ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ຄະນະປະຈຳ ພິຈາລະນາຫຼາຍບັນຫາ

(ສພຊ) ກອງປະຊຸມຄະນະປະຈຳສະພາແຫ່ງຊາດ ປະຈຳເດືອນກໍລະກົດ ໄດ້ ຮັບຟັງລາຍງານກ່ຽວກັບ ການສັງລວມແຜນການຕິດຕາມກວດກາ ຂອງ ກຳມາທິການຕ່າງໆ, ການປັບປຸງຮ່າງລັດຖະບັນຍັດ ຂອງປະທານປະເທດ ວ່າດ້ວຍພົນລະເມືອງກິດຕິມະສັກ; ຄວາມຄືບໜ້າຂອງການກະກຽມ ຮ່າງ ກົດໝາຍ ຈຳນວນ 14 ສະບັບ ທີ່ຈະນຳເຂົ້າພິຈາລະນາຢູ່ ກອງປະຊຸມສະ ໄໝສາມັນເທື່ອທີ 1 ຂອງສະພາແຫ່ງຊາດຊຸດທີ VIII;

​ແຜນການ​ສ້າງ ​ແລະ​ປັບປຸງ​ກົດໝາຍ ປະຈຳ​ປີ 2017; ຜົນ​ການ​ຕິດຕາມ​ກວດກາ​ຂົງ​ເຂດ​ເສດຖະກິດ, ​ເຕັກ​ໂນ​ໂລ​ຊີ ​ແລະ​ສິ່ງ​ແວດ​ລ້ອມ; ການ​ກະກຽມ​ກ​ອງປະຊຸມ​ສາກົນ ​ແລະ​ການ​ແຕ່ງ​ຕັ້ງ​ຄະນະ​ມິດຕະພາບ ສະມາຊິກ​ລັດຖະສະພາ ລະຫວ່າງ ສະພາ​ແຫ່ງ​ຊາດ ​ແ​ຫ່ງ ສປປລາວ ກັບ​ລັດຖະສະພາ​ຕ່າງປະ​ເທດ.

ກອງ​ປະຊຸມ​ຍັງ​ໄດ້​ພິຈາລະນາ​ວຽກ​ງານ​ກົງຈັກ​ການຈັດ​ຕັ້ງ​ງ ​ແລະ​ບຸກຄະລາ​ກອນ​ພາຍ​ໃນ ສະພາ​ແຫ່ງ​ຊາດ; ບົດ​ລາຍ​ງານ​ຂອງ​ປະທານ​ສານ ປະຊາຊົນ​ສູງ​ສຸດ ກ່ຽວ​ກັບ​ພຶດຕິ​ກຳ ຂອງ​ລັດຖະກອນ​ຕຸລາການ ຂອງ​ສານ​ປະຊາຊົນ​ເຂດ 1 ​ແຂວງ​ໄຊ​ຍະ​ບູລີ; ໜັງສື​ສະ​ເໜີ​ຂອງ​ປະທານ​ສານ​ປະຊາຊົນ​ສູງ​ສຸດ ກ່ຽວ​ກັບ​ການ​ແຕ່ງ​ຕັ້ງ, ຍົກຍ້າຍ​ປະທານ​ສານ​ປະຊາຊົນ​ທ້ອງ​ຖິ່ນ ​ແລະ​ຫົວໜ້າ​ກົມ​ຈັດ​ຕັ້ງ-ພະນັກງານ​ສານ​ປະຊາຊົນ​ສູງ​ສຸດ; ບົດ​ລາຍ​ງານ​ການ​ສ້າງ​ແຜນ​ງົບ​ປະມານ ປະຈຳ​ປີ 2017; ​ແລະ​ຮ່າງ​ມະຕິ​ຄະນະ​ປະຈຳ​ສະພາ​ແຫ່ງ​ຊາດ ວ່າ​ດ້ວຍ​ການ​ຄຸ້ມ​ຄອງ ພະນັກງານ​ຜ່ານ​ປະຕູ​ດຽວ, ລະບຽບ​ການ ບໍລິການ​ເອກະສານ​ຜ່ານ​ປະຕູ​ດຽວ, ​ແລະ​ລະບຽບ​ການ​ຄຸ້ມ​ຄອງ​ການ​ນຳ​ໃຊ້​ທຶນ​ຊ່ວຍ​ເຫຼືອ​ລ້າ.

ກອງ​ປະຊຸມ​ຄັ້ງ​ນີ້ ​ໄດ້​ຈັດ​ຂຶ້ນ​ລະຫວ່າງ​ວັນ​ທີ 1-3 ສິງຫາ 2016 ທີ່​ຫ້ອງ​ປະຊຸມ​ຄະນະ​ປະຈຳ ສະພາ​ແຫ່ງ​ຊາດ ພາຍ​ໃຕ້​ການ​ເປັນ​ປະທານ​ຂອງ​ທ່ານ ນາງ ປານີ ຢາ​ທໍ່​ຕູ້ ປະທານ​ຄະນະ​ປະຈຳ, ມີ​ບັນດາ​ທ່ານ ຮອງ​ປະທານ ​ແລະ​ກຳມະການ​ຄະນະ​ປະຈຳ ພ້ອມ​ດ້ວຍ​ພາກສ່ວນ​ກ່ຽວຂ້ອງ​ເຂົ້າ​ຮ່ວມ.

​ໃນ​ຕອນ​ເຊົ້າ​ຂອງ​ວັນ​ທີ 1 ສິງຫາ ທີ່​ຫ້ອງ​ປະຊຸມ​ສຳນັກງານ​ປົກຄອງ​ນະຄອນຫຼວງ ​ໄດ້​ຈັດ​ກອງ​ປະຊຸມ​ຄະນະ​ປະຈຳ​ສະພາ​ປະຊາຊົນ ນະຄອນຫຼວງ​ວຽງ​ຈັນ ຊຸດ​ທີ I ປະຈຳ​ເດືອນ​ກໍ​ລະ​ກົດ ພາຍ​ໃຕ້​ການ​ເປັນ​ປະທານ​ຂອງ​ທ່ານ ອານຸພາບ ຕຸ​ນາ​ລົມ ປະທານ​ຄະນະ​ປະຈຳ​ສະພາ​ປະຊາຊົນ ນະຄອນຫຼວງ.

ກອງ​ປະຊຸມ​ໄດ້​ສຸມ​ໃສ່​ພິຈາລະນາ ​ແຜນການ​ມອບ​ການ​ຍ້ອງຍໍ ​ແກ່​ຜູ້​ມີ​ຜົນງານ​ດີ​ເດັ່ນ ​ໃນ​ບັ້ນ​ເລືອກ​ຕັ້ງ ສະມາຊິກ​ສະພາ​ແຫ່ງ​ຊາດ ຊຸດ​ທີ VIII​ ແລະ​ສະພາ​ສະພາ​ປະຊາຊົນ ນະຄອນຫຼວງວຽງ​ຈັນ ຊຸດ​ທີ I, ການ​ສັບຊ້ອນພະນັກງານ​ເຂົ້າ​ແຕ່ລະ​ຂະ​ແໜງ​ຊ່ວຍ​ວຽກ, ພິຈາລະນາ ​ແລະ​ຮັບຮອງ​ເອົາ​ແຜນການ​ເຄື່ອນ​ໄຫວ ປະຈຳ​ເດືອນ​ສິງຫາ ​ແລະ​ແຜນ​ງົບປະມານ ປະຈຳ​ປີ 2017 ຂອງ ​ສະພາ​ປະຊາຊົນ ນະຄອນຫຼວງວຽງ​ຈັນ ນອກຈາກ​ນັ້ນ, ກໍ​ໄດ້​ພິຈາລະນາ ​ແລະ​ຮັບຮອງ​ເອົາ ການ​ປັບປຸງ​ຮ່າງ​ຂໍ້​ຕົກລົງ ຂອງ​ເຈົ້າ​ຄອງ​ນະຄອນຫຼຫຼວງ​ວຽງ​ຈັນ ວ່າ​ດ້ວຍ​ການ​ຄຸ້ມ​ຄອງ ​ແລະ​ພັດທະນາ​ເຂດ​ແຄມ​ຂອງ ບໍລິ​ເວນ​ຫາດ​ດອນ​ຈັນ ​ແລະ​ບັນຫາ​ສຳຄັນ​ອີກ​ຈຳນວນ​ໜຶ່ງ.

(ນາງ ສຸພາ​ວັນ ຫອມ​ສະ​ນິດ)

 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: