ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ປະທານສະພາແຫ່ງຊາດລາວ ຕ້ອນຮັບແຂກ ສສ ຫວຽດນາມ

(ສພຊ) ວັນທີ 16 ທັນວາ 2016, ສະຫາຍ ນາງ ປານີ ຢາທໍ່ຕູ້ ປະທານສະພາແຫ່ງຊາດ​ ​ແຫ່ງ ສປປລາວໄດ້ໃຫ້ກຽດຕ້ອນຮັບການເຂົ້າຢ້ຽມຂ່ຳນັບຂອງສະຫາຍເລແທ໋ງ ຮາ ອະດີດກຳມະການກົມການເມືອງສູນກາງພັກກອມມູນິດຫວຽດນາມ, ອະດີເຈົ້າຄອງນະຄອນໂຮ ຈີ ມິ ພ້ອມດ້ວຍຄະນະທີ່ຫ້ອງຮັບແຂກປະທານສະພາແຫ່ງຊາດ ໂອກາດທີ່ເດີນທາງມາຢ້ຽມຢາມ ສປປລາວ.

ສະຫາຍນາງປານີຢາທໍ່ຕູ້ໄດ້​​ໃຫ້ການຕ້ອນຮັບຢ່າງອົບອຸ່ນ ພ້ອມກ່າວສະແດງຄວາມພາກພູມໃຈທີ່ສະຫາຍເລແທ໋ງ ຮາໄດ້ນຳເອົາຄວາມຮັກແພງ, ສາຍພົວພັນມິດຕະພາບແລະການຮ່ວມມືຮອບດ້ານ ທີ່ເປັນມູນເຊື້ອລະຫວ່າງສອງພັກ-ສອງລັດ ກໍຄືປະຊາຊົນສອງຊາດລາວ-ຫວຽດນາມເວົ້າລວມເວົ້າສະເພາະກໍຄືນະຄອນຫລວງວຽງຈັນແລະຄະຄອນໂຮຈີມິ ທີ່ໄດ້ມາຢ້ຽມຢາມຄັ້ງນີ້.

ໂອກາດດັ່ງກ່າວ, ສະຫາຍເລແທ໋ງ ຮາ ກໍໄດ້ກ່າວສະແດງຄວາມຂອບໃຈຕໍ່ສະຫາຍ ນາງ ປານີ ຢາທໍ່ຕູ້ ທີ່ໄດ້​​ໃຫ້ການຕ້ອນຮັບຢ່າງອົບອຸ່ນ ພ້ອມກ່າວວ່າ: ຫລັງຈາກ 2 ປີທີ່ໄດ້ກັບມານະຄອນຫລວງວຽງຈັນ ກໍເຫັນໄດ້ເຖິງການພັດທະນາຫລາຍຢ່າງເປັນຕົ້ນຖະໜົນຫົນທາງກວ້າງຂວາງງາມຕາ, ຊີວິດການເປັນຢູ່ຂອງປະຊາຊົນມີຄວາມຜາສຸກ, ​ໄດ້ຮັບການຍົກສູງຄຸນນະພາເຊິ່ງສະແດງໃຫ້ເຫັນເຖິງຜົນສຳເລັດອັນຍິ່ງໃຫຍ່​ ​ແລະຮອບດ້ານພາຍໃຕ້ການຊີ້ນຳ​-ນຳພາຂອງພັກປະຊາຊົນປະຕິວັດລາວ; ​ໃນການມາຢ້ຽມຢາມຄັ້ງນີ້ກໍແມ່ນຢູ່ໃນບັນຍາກາດທີ່ ສປປລາວ ສະເຫລີມສະຫລອງວັນຊາດທີ 2 ທັນວາ ຄົບຮອບ 41 ປີ ຂ້າພະເຈົ້າຂໍອວຍພອນໄຊອັນປະເສີດແກ່ການນຳພັກ-ລັດພ້ອມດ້ວຍສະຫາຍປະທານສະພາແຫ່ງຊາດ ຈົ່ງມີສຸຂະພາບແຂງແຮງ ປະສົບຜົນສຳເລັດໃນໜ້າທີ່ວຽກງານ ສືບຕໍ່ຊີ້ນຳນຳພາປະເທດຊາດໃຫ້ຈະເລີນກ້າວໜ້າຍິ່ງໆຂຶ້ນໄປ.

ຕອນບ່າຍຂອງວັນດຽວກັນ, ສະຫາຍນາງ ປານີ ຢາທໍ່ຕູ້ ຍັງໄດ້ຕ້ອນຮັບການເຂົ້າຢ້ຽມຂ່ຳນັບອຳລາຂອງສະຫາຍຫງວຽນແມ້ງ ຮຸ່ງເອກອັກຄະລັດຖະທູແຫ່ງ ສສ.ຫວຽດນາມ ປະຈຳ ສປປລາວ ​​ໃນໂອກາດສຳເລັດໜ້າທີ່ການທູດຢູ່ ສປປລາວເຊິ່ງສະຫາຍ ຫງວຽນແມ້ງ ຮຸ່ງໄດ້ກ່າວວ່າ: ​ໃນ 4 ປີຜ່ານມາ ພະນັກງານທຸກທົ່ວໜ້າພາຍໃນສະຖານທູດຫວຽດນາມໄດ້ມີຄວາມພະຍາຍາມແລະຄວາມຮັບຜິດຊອບໃນການພັດທະນາສາຍພົວພັນມິດຕະພາບອັນເປັນມູນເຊື້ອ​, ຄວາມສາມັກຄີແບບພິເສດແລະການຮ່ວມມືຮອບດ້ານລະຫວ່າງ ສອງພັກສອງລັດ ສອງສະພາແຫ່ງຊາດ ກໍຄືປະຊາຊົນສອງຊາດຫວຽດນາມ-ລາວເຊິ່ງຂ້າພະເຈົ້າໄດ້ເຮັດສຳເລັດຫລາຍວຽກງານເຊິ່ງບັນດາຜົນງານທີ່ຍາດມາໄດ້ ພວກຂ້າພະເຈົ້າໄດ້ຮັບການຊ່ວຍເຫລືອຈາກບັນດາການນຳພັກ-ລັດຂອງລາວໃນໂອກາດນີ້ຂໍສະແດງຄວາມຂອບໃຈຕໍ່ກັບບັນດາການຊ່ວຍເຫລືອດັ່ງກ່າວ; ​ໃນ 4 ປີຜ່ານມາ​, ຂ້າພະເຈົ້າມີຄວາມດີໃຈທີ່ໄດ້ເຫັນການພັດທະນາ​, ບັນດາຜົນງານອັນຍິ່ງໃຫຍ່ຂອງພັກ-ລັດແລະປະຊາຊົນລາວທີ່ຍາດມາໄດ້ພິເສດໃນປີ 2016 ບັນດາສະຫາຍກໍໄດ້ຈັດບັນດາເຫດການໄດ້ຮັບຜົນສຳເລັດເຊັ່ນ: ການສະເຫລີມສະຫລອງວັນຊາດຄົບຮອບ 40 ປີ, ກອງປະຊຸມໃຫຍ່ຄັ້ງທີ X ອງພັກປະຊາຊົນປະຕິວັດລາວ; ການເລືອກຕັ້ງສະພາແຫ່ງຊາດຊຸດທີ VIII ​ແລະສະພາປະຊາຊົນຂັ້ນແຂວງຄັ້ງທຳອິດແລະກອງປະຊຸມຕ່າງໆໃນການເປັນປະທານອາຊຽນໃນປີ 2016 ​ໃນໂອກາດນີ້ຂ້າພະເຈົ້າຂໍສະແດງຄວາມຊົມເຊີຍ; ຂ້າພະເຈົ້າເຊື່ອໝັ້ນວ່າສະພາແຫ່ງຊາດ, ສະຫາຍປະທານສະພາແຫ່ງຊາດແລະບັນດາການນຳ ພ້ອມທັງອົງການທີ່ກ່ຽວຂ້ອງ ຈະ​​ເອົາໃຈໃສ່ໃຫ້ການຊ່ວຍເຫລືອແກ່ສະຖານທູດຫວຽດນາມປະຈຳລາວ, ບັນດາອົງການຕາງໜ້າຂອງຫວຽດນາມປະຈຳລາວ ກໍຄືເອກອັກຄະລັດຖະທູດຫວຽດນາມຄົນໃໝ່.

ຈາກນັ້ນ, ສະຫາຍ ນາງ ປານີ ຢາທໍ່ຕູ້ ກໍໄດ້ກ່າວຍ້ອງຍໍຊົມເຊີຍຕໍ່ຜົນງານທີ່ຍາດມາໄດ້ພ້ອມກ່າວສະແດງຄວາມຂອບໃຈນຳສະຫາຍເຊິ່ງຕະຫລອດໄລຍະ 4 ປີຜ່ານມາ ກໍໄດ້ປະຕິບັດໜ້າທີ່ຢ່າງດີເລີດ ປະກອບສ່ວນເຂົ້າໃນການເສີມຂະຫຍາຍສາຍພົວພັນມິດຕະພາບ, ຄວາມສາມັກຄີພິເສດລະຫວ່າງສອງພັກ ສອງລັດແລະປະຊາຊົນສອງຊາດລາວ-ຫວຽດນາມເຊິ່ງໃນໄລຍະທີ່ສະຫາຍປະຕິບັດໜ້າທີ່ຢູ່ ສປປລາວກໍມີຫລາຍວຽກງານທີ່ພົ້ນເດັ່ນເປັນຕົ້ນ ຄະນະຜູ້ແທນລາວແລະຫວຽດນາມໄປມາຫາສູ່ກັນຫລາຍຄະນະໃນເວລາທີ່ສະຫາຍເປັນເອກອັກຄະລັດຖະທູດເວົ້າໄດ້ວ່າສະຫາຍເປັນຂົວຕໍ່ທີ່ສຳຄັນ ກະຕຸກຊຸກຍູ້ບໍ່ວ່າການນຳຂັ້ນສູງ ຈົນຮອດທ້ອງຖິ່ນແຕ່ລະຂັ້ນແມ່ນໄປມາຫາສູ່ເຮັດໃຫ້ 2 ປະເທດພວກເຮົາມີຄວາມໃກ້ຊິດຕິດກັນ, ມີຄວາມເຂົ້າໃຈກັນ ມີການບິແບ່ງບັນດາຜົນສຳເລັດແລະແລກປ່ຽນບັນຫາສິ່ງທ້າທາຍກົນໄກເສດຖະກິດຕະຫລາດໃນເງື່ອນໄຂເຊື່ອມໂຍງສາກົນເພື່ອເພີ່ມພູນຄູນສ້າງແລະສືບຕໍ່ມູນເຊື້ອອັນດີງາມ; ບັນຫາທີ່ພົ້ນເດັ່ນກໍແມ່ນການຮ່ວມມືທາງດ້ານເສດຖະກິດ, ມູນຄ່າການລົງທຶນຂອງສອງປະເທດ ອັນນີ້ກໍແມ່ນຜົນງານອັນໜຶ່ງທີ່ສະຫາຍ​​ໄດ້ປະກອບສ່ວນຊ່ວຍ.

(ກົງທະນູຄຳ ພິພັດເສລີ)

 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: