ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ຫາລືເຝິກງານເຝິກອົບຮົມ ແລະແຜນການໃນຕໍ່ໜ້າ

(ສພຊ) ໃນຕອນບ່າຍຂອງວັນທີ 13 ກໍລະກົດຜ່ານມາ ທີ່ສະພາແຫ່ງຊາດ, ຄະນະສະພາຜູ້ແທນແຫ່ງຊາດ ສປປລາວ ແລະ ສສ. ຫວຽດນາມ ໄດ້ພົບປະ ສອງຝ່າຍ ລາວນຳໂດຍສະຫາຍ ຄຳເຜີຍ ປານມະໄລທອງ ຫົວໜ້າສະຖາ ບັນຄົ້ນຄ້ວານິຕິກຳ ແລະຝ່າຍຫວຽດນາມ ນຳໂດຍສະຫາຍ ເຈີ່ນ ວັນ ຕຸຍ (Tran Van Tuy) ກຳມະການສູນກາງພັກກອມມູນິດຫວຽດນາມ,

ກຳມະການຄະນະປະຈຳ, ຫົວໜ້າຄະນະວຽກງານສະມາຊິກສະພາ ໂອກາດທີ່ ເດີນທາງມາຢ້ຽມຢາມ ແລະເຮັດວຽກຢູ່ ສສປລາວ ໃນລະຫວ່າງວັນທີ 13-14 ກໍລະກົດ 2016.

ໃນການພົບປະ, ທັງສອງຝ່າຍໄດ້ແຈ້ງສະພາບການເຄື່ອນໄຫວ ຂອງອົງການຈັດຕັ້ງຂອງຕົນໃຫ້ກັນ ແລະກັນຊາບ ໂດຍສັງເຂບ; ພ້ອມທັງຕີລາຄາສາຍພົວພັນມິດຕະພາບ, ຄວາມສາມັກຄີພິເສດ ແລະການຮວ່ມມືຮອບດ້ານລະຫວ່າງ ສະພາແຫ່ງຊາດລາວ-ຫວຽດນາມ. ສະຫາຍຄຳເຜີຍ ປານມະໄລທອງ ຍັງແຈ້ງໃຫ້ຊາບວ່າ: ສະພາແຫ່ງຊາດຊຸດທີ VIII ໄດ້ຕົກລົງສ້າງສະຖາບັນຄົ້ນຄ້ວານິຕິກໍາ ມີຖານະທຽບເທົ່າກໍາມາທິການ, ປະກອບດ້ວຍສອງສູນຄື: ສູນຄົ້ນຄ້ວາວິທະ ຍາສາດນິຕິກຳ ແລະສູນເຝິກອົບຮົມ, ສຸມໃສ່ 3 ວຽກໃຫຍ່ຄື: ຄົ້ນຄ້ວາບັນຫາທິດສະດີ ແລະພຶດຕິກຳຂອງວຽງານສະພາ, ສະໜອງຂໍ້ມູນ-ຂ່າວສານ ແລະວຽກງານເຝິກອົບຮົມ.

ທັງສອງຝ່າຍໄດ້ເຫັນດີເປັນເອກະພາບ ທິດທາງຮວ່ມມືໃນຕໍ່ໜ້າຄື: ຈະເຊີນຊ່ຽວຊານຫວຽດນາມ ມາຊວ່ຍແນະນຳ ໃນການສ້າງແຜນເຝິກອົບຮົມ 5 ປີ (2016-2020), ຂື້ນຫ້ອງບັນລະຍາຍກ່ຽວກັບ ກົນໄກປະສານງານ ລະຫວ່າງ ສູນເຝິກອົບຮົມ ຂອງສະຖາບັນຄົ້ນຄ້ວານິຕິກຳ ກັບບັນດາກຳມາທິການ ໃນການຈັດຫົວຂໍ້ ແລະເຝິກອົບຮົມຕົວຈິງ.

ພາຍຫລັງພົບປະແລ້ວ, ຍັງໄດ້ມີການພີເຊັນບົດຊ່ວຍຈຳລະຫວ່າງສະຫາຍ ໄຂຄຳ ວັນນະວົງສີ ຫົວໜ້າສູນເຝິກອົບ ຮົມຂອງສະພາແຫ່ງຊາດ ແລະສະຫາຍ ຫງວຽນ ເຟືອງ ຕວັນ (Nguyen Phoung Tuan) ຫົວໜ້າສູນບຳລຸງ ສ້າງຜູ້ ເແທນປະຊາຊົນ ສະພາແຫ່ງຊາດຫວຽດນາມ; ຫລັງຈາກນັ້ນ, ຄະນະຜູ້ແທນສະພາແຫ່ງຊາດຫວຽດນາມ ຍັງໄດ້ພົບ ປະເຮັດວຽກກັບສະຫາຍ ເອກສະຫວ່າງ ວົງວິຈິດ ກຳມະການສູນກາງພັກ, ກຳມະການຄະນະປະຈຳສະພາແຫ່ງຊາດ, ປະທານກຳມາທິການ ການຕ່າງປະເທດ ພ້ອມທັງເຂົ້າຢ້ຽມຂ່ຳນັບສະຫາຍ ນາງ ປານີ ຢາທໍ່ຕູ້ ກຳມະການກົມການ ເມືອງສູນກາງພັກ, ປະທານສະພາແຫ່ງຊາດຕາມລຳດັບ.

ໃນໂອກາດມາຢ້ຽມຢາມ ແລະເຮັດວຽກຄັ້ງນີ້, ຄະນະຜູ້ແທນຈາກສະພາແຫ່ງຊາດ ຫວຽດນາມ ຍັງໄດ້ຂື້ນຫ້ອງບັນ ລະຍາຍໃນກອງປະຊຸມຍົກລະດັບ ຄວາມສາມາດເຮັດວຽກງານສະພາແຫ່ງຊາດ ໃຫ້ສາມະຊິກສະພາແຫ່ງຊາດ (ສສຊ) ແລະສາມະຊິກສະພາຂັ້ນແຂວງ (ສສຂ) ໃນຫົວຂໍ້: ພຶດຕິກຳໃນການສ້າງແລະປັບປຸງກົດໝາຍຢູ່ ສສ.ຫວຽດນາມ; ພາລະບົດບາດ, ສິດ ແລະໜ້າທີ່ຂອງສະພາປະຊາຊົນທ້ອງຖີ່ນ; ວຽກງານການຕິດຕາມກວດກາ ຂອງປະຊົນ ທ້ອງຖີ່ນ ຕໍ່ການພັດທະນາເສດຖະກິດ-ສັງຄົມ, ແຜນງົບປະມານປະຈຳປີ ແລະການແກ້ໄຂບັນຫາຮ້ອນດ່ວນຂອງສັງຄົມ ຢູ່ນະ ຄອນໂຮ່  ຈີ ມິງ.

(ສົມນຶກ ແກ້ວໄຊຍະຈັກ)

 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: