ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ກອງປະຊຸມບັນດາໜ່ວຍພັກ ພາຍໃນສະພາແຫ່ງຊາດ

(ສພຊ) ຕອນເຊົ້າ ວັນພະຫັດ ທີ່ 21 ກໍລະກົດຜ່ານມາ, ສະພາແຫ່ງຊາດ ໄດ້ ຈັດກອງປະຊຸມໃຫຍ່ໜ່ວຍພັກ ວັດທະນະທຳ-ສັງຄົມ ຄັ້ງທີ II ໂດຍການເປັນ ປະທານຂອງສະຫາຍ ສົມພູ ດວງສະຫວັນ ຮັກສາການເລຂາ ຄະນະພັກສະ ພາແຫ່ງຊາດ, ເລຂາໜ່ວຍພັກ, ປະທານກຳມາທິການວັດທະນະທຳ-ສັງຄົມ ແລະສະຫາຍນາງ ມະນີວັນ ເຢຽປາວເຮີ ກຳມະການໜ່ວຍພັກ, ຮອງປະ ທານ ກຳມາທິການດັ່ງກ່າວ;

ເຂົ້າຮ່ວມໂດຍສະຫາຍ ບຸນປອນ ບຸດຕະນະວົງ ກຳມະການສູນກາງພັກ, ຮອງປະທານສະພາແຫ່ງຊາດ ແລະຕອນ ບ່າຍຂອງວັນດຽວກັນ, ໄດ້ຈັດກອງປະຊຸມໃຫຍ່ໜ່ວຍພັກ ຄະນະສະມາຊິກ ສະພາແຫ່ງຊາດ ເພດຍິງ, ພາຍໃຕ້ການເປັນ ຄະນະປະທານ ຂອງສະຫາຍ ສົມພູ ດວງສະຫວັນ ແລະສະຫາຍ ນາງ ທະວີໄສ ພະສະຖານ ຮັກສາການເລຂາໜ່ວຍພັກ, ຮອງປະທານ ຄະນະສະມາຊິກສະພາແຫ່ງຊາດເພດຍິງ  ໂດຍການ ເຂົ້າຮ່ວມຂອງສະຫາຍ ນາງ ສວນສະຫວັນ ວິຍະເກດ ກຳມະການສຳຮອງສູນກາພັກ, ຄະນະພັກ, ເລຂາທິການ ສະພາ ແຫ່ງຊາດ.

ເຊິ່ງມີຜູ້ຕາງໜ້າຈາກຫ້ອງການຊ່ວຍວຽກ ຄະນະພັກສະພາແຫ່ງຊາດ, ສະມາຊິກພັກພາຍໃນໜ່ວຍຂອງຕົນ ແລະ ໜ່ວຍພັກອ້ອມຂ້າງ ຕະຫຼອດຮອດອົງການຈັດຕັ້ງມະຫາຊົນເຂົ້າຮ່ວມ.

ໃນກອງປະຊຸມ, ຜູ້ເຂົ້າຮ່ວມໄດ້ຮັບຟັງ ແລະຄົ້ນຄວ້າປະກອບຄຳຄິດຄຳເຫັນ ຢ່າງກົງໄປກົງມາຕໍ່ຮ່າງບົດລາຍງານການ ເມືອງ, ທິດທາງແຜນການ ແລະຄາດໝາຍສູ້ຊົນແຕ່ລະດ້ານ, ແລະບົດດສຳຫຼວດຕີລາຄາດ້ານດີ, ດ້ານອ່ອນ, ຂໍ້ຄົງ ຄ້າງ, ສາເຫດ, ບົດຮຽນການຊີ້ນຳ-ນຳພາ ແລະການຈັດຕັ້ງປະຕິບັດ ໃນໜ່ວຍພັກຂອງຕົນ ໄລຍະຜ່ານມາ; ພ້ອມນີ້, ຍັງໄດ້ເຫັນດີເປັນເອກະພາບ ຮັບຮອງເອົາທິດທາງແຜນການ 5 ປີ ໃນຕໍ່ໜ້າ (2016-2020).

ໂອກາດດັ່ງກ່າວ, ຜູ້ແທນກອງປະຊຸມໄດ້ປ່ອນບັດລົງຄະແນນສຽງ ເລືອກເອົາຄະນະໜ່ວຍພັກຊຸດໃໝ່ ເຊິ່ງໜ່ວຍພັກ ວັດທະນະທຳ-ສັງຄົມ ສາມາດເລືອກໄດ້ສະຫາຍສົມພູ ດວງສະຫວັນ ເປັນເລຂາ, ສະຫາຍນາງ ມະນີວັນ ເຢຽປາວເຮີ ຮອງຫົວໜ້າກົມວັດທະນະທຳ-ສັງຄົມ ເປັນກຳມະການ; ສ່ວນໜ່ວຍພັກຄະນະສະມາຊິກ ສະພາແຫ່ງຊາດເພດຍິງ ເລືອກໄດ້ ສະຫາຍນາງ ທັດສະດາພອນ ແສງສຸລິຍາ ປະທານຄະນະສະມາຊິກສະພາແຫ່ງຊາດເພດຍິງ ເປັນເລຂາ ແລະ ສະຫາຍ ນາງ ທະວີໄສ ພະສະຖານ ເປັນຮອງ.

ກອງປະຊຸມຍັງໄດ້ຮັບຟັງການໂອ້ລົມ ຈາກສະຫາຍຮັກສາການເລຂາຄະນະພັກ ສະພາແຫ່ງຊາດ ໂດຍໄດ້ສະແດງຄວາມ ຍ້ອງຍໍ ຊົມເຊີຍຕໍ່ການຊີ້ນຳ-ນຳພາ ຂອງຄະນະພັກຊຸດເກົ່າ ທີ່ເຮັດໃຫ້ພະນັກງານສະມາຊິກພັກພາຍໃນໜ່ວຍຂອງຕົນ ຍາດໄດ້ຜົນສຳເລັດຫຼາຍດ້ານ ທັງຮຽກຮ້ອງໃຫ້ຄະນະພັກຊຸດໃໝ່ ສືບຕໍ່ປັບປຸງແກ້ໄຂ, ຍາດໃຫ້ໄດ້ຜົນງານ ແລະມີຜົນ ສຳເລັດຍິ່ງໃຫຍ່ຂຶ້ນກວ່າເກົ່າ.

(ນາງ ປາກາລັກ ພົມມີໄຊ)

 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: