ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ປະທານສະພາພົບປະຢ້ຽມຢາມ ປະຊາຊົນເມືອງຊຽງເງິນ

(ສພຊ) ວັນທີ 10 ສິງຫາ ຜ່ານມາ, ທ່ານ ນາງ ປານີ ຢາທໍ່ຕູ້ ກຳມະການ ກົມການເມືອງສູນກາງພັກ, ປະທານສະພາແຫ່ງຊາດ ພ້ອມດ້ວຍສະມາຊິກ ສະພາແຫ່ງຊາດ ແລະສະພາປະຊາຊົນ ແຂວງຫຼວງພະບາງ ໄດ້ລົງຢ້ຽມຢາມ ແລະເຜີຍແຜ່ຜົນສຳເລັດ ກອງປະຊຸມຄັ້ງປະຖົມມະລືກ ຂອງສະພາແຫ່ງ ຊາດຊຸດທີ VIII ແລະຂອງສະພາປະຊາຊົນ ແຂວງຫຼວງພະບາງ ຊຸດທີ I ຢູ່ ເມືອງຊຽງເງິນ

ເຊິ່ງໄດ້ຈັດຂຶ້ນທີ່ສະໂມສອນ ບ້ານສາມັກຄີໄຊ, ໂດຍມີທ່ານ ເພັງ ຄຳມະວົງ ຮອງເລຂາພັກເມືອງ, ຮອງເຈົ້າເມືອງໆດັ່ງກ່າວ ພ້ອມຄະນະນຳເມືອງ, ອຳນາດການປົກຄອງ ບ້ານ ແລະປະຊາຊົນ 3 ບ້ານຄື: ປາກແວດ, ດອນໂມ ແລະສາມັກຄີໄຊ ເຂົ້າຮ່ວມຮັບຟັງ 1000 ກວ່າຄົນ.

ໂອກາດດັ່ງກ່າວ, ທ່ານ ເພັງ ຄຳມະວົງ ໄດ້ລາຍງານສະພາບ ໄພພິບັດທຳມະຊາດທີ່ເກີດຂຶ້ນ ຢູ່ເຂດລ້ອງຂັນ ເມືອວັນທີ 8 ສິງຫາ ຜ່ານມາ; ພ້ອມທັງຮັບຟັງສະພາບການພັດທະນາ ກໍຄືການດຳລົງຊີວິດ ຂອງປະຊາຊົນ ບ້ານສາມັກຄີໄຊ ເຊິ່ງ ເປັນບ້ານຈັດສັນໃໝ່ທີ່ຖືກຜົນກະທົບ ຈາກໂຄງການກໍ່ສ້າງເຂື່ອນໄຟຟ້ານ້ຳຄານ 3; ລາຍງານໂດຍທ່ານ ພູເງິນ ອຸດສະ ຫະ ກຳມະການພັກເມືອງ, ເລຂາພັກຮາກຖານ-ນາຍບ້ານໆດັ່ງກ່າວ. ນອກນີ້ ຍັງໄດ້ຮັບຟັງຄຳສະເໜີຂອງ ຜູ້ມີສິດ ເລືອກຕັ້ງ ຈຳນວນໜຶ່ງ. ຈາກນັ້ນ, ບັນດາທ່ານ ສະມາຊິກສະພາແຫ່ງຊາດ ແລະສະມາຊິກສະພາປະຊາຊົນແຂວງ ກໍໄດ້ເຜີຍແຜ່ຜົນສຳເລັດ 2 ກອງປະຊຸມດັ່ງກ່າວ.

ທ່ານ ນາງ ປານີ ຢາທໍ່ຕູ້ ໄດ້ໂອ້ລົມເນັ້ນຕື່ມວ່າ: ສະພາແຫ່ງຊາດຊດທີ VIII ແລະລັດຖະບານຊຸດໃໝ່ນີ້  ໄດ້ມີຄວາມ ຕັດສິນໃຈສູງໃນການແກ້ໄຂປາກົດການຫຍໍ້ທໍ້ຜ່ານມາ ຢ້າງເຂັ້ມງວດ ເປັນຕົ້ນແມ່ນການປະຕິບັດກົດໝາຍປ່າໄມ້; ດັ່ງນັ້ນ, ຈຶ່ງຮຽກຮ້ອງໃຫ້ພໍ່ແມ່ປະຊາຊົນບັນດາເຜົ່າຈົ່ງໃຫ້ການຮ່ວມມື ກັບລັດຖະບານ ດ້ວຍການເປັນຫູເປັນຕາຊ່ວຍ ລັດ, ເປັນເຈົ້າການຕິດຕາມການລັກລອບ ຕັດໄມ້ທຳລາຍປ່າ, ການຂຸດຄົ້ນໄມ້, ຊື້ຂາຍໄມ້ແບບຜິດກົດໝາຍ, ເມື່ອພົບ ເຫັນປາກົດການຫຍໍ້ທໍ້ດັ່ງກ່າວ ຕ້ອງລາຍງານໃຫ້ອຳນາດການປົກຄອງຊາບ ຢ່າງທັນການ.

(ເຫຼັກໄຊຄົດ ໄຊໂຍ)

 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: