ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ສ້າງຄວາມເຂັ້ມແຂງ ໃຫ້ສະມາຊິກສະພາເພດຍິງ

(ສພຊ) ລະຫວ່າງວັນທີ 29-30 ກໍລະກົດ 2016, ທີ່ແຂວງຄຳມ່ວນ ໄດ້ຈັດ ກອງປະຊຸມຝຶກອົບຮົມ ໃນຫົວຂໍ້: “ສ້າງຄວາມເຂັ້ແຂງ ໃຫ້ແກ່ສະມາຊິກ ສະ ພາແຫ່ງຊາດ ເພດຍິງ ຊຸດທີ VIII ແລະສະມາຊິກສະພາປະຊາຊົນເພດຍິງ ແຂວງ, ນະຄອນຫຼວງ” ໂດຍການເປັນປະທານຂອງທ່ານ ນາງ ທັດສະດາ ພອນ ແສງສຸລິຍາ ປະທານຄະນະ ສະມາຊິກສະພາແຫ່ງຊາດເພດຍິງ;

ເຂົ້າຮ່ວມມີທ່ານ ນາງ ສີໃສ ລືເດດມູນສອນ ກຳມະການສູນກາງພັກ, ຮອງ ປະທານສະພາແຫ່ງຊາດ, ຜູ້ຊີ້ນຳຄະນະ ສະມາຊິກສະພາແຫ່ງຊາດເພດຍິງ, ທ່ານ ສົມໃຈ ເພດສີນວນ ຮອງເລຂາພັກແຂວງໆຄຳມ່ວນ, ປະທານສະພາປະຊາຊົນແຂວງ ພ້ອມດ້ວຍບັນດາທ່ານ ປະທານ-ຮອງປະທານກຳມາທິການ ຂອງສະພາແຫ່ງຊາດ, ວິທະຍາກອນອາວຸໂສ ທີ່ມີປະສົບການ ຕະຫຼອດຮອດນັກ ສຳມະນາກອນເພດຍິງ.

ຈຸດປະສົງຂອງກອງປະຊຸມຄັ້ງນີ້ ເພື່ອສ້າງຄວາມເຂັ້ມແຂງໃຫ້ແກ່ ສະມາຊິກສະພາແຫ່ງຊາດເພດຍິງ ແລະສະມາຊິກ ສະພາປະຊາຊົນເພດຍິງຂັ້ນແຂວງ ໃນການຮຽນຮູ້ ແລະເຂົ້າໃຈບາງບົດຮຽນ ກ່ຽວກັບພາວະຄວາມເປັນຜູ້ນຳ ແລະ ວິທີການ, ທັກສະການປະກອບຄຳເຫັນ ຕໍ່ເວທີກອງປະຊຸມສະພາແຫ່ງຊາດ ແລະກອງປະຊຸມສະພາປະຊາຊົນຂັ້ນ ແຂວງ; ພາລະບົດບາດ, ສິດ ແລະໜ້າທີ່ຂອງ ຄະນະສະມາຊິກສະພາແຫ່ງຊາດເພດຍິງ ໃນການຕິດຕາມກວດກາ ການຈັດ ຕັ້ງປະຕິບັດນະໂຍບາຍ, ກົດໝາຍ, ນິຕິກຳ; ຮຽນຮູ້ຄວາມເປັນມາ, ບົດຮຽນການເຄື່ອນໄຫວວຽກງານຕົວຈິງ ໃນໄລຍະຜ່ານມາ ແລະເຜີຍແຜ່ຜົນການປະເມີນ ການຈັດຕັ້ງປະຕິບັດວຽກງານຂອງ ສະມາຊິກສະພາແຫ່ງຊາດ ເພດຍິງ ຊຸດທີ VII ເພື່ອເປັນບ່ອນອີງໃຫ້ແກ່ການເຄື່ອນໄຫວວຽກງານຂອງ ສະມາຊິກສະພາແຫ່ງຊາດ ແລະສະມາຊິກ ສະພາປະຊາຊົນແຂວງ ເພດຍິງ ຊຸດປັດຈຸບັນ; ທັງສ້າງຄວາມຮັບຮູ້ ແລະເຂົ້າໃຈກ່ຽວກັບຫຼັກການ ພື້ນຖານ ຂອງສົນທິສັນຍາ ວ່າດ້ວຍການລົບລ້າງ ທຸກຮູບແບບການຈຳແນກຕໍ່ແມ່ຍິງ (ຊີດໍ).

ເນື້ອໃນກອງປະຊຸມຄັ້ງນີ້ປະກອບມີ: ຄວາມເປັນມາ ແລະບາງບົດຮຽນການເຄື່ອນໄຫວວຽກຂອງຄະນະ ສະມາຊິກສະພາ ແຫ່ງຊາດເພດຍິງ; ຜົນການປະເມີນການຈັດຕັ້ງປະຕິບັດວຽກງານຂອງ ສະມາຊິກສະພາແຫ່ງຊາດ ຊຸດທີ VII; ວິທີການ, ທັກສະກ່ຽວກັບ ພາວະຄວາມເປັນຜູ້ນຳ ແລະການປະກອບຄຳເຫັນ ໃນກອງປະຊຸມສະພາແຫ່ງຊາດ; ແລະຫຼັກການ ພື້ນຖານ ຂອງສົນທິສັນຍາຊີດໍ, ບາງມາດຕາຂອງກົດໝາຍວ່າດ້ວຍ ການຕ້ານ ແລະສະກັດກັ້ນການໃຊ້ຄວາມຮຸ່ນແຮງ ຕໍ່ແມ່ຍິງ ແລະເດັກ.

ໃນໂອກາດເຂົ້າຮ່ວມກອງປະຊຸມ, ທ່ານ ນາງ ສີໃສ ລືເດດມູນສອນ ໄດ້ມີຄຳເຫັນໂອ້ລົມຕໍ່ກອງປະຊຸມວ່າ: ກອງປະຊຸມ ຄັ້ງນີ້ ເປັນກອງປະຊຸມທີ່ກວ້າງຂວາງ ແລະມີຈຳນວນນັກສຳມະນາກອນເຂົ້າຮ່ວມຫຼາຍ, ເປັນການຮຽກໂຮມເອົາບັນດາ ທ່ານ ສະມາຊິກສະພາເພດຍິງ ໃນທົ່ວປະເທດມາເຂົ້າຮ່ວມ ຖືວ່າເປັນກອງປະຊຸມຄັ້ງທຳອິດ ທີ່ຄະນະສະມາຊິກສະພາ ແຫ່ງຊາດເພດຍິງ ໄດ້ຈັດຂຶ້ນ.

ທ່ານກ່າວອີກວ່າ: ບັນດາເນື້ອໃນທີ່ນັກສຳມາທກອນໄດ້ນຳມາສະເໜີໃນຄັ້ງນີ້ ລ້ວນແຕ່ເປັນບົດຮຽນທີ່ດີ, ອາດມີບາງ ທ່ານ ໄດ້ຜ່ານການຝຶກອົບຮົມ ໃນບາງຫົວຂໍ້ດັ່ງກ່າວມາແລ້ວ ຫຼືມີບາງທ່ານ ຫາກຍັງບໍ່ໄດ້ຝຶກອົບຮົມມາກ່ອນ ກໍຍິ່ງ ເປັນບົດຮຽນອັນໃໝ່ໃຫ້ກັບຕົນເອງ ເພື່ອຈະໄດ້ນຳໄປໝູນໃຊ້ ເຂົ້າໃນການປະຕິບັດວຽກງານ ວິຊາສະເພາະຂອງຕົນ ແລະເປັນການປະກອບສ່ວນອັນສຳຄັນ ເຂົ້າໃນການຜັນຂະຫຍາຍແນວທາງນໂຍບາຍຂອງພັກ ແລະການຄຸ້ມຄອງ ຂອງລັດ ໂດຍສະເພາະແມ່ນວຽກງານ ຕິດຕາມກວດກາ ການປະຕິບັດລັດຖະທຳມະນູນ, ກົດໝາຍ ແລະບັນດາສົນທິ ສັນຍາທີ່ພົວພັນເຖິງສິດຜົນປະໂຫຍດຂອງແມ່ຍິງ ແລະດັກ. ການສົ່ງເສີມຄວາມສະເໝີພາບຍິງ-ຊາຍ ແລະການຕ້ານ ການໃຊ້ຄວາມຮຸ່ນແຮງຕໍ່ແມ່ຍິງ ແລະເດັກ. ເຖິງແມ່ນວ່າ ລັດຖະບານເຮົາ ໄດ້ເອົາໃຈໃສ່ຕໍ່ການປະຕິບັດ ພາລະບົດບາດ ການປົກປ້ອງສິດ ແລະຜົນປະໂຫຍດອັນຊອບທຳຂອງແມ່ຍິງ ແລະເດັກ ໃນໄລຍະຜ່ານມາຈົນມາຮອດປັດຈຸບັນ, ແຕ່ ບັນຫາດັ່ງກ່າວນີ້ ຍັງບໍ່ທັນໄດ້ຮັບການແກ້ໄຂໄດ້ທັງໝົດ ຕາມຈິດໃຈຂອງທິດທາງນະໂຍບາຍ ຂອງພັກທີ່ວາງອອກ; ພ້ອມ ດຽວກັນນີ້ ໃນສັງຄົມຍັງມີບາງບຸກຄົນ, ກຸ່ມຄົນ ຍົງຖືວ່າການໃຊ້ຄວາມຮຸ່ນແຮງຕໍ່ແມ່ຍິງ ແລະເດັກ ເປັນເລື່ອງ ທຳມະດາ, ພວກເຂົາຍັງຖືວ່າ ເປັນເລື່ອງປົກກະຕິໃນສັງຄົມ ແລະເປັນເລື່ອງສ່ວນຕົວໃນຄອບຄົວຂອງເຂົາເຈົ້າເອງ. ສະນັ້ນ, ພວກເຂົາຈຶ່ງບໍ່ໃຫ້ການຮ່ວມມື, ບໍ່ໃຫ້ຂໍ້ມູນລາຍລະອຽດຕໍ່ການຈັດຕັ້ງກ່ຽວຂ້ອງຂອງພວກເຮົາ; ອັນນີ້ເປັນບັນ ຫາທີ່ຕ້ອງໃຊ້ຄວາມລະອຽດອ່ອນ ພໍສົມຄວນ ແລະເປັນວຽກໜຶ່ງທີ່ໃຫຍ່ຫຼວງສຳລັບ ສະມາຊິກສະພາແຫ່ງຊາດ ເພດ ຍິງ ກໍຄືສະມາຊິກສະພາປະຊາຊົນເພດຍິງແຂວງ, ນະຄອນຫຼວງທຸກທ່ານ ທີ່ຕ້ອງໄດ້ສືບຕໍ່ເອົາໃຈໃສ່ຄົ້ນຄວ້າ, ເພີ່ມທະວີບຸກບືນຂຶ້ນຕື່ມ ໃນວຽກງານການຕິດຕາມກວດກາ ແລະຊຸກຍູ້ໃຫ້ມີຄວາມເຂັ້ມແຂງ ແລະມີຈຸດສຸມ. ທັງນີ້ ກໍເພື່ອເປັນການກະຕຸ້ນໃຫ້ພາກສ່ວນ ທີ່ກ່ຽວຂ້ອງກັບວຽກງານແມ່ ແລະເດັກ ຮັບຮູ້ ແລະເຂົ້າໃຈບົດບາດຂອງ ພວກເຮົາ ແລະນຳໄປສູ່ການແກ້ໄຂ ບັນດາບັນຫາ ປາກົດການຫຍໍ້ທໍ້ທີ່ເກີດຂຶ້ນໄດ້ເທື່ອລະກ້າວ.

(ນາງ ສຸມົນທາ ງາໄຊ)

 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: