ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ເຊື່ອມຊຶມກົດລະບຽບພັກ ແລະມອບບັດສະມາຊິກພັກສົມບູນ

(ສພຊ) ຕອນເຊົ້າວັນ ອັງຄານທີ 16 ສິງຫາ 2016 ທີ່ສະພາແຫ່ງຊາດ ໄດ້ຈັດ ກອງປະຊຸມເຊື່ອມຊຶມ ກົດລະບຽບພັກ ປະຊາຊົນປະຕິວັດລາວ ສະໄໝທີ X ແລະພິທີມອບບັດສະມາຊິກພັກສົມບຸນ ຊຸດທີ III ໂດຍການເປັນປະທານ ຂອງສະຫາຍ ສົມພູ ດວງສະຫວັນ ຮັກສາການເລຂາຄະນະພັກ ສະພາແຫ່ງ ຊາດ, ປະທານກຳມາທິການວັດທະນະທຳ-ສັງຄົມ;

ມີສະມາຊິກພັກສຳຮອງຂຶ້ນໄປ ພາຍໃນສະພາແຫ່ງຊາດ ເຂົ້າຮ່ວມເກືອບ ຮ້ອຍສະຫາຍ.

ທັງນີ້ ກໍເພື່ອເຮັດໃຫ້ກົດລະບຽບຂອງພັກ ສະໄໝທີ X ໄດ້ຮັບການຜັນຂະຫຍາຍເຂົ້າໃນວຽກງານຈັດຕັ້ງ ກໍ່ສ້າງພັກໃຫ້ມີ ຄວາມເຂັ້ມແຂງ ແລະສັກສິດໃນທົ່ວພັກ; ເຮັດໃຫ້ສະມາຊກພັກພາຍໃນ ສະພາແຫ່ງຊາດມີຄວາມຈົງຮັກພັກດີ ຕະ ຫຼອດມາ, ຜູ້ມີມາດຕະຖານຖືກຕ້ອງ ໄດ້ຮັບບັດສະມາຊິກປະຈຳຕົວ ແນໃສ່ ເຮັດໃຫ້ສະມາຊິກພັກແຕ່ລະສະຫາຍ ຕັ້ງໜ້າແຂ່ງຂັນເຝິກຝົນຫຼໍ່ຫຼອມຕົນເອງ ໃຫ້ໄດ້ຕາມມາດຕະຖານທີ່ກຳນົດໄວ້, ຮັບປະກັນເຮັດໃຫ້ພາຍໃນພັກ ມີ ຄວາມປອດໃສ, ເຂັ້ມແຂງ ແລະໜັກແໜ້ນ; ທັງເປັນການຄຸ້ມຄອງ ແລະປ້ອງກັນສະມາຊິກພັກພາຍໃນ ສະພາແຫ່ງ ຊາດ ໃຫ້ເປັນລະບົບ, ສາມາດຕິດຕາມກວດກາດ້ານຈຳນວນ ແລະຄຸນນະພາບສະມາຊິກພັກໄດ້ຢ່າງຮັດກຸມ, ຄຸ້ມຄອງ ການຈັດຕັ້ງພັກ, ສະກັດກັ້ນບໍ່ໃຫ້ກຸ່ມຄົນບໍ່ດີ ສວຍໂອກາດປອມແປງ, ເລັດລອດເຂົ້າໃນຖັນແຖວ ສະມາຊິກພັກ ແລະອົງການນຳພາຂອງພັກ.

ຜູ້ເຂົ້າຮ່ວມກອງປະຊຸມຄັ້ງນີ້ ໄດ້ຮັບຟັງກົດລະບຽບພັກ ປະຊາຊົນປະຕິວັດລາວ ສະໄໝທີ X ໂດຍການເຜີຍແຜ່ ບັນ ລະຍາຍ ຂອງສະຫາຍສົມພູ ດວງສະຫວັນ, ຫຼັງຈາກນັ້ນ ກໍໄດ້ຜ່ານມະຕິຕົກລົງຂອງຄະນະພັກສະພາແຫ່ງຊາດ ວ່າ ດ້ວຍການຮັບຮອງການອອກບັດ ສະມາຊິກພັກສົມບູນ ຊຸດທີ III ໃຫ້ກັບສະມາຊິກພັກສົມບູນ ຈຳນວນ 22 ສະຫາຍ ຍິງ 9 ສະຫາຍ.

ໃນຕອນບ່າຍຂອງວັນດຽວກັນ, ໄດ້ມີການທາບທາມບຸກຄະນະລາກອນຮອບທີ I ອອກສະໝັກຮັບເລືອກຕັ້ງ ເປັນຄະນະ ພັກສະພາແຫ່ງຊາດ; ໂດຍສະຫາຍ ວັນໄຊ ທອງສະຫວັນ ຮອງຫົວໜ້າຄະນະຈັດຕັ້ງສູນກາງພັກ ໄດ້ຂຶ້ນຜ່ານລະບຽບ ແລະມາດຕະຖານຂອງບຸກຄະລາກອນທີ່ຈະອອກສະໝັກ ໃນຄັ້ງນີ້, ຫຼັງຈາກນັ້ນ, ກໍໄດ້ດຳເນີນການປ່ອນບັດເລືອກຕັ້ງ ເຊິ່ງມີບຸກຄະລາກອນທັງໝົດ 43 ສະຫາຍ ເລືອກເອົາ 15 ສະຫາຍ.

ຕອນເຊົ້າຂອງວັນທີ 17 ສິງຫາ, ໜ່ວຍພັກບໍລິຫານ-ການເງິນ ໄດ້ຈັດກອງປະຊຸມໃຫຍ່ ຄັ້ງທີ II ໂດຍການເຂົ້າຮ່ວມ ຂອງສະຫາຍ ສົມພູ ດວງສະຫວັນ ພ້ອມດ້ວຍຜູ້ຕາງໜ້າ ຈາກຫ້ອງການຊ່ວຍວຽກ ຄະນະພັກສະພາແຫ່ງຊາດ, ສະມາຊິກພັກພາຍໃນໜ່ວຍ ແລະໜ່ວຍອ້ອມຂ້າງ  ຕະຫຼອດຮອດອົງການຈັດຕັ້ງມະຫາຊົນ.

ກອງປະຊຸມໄດ້ຄົ້ນຄວ້າຕົກລົງບັນຫາສຳຄັນ ແລະຮັບຮອງເອົາບົດລາຍງານການເມືອງ, ທິດທາງແຜນການ ແລະຄາດ ໝາຍສູ້ຊົນແຕ່ລະດ້ານ; ວຽກງານການກໍ່ສ້າງພັກ, ພະນັກງານ ແລະບົດສະຫຼວດການນຳພາລວມ ຂອງຄະນະພັກ ຊຸດເກົ່າ, ໃນັ້ນ ໄດ້ຕີລາຄາດ້ານດີ, ດ້ານອ່ອນ, ຂໍ້ຄົງຄ້າງ, ສາເຫດ, ບົດຮຽນໃນການຊີ້ນຳ-ນຳພາ ແລະການຈັດຕັ້ງ ປະຕິ ບັດມະຕິ ກອງປະຊຸມໃຫຍ່ໃນ 5 ປີຜ່ານມາ. ພ້ອມນີ້ ກອງປະຊຸມໄດ້ເປັນເອກະສັນຮັບຮອງ ເອົາທິດທາງ, ແຜນການ 5 ປີ ນັບແຕ່ປີ 2016-2020.

ຜູ້ແທນກອງປະຊຸມໄດ້ພ້ອມກັນໃຊ້ສິດ ປະຊາທິປະໄຕຂອງຕົນ ປ່ອນບັດເລືອກຕັ້ງເອົາຄະນະໜ່ວຍພັກຊຸດໃໝ່ ບົນພື້ນ ຖານຫຼັກການລວມສູນ ປະຊາທິປະໄຕ ທັງສອດຄ່ອງ ກັບມາດຕະຖານເງື່ນໄຂ ທີ່ກຳນົດໄວ້; ເຊິ່ງມີຜູ້ອອກຮັບ ສະໝັກເລືອກຕັ້ງ 4 ສະຫາຍ ຍິງ 2 ສະຫາຍ ແລະເລືອກໄດ້ 3 ສະຫາຍ ຍິງ 1 ສະຫາຍຄື: ສະຫາຍ ນາງ ບຸນຂໍາ ເຫງົ້າພະສິຣິ ຮອງເລຂາທິການ ສະພາແຫ່ງຊາດເປັນເລຂາ, ສະຫາຍ ລັດສະໝີ ຄອນສະຫວັນ ຮອງຫົວໜ້າກົມ ບໍລິຫານ-ພິທີການ ເປັນຮອງເລຂາ ແລະສະຫາຍ ຂັນທອງ ເພັງລາສີ ຫົວໜ້າພະແນກຄຸ້ມຄອງພາຫະນະ ເປັນກໍາມະການ ທັງເປັນປະທານກວດກາ.

ກອງປະຊຸມໄດ້ຮັບຟັງການໂອ້ລົມ ຂອງສະຫາຍຮັກສາການເລຂາ ຄະນະພັກສະພາແຫ່ງຊາດ ເຊິ່ງໄດ້ສະແດງຄວາມຍ້ອງຍໍຊົມເຊີຍ ຕໍ່ການຊີ້ນຳ-ນຳພາຂອງຄະນະໜ່ວຍພັກຊຸດເກົ່າ ທີ່ໄດ້ຊີ້ນຳ-ນຳພາສະມາຊິກພັກ-ພະນັກງານ ປະຕິບັດໜ້າທີ່ຂອງຕົນ ຍາດໄດ້ຜົນສຳເລັດຫຼາຍດ້ານ, ພ້ອມກັນນັ້ນ ຍັງໄດ້ສະແດງຄວາມເປັນຫ່ວງເປັນໃຍຕໍ່ດ້ານອ່ອນ ແລະຂໍ້ຄົງຄ້າງ ໂດຍໄດ້ຮຽກຮ້ອງໃຫ້ຄະນະພັກຊຸດໃໝ່ ສືບຕໍ່ປັບປຸງແກ້ໄຂ; ຈາກນັ້ນ ສະຫາຍໃຫ້ທິດຊີ້ນຳວຽກງານແຕ່ລະດ້ານ ໃນທາງທີ່ສ້າງສັນ ຕໍ່ຄະນະໜ່ວຍພັກຊຸດໃໝ່ ທີ່ສືບຕໍ່ຊີ້ນຳ-ນຳພາຈັດຕັ້ງປະຕິບັດ ມະຕິກອງປະຊຸມໃຫຍ່ຂອງໜ່ວຍພັກ ບໍລິຫານ-ການເງິນ ໃຫ້ຍາດໄດ້ຜົນງານ ແລະມີຜົນສຳເລັດຍິງໃຫຍ່ກວ່າເກົ່າ.

(ທຸ່ງໄຊ ວິໄລພອນ)

 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: