ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ສະມາຊິກສະພາແຫ່ງຊາດ ພົບປະ 2 ກຳລັງປະກອບອາວຸດ ແຂວງ ສະຫວັນນະເຂດ

(ສພຊ) ທ່ານ ແສງນວນ ໄຊຍະລາດ ເລຂາທິການສູນກາງພັກ, ຮອງປະທານ ສະພາແຫ່ງຊາດ ພ້ອມດ້ວຍສະມາຊິກສະພາແຫ່ງຊາດ ແລະສະມາຊິກ ສະ ພາປະຊາຊົນ ແຂວງສະຫວັນນະເຂດ ໄດ້ສືບຕໍ່ເຜີຍແຜ່ຜົນສຳເລັດ ກອງປະ ຊຸມຄັ້ງປະຖົມມະລືກຂອງສະພາແຫ່ງຊາດ ຊຸດທີ VIII ແລະຂອງສະພາປະຊາ ຊົນແຂວງສະຫວັນນະເຂດ ຊຸດທີ I,

ໃຫ້ຄະນະພັກ, ຄະນະບັນຊາການ, ນາຍ ແລະພົນທະຫານ-ຕໍາຫຼວດ ຂອງ ກອງບັນຊາການທະຫານ ແລະກອງບັນຊາປ້ອງກັນຄວາມສະຫງົບແຂວງ ໃນຕອນເຊົ້າ ວັນພະຫັດທີ 4 ສິງຫາ 2016 ທີ່ສະໂມສອນຫ້ອງວ່າການແຂວງ.

ໃນການເຜີຍແຜ່ຄັ້ງນີ້, ໄດ້ຮັບຟັງການຈັດຕັ້ງປະຕິບັດ ວຽກງານປ້ອງກັນຊາດ ປະຈຳ 6 ເດືອນຕົ້ນປີ ແລະທິດທາງແຜນ ການ 6 ເດືອນທ້າຍປີ 2016 ເຊິ່ງລາຍງານໂດຍ ພັອ. ຈະເລີນ ວົງວິໄຊ ຫົວໜ້າການເມືອງ ກອງບັນຊາການ ທະຫານແຂວງ ໂດຍໄດ້ຍົກໃຫ້ເຫນການເຄື່ອນໄຫວວຽກງານ ໃນໄລຍະຜ່ານມາ ແລະທິດທາງໃນຕໍ່ໜ້າ ເຊິ່ງໄດ້ສຸມໃສ່ ຈັດຕັ້ງຜັນຂະຫຍາຍ ມະຕິກອງປະຊຸມໃຫຍ່ຄັ້ງທີ X ຂອງພັກ, ມະຕິກອງປະຊຸມໃຫຍ່ຄັ້ງທີ IV ຂອງອົງຄະນະພັກ ກະ ຊວງປ້ອງກັນປະເທດ, ມະຕິກອງປະຊຸມໃຫຍ່ຄັ້ງທີ VIII ຂອງອົງຄະນະພັກແຂວງ ແລະມະຕິກອງປະຊຸມໃຫຍ່ຄັ້ງທີ IV ຂອງອົງຄະນະພັກ ກອງບັນຊາການທະຫານແຂວງ ໂດຍໄດ້ສຸມໃສ່ 4 ແຜນງານໃຫຍ່ 16 ໂຄງການຂອງຄະນະພັກ ກະຊວງປ້ອງກັນປະເທດວາງອອກ; ຫຼັງຈາກນັ້ນ, ບັນດາທ່ານ ສະມາຊິກສະພາແຫ່ງຊາດ ແລະສະມາຊິກສະພາປະຊາ ຊົນແຂວງ ກໍໄດ້ຜັດປ່ຽນກັນເຜີຍແຜ່ເນື້ອໃນກອງປະຊຸມ ໂດຍເລີ່ມຈາກທ່ານ ແສງນວນ ໄຊຍະລາດ ແລະທ່ານ ອື່ນໆ ຕາມລຳດັບ, ພ້ອມນັ້ນ ກໍໄດ້ຮັບຟັງຄຳສະເໜີຈາກຜູ້ເຂົ້າຮ່ວມ ເປັນຕົ້ນກ່ຽວກັບບັນຫາ ແຜນພັດທະນາ ເສດຖະກິດ -ສັງຄົມ (ການທຳມາຫາກິນຂອງປະຊາຊົນ ມີຄວາມຫຍຸ້ງຍາກ), ງົບປະມານນຳໃຊ້ເຂົ້າໃນວຽກງານ ປກຊ-ປກສ, ບັນ ຫາລົດນຳເຂົ້າທີ່ບໍ່ຖືກກົດໝາຍ, ເສັ້ນທາງການສັນຈອນ ຈາກເມືອງສູ່ແຂວງ ມີຄວາມຫຍຸ້ງຍາກ (ເປັນຕົ້ນເສັ້ນ ທາງເລກ 10 ເພາະເປັນເຂດພັດທະນາເສດຖະກິດ ທາງດ້ານກະສິກຳ) ແລະບັນຫາອື່ນໆ; ບັນດາທ່ານ ສະມາຊິກສະພາ ກໍໄດ້ອະທິບາຍຊີ້ແຈງຕໍ່ບາງບັນຫາ ກໍຈະນຳສະເໜີຕໍ່ພາກສ່ວນທີ່ກ່ຽວຂ້ອງ ເພື່ອພິຈາລະນາແກ້ໄຂ ໃຫ້ທ່ວງທັນ.

ໃນຕອນທ້າຍ, ທ່ານ ແສງນວນ ໄຊຍະລາດ ໄດ້ມີຄຳເຫັນໂອ້ລົມຕໍ່ບັນດານາຍ ແລະພົນທະຫານຕຳຫຼວດ ວ່າ: ຈະສືບຕໍ່ ປະຕິບັດພາລະບົດບາດ ສິດ ແລະໜ້າທີ່ ຂອງສະມາຊິກສະພາແຫ່ງຊາດ ຕາມກົດໝາຍວ່າດ້ວຍ ສະມາຊິກສະພາ ແຫ່ງຊາດ ແລະສະມາຊິກສະພາປະຊາຊົນແຂວງ ພ້ອມທັງຮຽກຮ້ອງໃຫ້ສອງກຳລັງ ທີ່ເປັນແກ່ນສານຂອງກຳລັງປະ ຕິວັດ ສືບຕໍ່ຈັດຕັ້ງປະຕິບັດ ວຽກງານປ້ອງກັນຊາດ-ປ້ອງກັນຄວາມສະຫງົບ, ເອົາໃຈໃສ່ປະຕິບັດກົດໝາຍບ້ານເມືອງ ຢ່າງເຄັ່ງຄັດ, ຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ X ຂອງພັກ ພິເສດແມ່ນປະຕິບັດຄຳສັ່ງ ເລກທີ 15 ຂອງນາຍົກລັດຖະມົນຕີ ວ່າດ້ວຍການເພີ່ມທະວີຄວາມເຂັ້ມງວດ ແລະກວດກາການຂຸດຄົ້ນໄມ້ ແລະທຸລິກິດໄມ້ ເຊິ່ງ ທ່ານໄດ້ເນັ້ນໃຫ້ຕ້ອງໄດ້ປະຕິບັດຢ່າງເຂັ້ມງວດແທ້ໆ.

ຕາມແຜນການເຄື່ອນໄຫວ ຂອງທ່ານຮອງປະທານສະພາແຫ່ງຊາດ, ຄາດວ່າລະຫວ່າງວັນທີ 8-12 ສິງຫານີ້ ຈະສືບຕໍ່ ເຮັດວຽກຢູ່ແຂວງໄສົມບູນ.

(ສົມນຶກ ແກ້ວໄຊຍະຈັກ)

 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: