດ ຢ້ຽມຢາມໂຄງການຊົນລະປະທານບ້ານຖໍ້າ

ວັນທີ 25 ທັນວາຜ່ານມາ, ທ່ານ ນາງ ປານີ ຢາທໍ່ຕູ້ ປະທານ ສະພາແຫ່ງຊາດ ພ້ອມດ້ວຍຄະນະ ໄດ້ຢ້ຽມຊົມໂຄງ ການກໍ່ສ້າງຊົນລະປະທານບ້ານຖໍ້າ ເມືອງຄູນ ແຂວງຊຽງຂວາງ ໃນໂອກາດທີ່ໄປ ເຄື່ອນໄຫວວຽກງານຢູ່ແຂວງ ດັ່ງກ່າວ.ທ່ານ ທອງສະຫວັນ ສີບຸນເຮືອງ ຜູ້ປະສານງານໂຄງການ

ລາຍງານຄວາມຄືບໜ້າຂອງການກໍ່ສ້າງ ໃຫ້ຮູ້ວ່າ: ໂຄງການຊົນລະປະທານ ແຫ່ງນີ້ ສ້າງເປັນເຂື່ອນດິນ, ມີຄວາມ ສູງ 28 ແມັດ ຄວາມ ຍາວ 205 ແມັດ, ກໍ່ສ້າງທາງເວັ້ນອ່າງ ມີຄວາມຍາວ 1 ພັນກວ່າ ແມັດ, ເຮັດຄອງເໝືອງອອກສອງຟາກ ມີຄວາມຍາວເກືອບ 7 ພັນແມັດ; ອ່າງສາມາດບັນຈຸນໍ້າໄດ້ເຖິງ 1,2 ລ້ານແມັດກ້ອນ ແລະກະຈາຍນໍ້າອອກໃຫ້ພໍ່ແມ່ ປະຊາຊົນໄດ້ຊົມໃຊ້ ດ້ວຍຄອງເໝືອງ 4 ເສັ້ນ ເພື່ອສະໜອງນ້ຳໃຫ້ພຽງພໍກັບຄວາມຕ້ອງການ ຂອງຊາວກະສິກອນ ໃນການທໍາການຜະລິດ. ໂຄງການຊົນລະປະທານບ້ານຖໍ້າ ເລີ່ມລົງມື ກໍ່ສ້າງແຕ່ວັນທີ 20 ພະຈິກ 2015 ໂດຍແມ່ນທຶນຊ່ວຍເຫລືອລ້າ ຈາກກະຊວງກະສິກໍາ ສ.ເກົາຫລີ ລວມມູນຄ່າທັງໝົດ 4 ລ້ານໂດລາ ສະຫະລັດ ຫລືເກືອບ 32,8 ຕື້ກີບ, ນອກນັ້ນ ຍັງມີທຶນຮອນສົມທົບ ຂອງລັດຖະບານລາວ 954 ລ້ານກີບ; ໂດຍແມ່ນບໍລິສັດ ຊາຍຄູນ ຄໍາ ກໍ່ສ້າງເຄຫາສະຖານ-ຂົວທາງ ແລະຊົນລະປະທານ ຈໍາກັດຜູ້ ດຽວ ເປັນຜູ້ຮັບເໝົາ, ມາຮອດປັດຈຸບັນ ການກໍ່ສ້າງປະຕິບັດໄດ້ 70% ຄາດຈະສໍາເລັດໃນທ້າຍເດືອນມີນາ 2017 ນີ້.

ພາຍຫລັງໂຄງການສໍາເລັດ ຈະຊ່ວຍໃຫ້ປະຊາຊົນ 3 ໝູ່ບ້ານ ລວມທັງໝົດ 153 ຄອບຄົວ ໄດ້ຮັບຜົນປະໂຫຍດ ເຊັ່ນການຜະລິດ ກະສິກໍາມີຄວາມສະດວກ, ໄດ້ຜົນຜະລິດເພີ່ມຂຶ້ນ ທີ່ສໍາຄັນຈະເຮັດ ໃຫ້ຊີວິດການເປັນຢູ່ຂອງພໍ່ແມ່ປະຊາຊົນ ໄດ້ຮັບການພັດທະນາສູ່ລະດັບໃໝ່ຈາກການຜະລິດເປັນສິນຄ້າ.

ໃນໂອກາດດັ່ງກ່າວ, ທ່ານ ນາງ ປານີ ຢາທໍ່ຕູ້ ສະແດງຄວາມ ຊົມເຊີຍຕໍ່ກັບບໍລິສັດຮັບເໝົາ ທີ່ເອົາໃຈໃສ່ບຸກບືນເຮັດໃຫ້ການກໍ່ສ້າງ ມີຄວາມຄືບໜ້າໄວ, ແຕ່ໃນເວລາດຽວກັນ ຕ້ອງເອົາໃຈໃສ່ທາງດ້ານ ວິຊາການ-ການອອກແບບທຸກຂັ້ນຕອນ ເພື່ອໃຫ້ໂຄງການກໍ່ສ້າງມີ ຄວາມແໜ້ນໜາຖາວອນ ແລະສໍາເລັດຕາມລະດັບຄາດໝາຍ.

(ຄັດຈາກ ນສພ. ເສດຖະກິດ-ສັງຄົມ 28/12/2016)

 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: