ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ຮອງປະທານ ກຳມາທິການເສດຖະກິດ ເຕັກໂນໂລຊີ ແລະສິ່ງ ແວດລ້ອມ ລົງກວດກາໂຄງການເຂື່ອນໄຟຟ້າ ນ້ຳກົງ 2

(ສພຊ) ຕອນບ່າຍວັນທີ 17 ກໍລະກົດຜ່ານມາ, ທ່ານ ສັນຍາ ປຣະເສີດ ຮອງ ປະທານ ກຳມາທິການເສດຖະກິດ ເຕັກໂນໂລຊີ ແລະສິ່ງແວດລ້ອມ ຂອງ ສະພາແຫ່ງຊາດພ້ອມດ້ວຍຄະນະ ສົມທົບກັບຄະນະສະມາຊິກສະພາ ປະຊາ ຊົນແຂວງອັດຕະປື

ໄດ້ລົງເຄື່ອນໄຫວກວດກາຄວາມຄືບໜ້າ ຂອງໂຄງການກໍ່ສ້າງເຂື່ອນ ໄຟຟ້າ ນ້ຳກົງ 2 ເມືອງພູວົງ ແຂວງອັດຕະປື ແລະການຈັດສັນພື້ນຖານໂຄງງລ່າງ ໃຫ້ແກ່ບ້ານທີ່ຖືກຜົນກະທົບ ຈາກໂຄງການດັ່ງກ່າວ.

ໃນການລົງເຄື່ອນໄຫວ, ຄະນະໄດ້ຕິດຕາມລົງກວດກາ ການຈັດຕັ້ງປະຕິບັດ ແລະມີຄຳເຫັນຊີ້ນຳ ໃນການກໍ່ສ້າງເຂື່ອນ ໄຟຟ້ານ້ຳກົງ 2 ໃຫ້ແກ່ບໍລິສັດຈະເລີນເຊກອງກຣຸບ ຈຳກັດຜູ້ດຽວ ເຊິ່ງໄດ້ຮັບການໂອນຮຸ້ນ(ຂາຍຮຸ້ນ) ຈາກ ບໍລິສັດ ຮວ່າງແອງ ອັດຕະປື. ຜ່ານການຮັບຟັງການລາຍງານ ຈາກບໍລິສັດຈະເລີນເຊກອງກຣຸບ ຈຳກັດຜູ້ດຽວ ແລະລົງກວດ ກາຕົວຈິງເຫັນວ່າ ບໍລິສັດ​ດັ່ງກ່າວ ​ໄດ້​ປັບປຸງ​ສ້ອມ​ແປງ​ບາງ​ຈຸດ​ທີ່​ບໍ່​ທັນ​ໄດ້​ມາດຕະຖານ, ສືບ​ຕໍ່​ກໍ່ສ້າງ​ຈຸດ​ທີ່​ບໍ່ທັນ​ສຳ​ເລັດ ​ເຊິ່ງຈະ​ເຮັດ​ໃຫ້​ໄລຍະ​ການ​ກໍ່ສ້າງ​ຊັກ​ຊ້າ​ເລັກ​ໜ້ອຍ ​ໂດຍ​ຄາດ​ຄະ​ເນ​ວ່າ ຈະ​ມີ​ການ​ມອບ-ຮັບ ​ໂຄງການ​ຢ່າງ​ເປັນ​ທາງ​ການ ​ໃນ​ເດືອນ​ເມສາ 2017 ​ແລະ​ໃຫ້​ບໍລິສັດ ສືບ​ຕໍ່​ກໍ່ສ້າງ​ຜະລິດ​ກະ​ແສ​ໄຟຟ້າ, ປູກ​ຕົ້າ​ໄມ​ທັດ​ແທນ ພື້ນ​ທີ່​ທີ່​ຖືກ​ຜົນ​ກະທົບ​ຈາກ​ໂຄງການ ​ແລະ​ວຽກ​ງານ​ອື່ນໆ ຕາມ​ບົດ​ສັນຍາ​ທີ່​ບໍລິສັດ ຮວ່າງ​ແອ​ງ ອັດ​ຕະປື ​ໄດ້​ເຮັດ​ໄວ້​ກ່ອນ​ໜ້າ​ນີ້​ກັບ​ລັດຖະບານ.

ພາຍຫຼັງ​ລົງ​ກວດກາ​ໜ້າ​ເຂື່​ອນ ​ແລະ​ຈັກ​ຜະລິດ​ໄຟຟ້າ​ແລ້ວ ຄະນະ​ຍັງ​ໄດ້​ລົງ​ໄປ​ກວດກາ ການຈັດ​ສັນ​ບ້ານ​ລະ​ມອງ​ທີ່​ຖືກ​ຜົນ​ກະທົບ​ຈາກ​ໂຄງການ​ນີ້ ​ເຊິ່ງນາຍບ້ານໆ​ດັ່ງກ່າວ​ໄດ້​ລາຍ​ງານ ຄວາມ​ສະດວກ​ຕ່າງໆ​ທີ່​ບໍລິສັດ ​ແລະ​ລັດຖະບານ​ໄດ້​ໃຫ້ການ​ຊ່ວຍ​ເຫຼືອ​ພື້ນຖານ​ໂຄງ​ລ່າງ​ຂອງ​ບ້ານ ​ເປັນ​ຕົ້ນ​ແມ່ນ​ເສັ້ນທາງ​ຫຼັກ​ຜ່ານ​ບ້ານ​ສາມາດ​ທຽວ​ໄດ້​ສອງ​ລະດູ, ​ແຕ່​ຫຼັງຄາ​ເຮືອນ​ມີ​ໄຟຟ້າ ​ແລະ​ນ້ຳ​ສະອາດ​ໃຊ້​, ມີ​ສຸ​ສາລາ ​ແລະ​ໂຮງ​ຮຽນ​ປະຖົມ​ສົມບູນ; ພ້ອມ​ນັ້ນ, ຍັງ​ໄດ້​ຕາງໜ້າ​ໃຫ້​ປະຊາຊົນ​ພາຍ​ໃນ​ບ້ານ ​ສະ​ແດງ​ຄວາມ​ຮູ້​ບຸນຄຸນ​ຕໍ່​ພັກ, ລັດຖະບານ, ອົງການ​ປົກຄອງ​ທຸກ​ຂັ້ນ ​ແລະ​ບໍລິສັດ​ທີ່​ໄດ້​ໃຫ້ການ​ຊ່ວຍ​ເຫຼືອ​ບ້ານ ມີ​ຄວາມ​ສະດວກ​ສະບາຍ​ໃນ​ທຸກ​ດ້ານ.

​ໃນ​ຕອນ​ທ້າຍ, ທ່ານ​ ສັນຍາ ປຣະ​ເສີດ ​ໄດ້​ເນັ້ນ​ໃຫ້​ບໍລິສັດ​ຈະ​ເລີ​ນ ​ເຊ​ກອງ ກຣຸບ ຈຳກັດ​ຜູ້​ດຽວ​ເອົາ​ໃຈໃ​ສ່ສືບ​ຕໍ່​ກໍ​ສ້າງ​ໂຄງການ​ດັ່ງກ່າວ ພ້ອມ​ກັບ​ຮັກສາ ​ແລະ​ຟື້ນ​ຟູ​ສິ່ງ​ແວດ​ລ້ອມ ​ໃຫ້​ດີ​ຂຶ້ນ​ໄປ​ເລື້ອຍໆ.

ທະ​ນົງ​ສັກ ສີ​ຫຼວງສົດ)

 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: