ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ສຳມະນາກ່ຽວກັບໜີ້ສາທາລະນະ

(ສພຊ) ກຳມາທິການແຜນການ, ການເງິນ ແລະກວດສອບ ຂອງສະພາ ແຫ່ງຊາດ ໃຫ້ຮູ້ວ່າ ໂດຍນຳໃຊ້ງົບປະມານສົມທົບ ສະໜັບສະໜູນຈາກ ລັດ ຖະບານເຢຍລະມັນ (GIZ) ກຳມາທິການດັ່ງກ່າວ ຈະໄດ້ຈັດ ກອງປະຊຸມສຳ ມະນາກ່ຽວກັບ “ໜີ້ສາທາລະນະ” ໃນວັນທີ 18 ກໍລະກົດນີ້ ທີ່ໂຮງແຮມ ລ້ານ ຊ້າງ, ນະຄອນຫຼວງວຽງຈັນ

ພາຍໃຕ້ການເປັນປະທານຂອງທ່ານ ວິໄລວົງ ບຸດດາຄຳ ກຳມະການສູນກາງ ພັກ, ປະທານກຳມາທິການແຜນການ, ການເງິນ ແລະກວດສອບ; ເຂົ້າ ຮ່ວມມີບັນດາ ປະທານ-ຮອງປະທານກຳມາທິການ ແລະຄະນະເລຂາທິການ ສະພາແຫ່ງຊາດ, ສະມາຊິກສະພາແຫ່ງ ຊາດ ປະຈຳເຂດເລືອກຕັ້ງ ນະຄອນຫຼວງວຽງຈັນ ແລະສະມາຊິກສະພາແຫ່ງຊາດ ທີ່ສັງກັດ ກຳມາທິການແຜນການ, ການເງິນ ແລະກວດສອບແຫ່ງລັດ, ອົງການກວດການລັດຖະບານ, ສະຖາບັນຄົ້ນ ຄວ້າເສດຖະກິດແຫ່ງຊາດ, ບັນດາ ກົມ-ສູນພາຍໃນສະພາແຫ່ງຊາດ ຕະຫຼອດຮອດພະນັກງານວິຊາການທີ່ກ່ຽວຂ້ອງ.

ກອງປະຊຸມຈະໄດ້ຄົ້ນຄວ້າ ປຶກສາຫາລືກ່ຽວກັບນິຍາມໜີ້ສາທາລະນະ, ບົດຮຽນຂອງສາກົນກ່ຽວກັບ ການຄຸ້ມຄອງໜີ້ ສາທາລະນະ, ມາດຕະການຄຸ້ມຄອງໜີ້ສິນສາທາລະນະ (ມາດຕະການຂອງຂະແໜງການ ແລະທ້ອງຖິ່ນ), ໜ້າທີ່ຂອງ ສະພາແຫ່ງຊາດ ໃນການຕິດຕາມກວດກາໜີ້ສາທາລະນະ,

ຜົນທີ່ຈະໄດ້ຮັບຈາກກອງປະຊຸມຄັ້ງນີ້ ຄາດຄະເນວ່າ ຜູ້ເຂົ້າຮ່ວມຈະໄດ້ມີໂອກາດສົນທະນາ ແລະປ່ຽນຄຳຄິດເຫັນ ແລະ ຖອດຖອນບົດຮຽນເຊິ່ງກັນ ແລະກັນ ໃນການເຄື່ອນໄຫວຈັດຕັ້ງ ປະຕິບັດວຽກງານຕາມພາລະບົດລາດ, ສິດ ແລະໜ້າ ທີ່ຂອງຕົນຢ່າງກວ້າງຂວາງ ແລະເລິກເຊິ່ງ ໃນບັນຫາສຳຄັນຕ່າງໆ ໃນຂົງເຂດແຜນການ, ການເງິນ ແລະກວດສອບ ທີ່ຈະເອົາເຂົ້າສູ່ກອງປະຊຸມ ສະໄໝສາມັນເທື່ອ 1 ຂອງສະພາແຫ່ງຊາດຊຸດທີ VIII; ເປັນພື້ນຖານອັນດີໃຫ້ແກ່ການ ຈັດຕັ້ງ ແລະການເຄື່ອນໄຫວຂອງກຳມາທິການໃນຕໍ່ໜ້າ ເປັນຕົ້ນ ການປະສານງານ ແລະຕິດຕາມກວດກາ ວຽກງານ ໃນຂົງເຂດແຜນການ, ການເງິນ ແລະກວດສອບ; ເປັນພື້ນຖານໃນການະໜອງຂໍ້ມູນກະກຽມ ໃຫ້ແກ່ກອງປະຊຸມ ສະໄໝສາມັນເທື່ອທີ 1 ຂອງສະພາແຫ່ງຊາດ ຊຸດທີ VIII.

(ສົມນຶກ ແກ້ວໄຊຍະຈັກ)

 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: