ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ທ່ານ ບຸນປອນ ບຸດຕະນະວົງ ເຄື່ອນໄຫວເຮັດວຽກຢູ່ 2 ແຂວງພາກໃຕ້

(ສພຊ) ໃນລະຫວ່າງວັນທີ 15-18 ກໍລະກົດ ຜ່ານມາ, ທ່ານ ບຸນປອນ ບຸດຕະ ນະວົງ ກຳມະການສູນກາງພັກ, ຮອງປະທານສະພາແຫ່ງຊາດ ຜູ້ຊີ້ນຳວຽກ ງານ ຂົງເຂດເສດຖະກິດ, ວັດທະນະທຳ-ສັງຄົມ ແລະການຕ່າງປະເທດ ພ້ອມ ດ້ວຍຄະນະໄດ້ລົງເຄື່ອນໄຫວເຮັດວຽກ ຢູ່ແຂວງຈຳປາສັກ ແລະແຂວງອັດ ຕະປື ໂດຍໄດ້ຈັດກອງປະຊຸມຮ່ວມກັບການນຳຂອງແຂວງ ແລະ 7 ຂະແໜງ ການທີ່ກ່ຽວຂ້ອງ

ໃນຂົງເຂດເສດຖະກິດ, ເຮັດວຽກຮ່ວມກັບ ສະພາປະຊາຊົນແຂວງ ຂອງທັງ ສອງແຂວງ; ໃນແຕ່ລະຈຸດທີ່ໄດ້ລົງເຄື່ອນໄຫວເຮັດວຽກນັ້ນ ກ່ອນອື່ນແມ່ນໄດ້ຮັບຟັງການລາຍງານກ່ຽວກັບ ການຈັດ ຕັ້ງປະຕິບັດວຽກງານຂອງແຕ່ລະພາກສ່ວນ ໃນໄລຍະຜ່ານມາ  ເຊິ່ງໄດ້ຍົກໃຫ້ເຫັນດ້ານດີ, ດ້ານອ່ອນ ແລະຂໍ້ຄົງຄ້າງ ທີ່ຈະຕ້ອງໄດ້ສືບຕໍ່ຈັດຕັ້ງປະຕິບັດ ໃຫ້ສຳເລັດຕາມແຜນທີ່ວາງໄວ. ນອກນັ້ນ, ໃນການລົງເຄື່ອນໄຫວເຮັດວຽກຄັ້ງນີ້, ຢູ່ແຂວງຈຳປາສັກ  ຄະນະຍັງໄດ້ຢ້ຽມເບິ່ງຟາມງົວ, ສວນປູກກາເຟໂນກະຖາດ ຂອງບໍລິສັດປາກຊ່ອງ ໄຮແລນ, ໂຄງ ການກໍ່ສ້າງເຄື່ອນໄຟຟ້ານ້ຳຕົກ ເຊປຽນ-ເຊນ້ຳນ້ອຍ, ເບິ່ງບ່ອນທີ່ຈະມາກໍ່ສ້າງຕົວຈິງ ພ້ອມທັງຢ້ຽມ ແລະໂອ້ລົມ ພໍ່ ແມ່ປະຊາຊົນ ຜູ້ຖືກຜົນກະທົບຈາກການກໍ່ສ້າງເຂື່ອນດັ່ງກ່າວ; ສຳລັບຢູ່ແຂວງອັດຕະປື ແມ່ໄດ້ຢ້ຽມຊົມສວນຢາງພາ ລາ ແລະໂຮງງານຜະລິດຢາງພາລາເຄິ່ງສຳເລັດຮູບຂອງບໍລິສັດ ໂອຈິ ແລະຢ້ຽມຊົມໂຄງການຂຸດຄົ້ນຫີນປາໂກໄດ (ຫີນ ອ່ອນ).

ທ່ານ ບຸນປອນ ບຸດຕະນະວົງ ໄດ້ມີຄຳເຫັນຊີ້ນຳວ່າ: ຜ່ານການຮັບຟັງການລາຍງານ ຂອງແຕ່ລະຂະແໜງການ ເຫັນ ໄດ້ເຖິງຄວາມເອົາໃຈໃສ່ບຸກບືນ ໃນການຈັດຕັ້ງປະຕິບັດ ໜ້າທີ່ວຽກງານຂອງຕົນ ພ້ອມທັງເນັ້ນໜັກໃຫ້ເອົາໃຈໃສ່ຕື່ມ ກ່ຽວກັບບັນຫາການອະນຸລັກຮັກສາປ່າໄມ້ ແລະສິ່ງແວດລ້ອມໃຫ້ມີຄວາມມຍືນຍົງ, ເອົາໃຈໃສ່ຄຸ້ມຄອງທີ່ດິນ, ຄຸ້ມຄອງ ການເກັບລາຍຮັບງົບປະມານ ຕ້ອງໄດ້ບຸກບືນສູ້ຊົນໃຫ້ບັນລຸໄດ້ຕາມແຜນ; ສຶກສາອົບຮົມບັນດາຫົວໜ່ວຍ ທຸລະ ກິດ ໃຫ້ເປັນເຈົ້າການໃນການເສຍພາສີອາກອນ , ບັນດາພະນັກງານເຈົ້າໜ້າທີ່ ກໍໃຫ້ປະຕິບັດໜ້າທີ່ດ້ວຍຄວາມຮັບຜິດ ຊອບສູງ ມີຈັນຍາບັນ; ສຳລັບໂຄງການເຄື່ອນໄຟຟ້າ ໃຫ້ຕັ້ງໜ້າປະຕິບັດໃຫ້ສຳເລັດຕາມແຜນການທີ່ວາງໄວ້ ແລະໃຫ້ ເອົາໃຈໃສ່ໃນການຊົດເຊີຍ, ການຍົກຍ້າຍປະຊາຊົນທີ່ຖືກຜົນກະທົບ ໃນການກໍ່ສ້າງເຂື່ອນ, ຈັດສັນທີ່ຢູ່ອາໄສ, ເນື້ອທີ່ ທຳການຜະລິດ ພ້ອມໃຫ້ຂະແໜງການກະສິກຳລົງຊຸກຍູ້, ຊີ້ນຳດ້ານວິຊາການ ໃນການປູກຝັງ-ລ້ງສັດ ຜະລິດ ໃຫ້ໄດ້ ຫຼາຍໆການເປັນສິນຄ້າ ເພື່ອເຮັດໃຫ້ຊີວິດການເປັນຢູ່ ຂອງເຂົາດີຂຶ້ນກວ່າເກົ່າ, ປະຊາຊົນມີຄວາມອົບອຸ່ນທຸ່ນທ່ຽງ ພ້ອມກັນຄົ້ນຄິດ ຕັດສິນໃຈບຸກບືນໃຫ້ຊີວິດການເປັນຢູ່ຂອງຕົນ ຫຼຸດພົ້ນອອກຈາກຄວາມທຸກຍາກເທື່ອລະກ້າວ.

(ກົງທະນູຄຳ ພິພັດເສລີ)

 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: