ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

2 ກຳມາທິການຕິດຕາມກວດກາ ຢູ່ຫຼວງນໍ້າທາ

(ສພຊ) ກຳມາ​ທິການ​ແຜນການ, ການ​ເງິນ ​ແລະ​ການກວດ​ສອບ ​ແລະ​ກຳມາ​ທິການວັດທະນະທຳ-ສັງຄົມ ​ເຄື່ອນ​ໄຫວ​ຕິດຕາມ​ກວດກາ ກ່ຽວ​ກັບ​ການຈັດ​ຕັ້ງ​ປະຕິບັດ​ມະຕິ ກອງ​ປະຊຸມ​ສະພາ​ແຫ່ງ​ຊາດ ​ໂດຍ​ຮ່ວມ​ກັບ​ສະພາ​ປະຊາຊົນ​ແຂວງ​ຫຼວງ​ນໍ້າ​ທາ ຈັດ​ກອງ​ປະ​ຊຸມ​ຕິດຕາມ​ກວດກາ​ຂອງ 2 ກຳມາ​ທິການ​ດັ່ງກ່າວ ​ເມື່ອ​ທ້າຍ​ເດືອນ​ຜ່ານ​ມາ ​ເຊິ່ງຈັດ​ຂຶ້ນ​ທີ່​ຫ້ອງ​ປະຊຸມ​ຂອງ ​ສະພາ​ປະຊາຊົນ​ແຂວງ​ຫຼວງ​ນ້ຳ​ທາ

ພ້ອມ​ດ້ວຍ​ຫົວໜ້າ ​ແລະ​ຮອງ​ຫົວໜ້າ​ບັນດາ​ພະ​ແນ​ກການ​ທີ່​ກ່ຽວຂ້ອງ ຂອງ​ແຂວງ ​ແລະ​ພະນັກງານ​ຈຳນວນ​ໜຶ່ງ ​ເຂົ້າ​ຮ່ວມ​ທັງ​ໝັດ 30 ຄົນ ຍິງ 5 ຄົນ.

​ໃນ​ກອງ​ປະຊຸມ, ບັນດາ​ຫົວໜ້າ ​ແລະ​ຮອງ​ຫົວໜ້າ​ພະ​ແນ​ກການ​ທີ່​ກ່ຽວຂ້ອງ ​ໄດ້​ລາຍ​ງານ​ສະພາ​ການຈັດ​ຕັ້ງ ປະຕິບັດ​ງົບ​ປະມານ​ສົກ​ປີ 2016, ການຈັດ​ຕັ້ງ​ປະຕິບັດ​ລາຍ​ຮັບ-ລາຍ​ຈ່າຍ​ຂອງ​ແຂວງ ​ແລະ​ພະ​ແນ​ກການ​ຂອງ​ຕົນ, ການຈັດ​ຕັ້ງ​ປະຕິບັດ​ກົດໝາຍ ​ແລະ​ນິຕິ​ກຳ​ລຸ່ມ​ກົດໝາຍ, ການ​ກໍ່ສ້າງ​ພື້ນ​ຖານ​ໂຄງ​ລ່າງ ​ແລະ​ຈຸດ​ສຸມ​ການ​ແກ້​ໄຂ​ຄວາມທຸກ​ຍາກ, ພື້ນຖານ​ໂຄງ​ລ່າງ​ເຂດ​ຊາຍ​​ແດນ, ການ​ກະກຽມ​ແຜນ​ພັດທະນາ​ເສດຖະກິດ-ສັງຄົມ ​ແລະ​ແຜນ​ງົບປະມານ​ຂອງ​ແຂວງ ປີ 2017; ຈາກ​ນັ້ນ, ກໍ​ໄດ້​ມີ​ການສະ​ເໜີ ​ແລະ​ປຶກສາ​ຫາລື​ກັນ​ຢ່າງ​ກົງ​ໄປ​ກົງ​ມາ ​ເພື່ອ​ເຮັດ​ໃຫ້​ແນວທາງ​ໃນ​ການຈັ​ດຕັ້ງ​ປະຕິບັດ ​ແລະ​ແກ້​ໄຂ​ໃຫ້​ຖືກຕ້ອງ​ສອດຄ່ອງ​ຕາມ​ລະບຽບ​ກົດໝາຍ ​ແລະ​ສະພາບ​ຄວາມ​ເປັນ​ຈິງ​ຂອງ​ແຂວງ.

ທ່ານ ທັນຕາ ກອງ​ຜາ​ລີ ​ໄດ້​ມີ​ຄຳ​ເຫັນ​ຕໍ່​ກອງ​ປະຊຸມ ​ໂດຍ​ໄດ້​ເນັ້ນ​ໜັກ​ໃຫ້​ແຕ່​ລະ​ພະ​ແນ​ກການ​ທີ່​ກ່ຽວຂ້ອງ ຈົ່ງ​ພ້ອມ​ກັນ​ຈັດ​ຕັ້ງ ປະຕິບັດ​ຊີ້​ນຳ-ນຳພາ​ວຽກ​ງານ​ໃນ​ຂະ​ແໜງ​ຕົນ​ໃຫ້​ສຳ​ເລັດ​ຜົນ, ຕຸ້ມ​ລຸ​ມຄວາມ​ສາມັກຄີ​ພາຍ​ນອກ-ພາຍ​ໃນ ຊ່ວຍ​ເຫຼືອ​ເຊິ່ງກັນ ​ແລະ​ກັນ ​ເພື່ອ​ເຮັດ​ໃຫ້​ແຂວງ​ຫຼວງ​ນ້ຳ​ທາ​ມີ​ຄວາມ​ຮັ່ງມີ​ສີວິ​ໄລ; ຊີ້​ແຈງ​ບາງ​ບັນຫາ ​ແລະ​ຈະ​ນຳ​ເອົາ​ຂໍ້​ມຸນ, ຄຳ​ສະ​ເໜີ, ຂໍ້ຄົງຄ້າງ​ທີ່​ສຳຄັນ​ຕ່າງໆ ​ໄປາະ​ເໜີ​ຕໍ່​ຂັ້ນ​ເທິງ​ເພື່ອ​ພິຈາລະນາ​ແກ້​ໄຂ ​ໃຫ້​ຖືກຕ້ອງ​ສອດຄ່ອງ ຕາມ​ຄວາມ​ເໝາະ​ສົມ.

(ນາງ ວັນນີ ​ແຝງ​ບົວ​ວັນ)

 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: