ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ຮອງປະທານສະພາແຫ່ງຊາດ ຕ້ອນຮັບຄະນະສະຫະພັນ ແມ່ຍິງຫວຽດນາມ

(ສພຊ) ຕອນບ່າຍວັນ ອັງຄານ ທີ 26 ກໍລະກົດຜ່ານມາ, ສະຫາຍ ນາງ ສີໃສ ລືເດດມູນສອນ ກຳມະການສູນກາງພັກ, ຮອງປະທານສະພາແຫ່ງຊາດ ໄດ້ ຕ້ອນຮັບການຢ້ຽມຂໍ່ານັບ ຂອງຄະນະຜູ້ແທນສູນກາງສະຫະພັນ ແມ່ນຍິງ ສສ.ຫວຽດນາມ ນຳໂດຍສະຫາຍ ນາງ ຫງວຽນ ຖິ ແທ່ງ ຮວາ (Nguyen Thi Thanh Hoa) ອະດີດປະທານສູນກາງສະຫະພັນແມ່ຍິງຫວຽດນາມ

ໃນໂອກາດທີ່ເດີນທາງມາຢ້ຽມຢາມ ແລະເຮັດວຽກ ຢູ່ ສປປລາວ ລະຫວ່າງ ວັນທີ 25-29 ກໍລະກົດ 2016.

ໃນການຕ້ອນຮັບ, ສະຫາຍ ນາງ ສີໃສ ລືເດດມູນສອນ ໄດ້ສະແດງຄວາມຍິນດີຕ້ອນຮັບ ພ້ອມທັງຕີລາຄາສູງຕໍ່ການ ມາຢ້ຽມຢາມ ຂອງຄະນະຜູ້ແທນຈາກ ສູນກາງສະຫະພັນແມ່ຍິງຫວຽດນາມໃນຄັ້ງນີ້ ເຊິ່ງເປັນເສີມຂະຫຍາຍ ສາຍພົວ ພັນ ມິດຕະພາບອັນດີງາມ ທີ່ເປັນມູນເຊື້ອ, ຄວາມສາມັກຄີພິເສດ ແລການຮ່ວມມືຮອບດ້ານ ລະຫວ່າງສອງຊາດ ລາວ-ຫວຽດນາມມ ໂດຍສະເພາະແມ່ນ ສອງສະຫະພັນ ແມ່ຍິງລາວ-ຫວຽດນາມ ໃຫ້ນັບມື້ນັບແໜ້ນແຟ້ນຂຶ້ນເລື້ອຍໆ; ພ້ອມນັ້ນ, ຍັງໄດ້ສະແດງຄວາມຂອບໃຈຕໍ່ການຊ່ວຍເຫຼືອ ແລະແລກປ່ຽນບົດຮຽນຮ່ວມກັນເປັນຢ່າງດີ ໃນໄລຍະ ຜ່ານມາ ກໍຄືປັດຈຸບັນຈຶ່ງສະເໜີໃຫ້ສືບຕໍ່ແລກປ່ຽນບົດຮຽນຮ່ວມກັນ ຢ່ງເປັນປົກກະຕິ ແລະຕໍ່ເນື່ອງ.

ໂອກາດດັ່ງກ່າວ, ສະຫາຍ ນາງ ຫງວຽນ ຖິ ແທ່ງ ຮວາ ໄດ້ສະແດງຄວາມຂອບໃຈ ຕໍ່ການຕ້ອນຮັບອັນອົບອຸ່ນ ແລະ ຊົມເຊີຍຕໍ່ຜົນສຳເລັດ ທີ່ສະພາແຫ່ງຊາດ ຍາດມາໄດ້ ໃນໄລຍະຜ່ານມາ ພ້ອມທັງແຈ້ງໃຫ້ຊາບກ່ຽວກັບ ການເຮັດ ວຽກຮ່ວມກັບ ສະຫະພັນແມ່ຍິງລາວ ໂດຍໄດ້ມີການແລກປ່ຽນບົດຮຽນຮ່ວມກັນ 3 ຫົວຂໍ້ໃຫຍ່ຄື: ການພັດທະນາ ແມ່ ຍິງ, ການບໍລິຫານຄຸ້ມຄອງວຽກງານເພດຍິງ ຂອງສະຫະພັນແມ່ຍິງຫວຽດນາມ; ໂອກາດດັ່ງ, ຍັງໄດ້ສະແດງຄວາມດີໃຈ ແລະອວຍພອນແກ່ສະຫາຍ ນາງ ສີໃສ ລືເດດມູນສອນ ໃນໂອກາດທີ່ທ່ານ ໄດ້ຮັບໜ້າທີ່ໃໝ່ ເປັນຮອງປະທານສະພາ ແຫ່ງຊາດ ແລະໄດ້ຮູ້ວ່າສະຫະພັນແມ່ຍິງຫວຽດນາມ ຍິນດີທີ່ຈະໃຫ້ການສະໜັບສະໜູນ, ຊ່ວຍເຫຼືອ ແລະສືບຕໍ່ແລກ ປ່ຽນ ບົດຮຽນຮ່ວມກັບສະຫະພັນແມ່ຍິງລາວຕື່ມອີກ.

(ນາງ ປາກາລັກ ພົມມີໄຊ)

 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: