ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ຮອງປະທານສະພາແຫ່ງຊາດ ເນັ້ນໃຫ້ສະມາຊິກສະພາເພດຍິງ ເອົາໃຈໃສ່ 4 ບັນຫາ

ໃນ​ໂອກ​າດ​ເຂົ້າ​ຮ່ວມ ກອງ​ປະຊຸມ​ເຝິກອົບຮົມ ​ໃນ​ຫົວ​ຂໍ້ “ສ້າງ​ຄວາມ​ເຂັ້ມ​ແຂງ ​ໃຫ້​ແກ່​ສະມາຊິກ​ສະພາ​ແຫ່ງ​ຊາດ ​ເພດ​ຍິງ ຊຸດ​ທີ VIII ​​ແລະ​ສະມາຊິກ​ສະພາ​ປະຊາຊົນ​ແຂວງ, ນະຄອນຫຼວງ ​ເພດ​ຍິງ​” ​ໃນ​ລະຫວ່າງ​ວັນ​ທີ 29-30 ກໍລະກົດ ຜ່ານ​ມາ, ທີ່​ສະ​ໂມ​ສອນ 21 ມີນາ ​ແຂວງ​ຄຳ​ມ່ວນ; ທ່ານ ນາງ ສີ​ໃສຄົ້ນຄວ້າ​ບາງ​ບັນຫາ​ສຳຄັນ​ດັ່ງ​ນີ້:

1 ​ເອົາ​ໃຈ​ໃສ່​ສືບ​ຕໍ່​ການ​ກໍ່ສ້າງ​ຄວາມ​ເຂັ້ມ​ແຂງ ​ໃຫ້​ແກ່​ບັນດາ ສະມາ​ຊິກ​ສະພາ​​ແຫ່ງ​ຊາດ ​ເພດ​ຍິງ ດ້ວຍ​ການ​ຊອກ​ຮູ້​ຮໍ່າຮຽນ, ກຳ​ແໜ້ນ ​ແລະ​ໝູນ​ໃຊ້​ທິດ​ສະ​ດີ​ໃຫ້​ຖືກຕ້ອງ ​ເໝາະ​ກັບ​ການຈັດ​ຕັ້ງ​ປະຕິບັດ​ວຽກ​ງານ​ຕົວ​ຈິງ; ພ້ອມ​ດຽວ​ກັນ​ນີ້ ກໍ​ຕ້ອງ​ເອົາ​ໃຈ​ໃສ່​ສ້າງ​ຄວາມ​ເຂັ້ມ​ແຂງ ​ໃຫ້​ແກ່​ຕົນ​ເອງ ​ໃນ​ດ້ານ​ພາວະ​ຄວາມ​ເປັນ​ຜູ້ນຳ ​ແລະ​ທັກ​ສະ​ໃນ​ການ​ປະກອບ​ຄຳ​ເຫັນ ​ໃນ​ກອງ​ປະຊຸມ​ສະພາ​ແຫ່ງ​ຊາດ ​ແລະ​ກອງ​ປະຊຸມ​ສະພາ​ປະຊາຊົນ​ຂັ້ນ​ແຂວງ ຄຽງ​ບ່າ​ຄຽງ​ໄຫລ່ ກັບ​ສະມາຊິກ​ສະພາ​ເພດ​ດຊາຍ.

2 ຕ້ອງ​ເອົາ​ໃຈ​ໃສ່​ໃນ​ການຈັດ​ຕັ້ງ​ປະຕິບັດ ໜ້າ​ທີ່​ການ​ເມືອງ​ທີ່​ຂັ້ນ​ເທິງ​ໄດ້​ມອບ​ໝາຍ​ໃຫ້ ​ເປັນ​ຕົ້ນ​ແມ່ນ​ການ​ໂຄສະ​ນາ​ປຸກລະດົມ​ການ​ມີ​ສ່ວນ​ຮ່ວມ​ຂອງ​ຊຸມ​ຊົນ, ບັນດາ​ການຈັດ​ຕັ້ງ​ທີ່​ເຮັດ​ໜ້າ​ທີ່​ພັດທະນາ ​ແລະ​ປົກ​ປ້ອງ​ສສິດຜົນປະ​ໂຫຍ​ດອັນ​ຊອບ​ທຳ​ຂອງ​ແມ່ຍິງ ​ແລະ​ເດັກ ​ໃຫ້​ມີ​ຄວາມ​ຕື່ນ​ຕົວ​ຫຼາຍ​ຂຶ້ນ​ກວ່າ​ເກົ່າ ຈຶ່ງ​ເຮັດ​ໃຫ້​ວຽກ​ງານ​ຂອງ ຄະນະສະມາຊິກ​ສະພາ​ແຫງ​ຊາດ ​ເພດ​ຍິງ ພົ້ນ​ເດັ່ນ​ຂຶ້ນ.

3 ​ເອົາ​ໃຈ​ໃສ່​ຂຶ້ນ​ແຜນ​ຢ່າງ​ມີ​ຈຸດ​ສຸມ ​ໃນ​ການ​ລົງ​ຕິດຕາມ​ກວດກາ ​ແລະ​ຊຸກຍູ້​ໃນ​ຂົງ​ເຂດ​ວຽກ​ງານ​ຕາມ​ພາລະ​ບົດບາດ, ສິດ ​ແລະ​ໜ້າ​ທີ່​ຂອງ​ຕົນ​ໃຫ້​ຫຼາຍ​ຂຶ້ນ​ກວ່າ​ເກົ່າ, ​ເຮັດ​ຢ່າງ​ຕໍ່​ເນື່ອງ ​ແລະ​ລຽນຕິດ ​ເນື່ອງ​ຈາກ​ວ່າ​ແມ່ຍິງ ​ແມ່ນ​ມີ​ບົດ​ບາດ​ຕັດສິນ​ເຖິງ​ການ​ບັນລຸ​ເປົ້າ​ໝາຍ ​ແກ້​ໄຂ​ຄວາມທຸກ​ຍາກ ​ເພາະ​ແມ່ຍິງ​ເປັນ​ກຳລັງ​ແຮງ​ສັງ​ລວມ ​ໃນ​ການ​ປະກອບສ່ວນ​ຕໍ່​ການ​ສ້າງສາ​ພັດທະນາ​ຊາດ; ດັ່ງ​ນັ້ນ, ຕ້ອງ​ໄດ້​ເອົາ​ໃຈ​ໃສ່​ຊຸກຍູ້​ແມ່ຍິງ​ໃຫ້​ມີ​ບົດບາດ ​ແລະ​ມີ​ຄວາມ​ສາມາດ​ຕັດສິນ​ບັນຫາ​ໃນ​ຄອບຄົວ ​ຄື​ກັນ​ກັບ​​ເພດ​ຊາຍ. ​ເພື່ອ​ເຮັດ​ໃຫ້​ເນື້ອ​ໃນ​ຈິດ​ໃຈ​ມະຕິ X ຂອງ​ພັກ ​ແລະ 17 ​ເປົ້າ​ໝາຍ​ການ​ພັດທະນາ​ແບບ​ຍືນ​ຍົງ ​ໄດ້​ຮັບ​ໝາກຜົນ​ຢ່າງ​ແທ່ຈິງ ​ໂດຍ​ສະ​ເພາະ​ແມ່ນ​ເປົ້!ໝາຍ​ທີ 5 ທີ່​ເວົ້າ​ເຖິງ​ການ​ບັນລຸ​ຄວາມ​ສະ​ເ​ໝີ​ພາບ​ຍິງ-ຊາຍ ​ແລະ​ການ​ສ້າງ​ຄວາມ​ເຂັ້ມ​ແຂງ​ໃຫ້​ແກ່​ແມ່ຍິງ ​ແລະ​ໄວ​ໜຸ່ມ​ຍິງ; ຕໍ່​ບັນຫາ​ດັ່ງກ່າວ, ຄະນະສະມາຊິກ​ສະພາ​ແຫງ​ຊາດ ​ເພດ​ຍິງ ​ແລະ​ສະມາຊິກ​ສະພາ​ປະຊາຊົນ​ແຂວງ ​ເພດ​ຍິງ ຕ້ອງ​ເອົາ​ໃຈ​ໃສ່​ວຽກ​ງານ​ຕິດຕາມ​ກວດກາ​ເປັນ​ຫຼັກ ​ໃນ​ນັ້ນ, ຕ້ອງ​ເອົາ​ໃຈ​ໃສ່​ຕິດຕາມ​ກວດກາ ບັນດາ​ນິຕິ​ກຳ​ລຸ່ມ​ກົດໝາຍ​ໃຫ້​ຕໍ່​ເນື່ອງ ​ແລະ​ກວດກາ​ບັນດາ​ຂະ​ແໜງ​ການ​ທີ່​ຂຶ້ນ​ກັບ​ຄວາມ​ຮັບຜິດຊອບ​ຂອງ​ຕົນ ​ໃຫ້​ເປັນ​ປົກກະຕິ.

4 ປະສານ​ສົມທົບ​ກັນ​ໃຫ້​ເລິກ​ເຊິ່ງ, ໜັກ​ແໜ້ນ​ໃນ​ທຸກ​ຂົງ​ເຂດ​ວຽກ​ງານ ລະຫວ່າງຄະນະສະມາຊິກ​ສະພາ​ແຫງ​ຊາດ ​ເພດ​ຍິງ ກັບ​ບັນດາ​ທ່ານ​ທີ່​ເປັນ​ກຳມະການ​ຂອງ ຄະນະສະມາຊິກ​ສະພາ​ແຫງ​ຊາດ ​ເພດ​ຍິງ ຢູ່​ແຕ່ລະ​ເຂດ​ເລືອກ​ຕັ້ງ ​ແລະ​ການ​ພົວພັນ​ລະຫວ່າງ ຄະນະສະມາຊິກ​ສະພາ​ແຫງ​ຊາດ ​ເພດ​ຍິງ ກັບ​ສະມາຊິກ​ສະພາ​ປະຊາຊົນ​ແຂວງ, ນະຄອນຫຼວງ ​ເພດ​ຍິງ ຮ່ວມ​ມື​ກັນ​ເພື່ອ​ໃຫ້​ມີ​ຜົນ​ປະ​ໂຫຍ​ດຮ່ວມ​ກັນ; ສະ​ນັ້ນ, ຕ້ອງ​ແກ້​ໄຂ​ວຽກ​ງານ​ໃຫ້​ກົມກຽວ​ກັນ ​ໂດຍ​ເນັ້ນ​ໜັກ​ພາລະ​ບົດບາດ ຂອງ​ໃຜລາວ​ເປັນ​ຕົ້ນຕໍ, ພ້ອມ​ດຽວ​ກັນ​ນີ້ ກໍ​ໃຫ້​ປະສານ​ຢ່າງ​ແໜ້າ​ແຟ້ນ ກັບ​ບັນດາ​ກຳມາ​ທິການ​ຂັ້ນ​ແຂວງ ​ແລະ​ພາກສ່ວນ​ກ່ຽວຂ້ອງ​ອື່ນໆ. ທັງ​ນີ້, ກໍ​ເພື່ອ​ຕອບ​ສະໜອງ​ການ​ປະຕິ​ບັນ​ໜ້າ​ທີ່​ຂອງ​ຕົນ ​ໃຫ້​ສຳ​ເລັດ​ຜົນ​ຕາມ​ທີ່​ຂັ້ນ​ເທິງ​ມອບ​ໝາຍ​ໃຫ້.

 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: