ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ມອບ-ຮັບໜ້າທີ່ ແລະສິ່ງຍ້ອງຍໍຢູ່ ແຂວງຫຼວງນ້ຳທາ

(ສພຊ) ຕອນບ່າຍວັນທີ 8 ກໍລະກົດຜ່ານມາ ທີ່ຫ້ອງປະຊຸມສະພາປະຊາ ຊົນແຂວງຫຼວງນ້ຳທາ ລະຫວ່າງທ່ານ ວອນຄຳ ເພັດທະວົງ ປະທານຄະນະ ສະມາຊິກສະພາແຫ່ງຊາດ ຊຸດທີ VII ແລະທານ ໄຊພອນ ຄຸນສີລິເຮືອງ ຮອງເລຂາພັກແຂວງ, ປະທານສະພາປະຊາຊົນແຂວງ

ໂດຍການເຂົ້າຮ່ວມ ຂອງທ່ານ ເພັດຖາວອນ ພິລາວັນ ກຳມະການສູນກາງ ພັກ, ເລຂາພັກແຂວງ, ເຈົ້າແຂວງໆດັ່ງກ່າວ ພ້ອມດ້ວຍຄະນະປະຈຳ-ກຳ ມະການພັກແຂວງ, ເຈົ້າເມືອງ ແລະບັນດາອະດີດ ສະມາຊິກສະພາແຫ່ງ ຊາດ ຕະຫຼອດຮອດພະນັກງານພາຍໃນ ຄະນະເລຂາທິການ ສະພາປະຊາຊົນແຂວງ ເຂົ້າຮ່ວມທັງໝົດ 53 ຄົນ ຍິງ 12 ຄົນ.

ໃນພິທີ, ທ່ານ ມີໄຊ ມີວິໄລ ກຳມະການຄະນະປະຈຳ, ເລຂາທິການ ສະພາປະຊາຊົນແຂວງ ໄດ້ຂຶ້ນຜ່ານມະຕິກອງປະ ຊຸມຄັ້ງປະຖົມມະລືກ ຂອງສະພາປະຊາຊົນແຂວງ ວ່າດ້ວຍການຮັບຮອງເອົາໂຄງປະກອບກົງຈັກ ແລະບຸກຄະລາກອນ ຂອງ ສະພາປະຊາຊົນແຂວງ ເລກທີ 08/ສພຂ, ລົງວັນທີ 20 ມິຖຸນາ 2016 ເຊິ່ງກອງປະຊຸມໄດ້ຕົກລົງເລືອກ ຕັ້ງທ່ານ ໄຊພອນ ຄຸນສີລິເຮືອງ ເປັນປະທານ ສະພາປະຊາຊົນແຂວງ ທັງເປັນປະທານຄະນະປະຈຳ ສະພາປະຊາຊົນແຂວງ ຊຸດທີ I.

ທ່ານ ວອນຄຳ ເພັດທະວົງ ໄດ້ຂຶ້ນລາຍງານບາງຜົນສຳເລັດ ຕະຫຼອດໄລຍະການຊີ້ນຳ-ນຳພາຂອງຕົນ ແລະໝູ່ຄະນະ ເຊິ່ງສາມາດເຮັດໃຫ້ພະນັກງານ ມີແນວຄິດການເມືອງໜັກແໜ້ນ, ອຸ່ນອຽນ ທຸ່ນທຽງ, ເຊື້ອໝັ້ນຕໍ່ການຊີ້ນຳ-ນຳ ພາຂອງລັດ, ບຸກບືນຫ້າວຫັນປະຕິບັດໜ້າທີ່ວຽກງານ, ມີຄວາມສາມັກຄີ; ວຽກງານພັກ ກໍໄດ້ຮັບການກໍ່ສ້າງ, ບໍາລຸງ ຢ່າງເປັນປົກກະຕິ ແລະກ່າວມອນໜ້າທີ່; ຈາກນັ້ນ, ທ່ານ ໄຊພອນ ຄຸນສີລິເຮືອງ ໄດ້ມີຄຳເຫັນວ່າ ຈະສືບຕໍ່ຊີ້ນຳ -ນຳພາວຽກງານດັ່ງກ່າວ, ສະເໜີໃຫ້ ສະມາຊິກສະພາແຫ່ງຊາດ ຊຸດທີ VIII ແລະສະມາຊິກສະພາປະຊາຊົນຂັ້ນແຂວງ ຊຸດທີ I ພ້ອມດ້ວຍພະນັກງານພາຍໃນຄະນະເລຂາທິການ ສະພາປະຊາຊົນແຂວງ ຈົ່ງພ້ອມກັນຈັດຕັ້ງປະຕິບັດ ວຽກງານ, ໜ້າທີ່ຮັບຜິດຊອບຂອຕົນໃຫ້ສຳເລັດ ແລະກ່າວຮັບໜ້າທີ່.

ໃນຕອນທ້າຍ, ທ່ານ ເພັດຖາວອນ ພິລາວັນ ໄດ້ມີຄຳເຫັນໂອ້ລົມ ໂດຍສະແດງຄວາມຍ້ອງຍໍຊົມເຊີຍ ຕໍ່ຜົນງານ ໃນໄລຍະຜ່ານມາຂອງ ສະມາຊິກສະພາແຫ່ງຊາດ ຊຸດທີ VII ທີ່ໄດ້ເອົາໃຈໃສ່ຊີ້ນຳ-ນຳພາ, ເຮັດສຳເລັດໜ້າທີ່ ທັງ ຮຽກຮ້ອງໃຫ້ ສະພາປະຊາຊົນຂັ້ນແຂວງ ຊຸດທີ I ຈົ່ງຈັດຕັ້ງປະຕິບັດສຶກສາອົບຮົມ ດ້ານແນວຄິດການເມືອງ, ນຳພາ ສະມາຊິກສະພາແຫ່ງຊາດ ແລະສະມາຊິກສະພາປະຊາຊົນຂັ້ນແຂວງຊຸດໃໝ່ ຕັ້ງໜ້າຄົ້ນຄວ້າຮໍ່າຮຽນກົດໝາຍຕ່າງໆ, ປັບປຸງແຜນວິທີເຮັດວຽກ, ປັບປຸງການຈັດຕັ້ງໃຫ້ເຂັ້ມແຂງ, ບັນຈຸພະນັກງານໃຫ້ຖືກຕາມວິຊາສະເພາະ, ເອົາໃຈໃສ່ ສຶກສາຮໍ່າຮຽນວິຊາຕ່າງປະເທດ, ເພີ່ມທະວີຄວາມສາມັກຄີພາຍໃນໃຫ້ໜັກແໜ້ນ ເພື່ອເຮັດໃຫ້ ສະພາປະຊາຊົນ ແຂວງ ຫຼວງນໍ້າທາ ເຮັດຫຼ້ອນໜ້າທີ່ຕາມເປົ້າໝາຍທີ່ວາງໄວ້.

ຕອນເຊົ້າວັນດຽວກັນ, ໄດ້ມີພິທີມອບ-ຮັບສິ່ງຍ້ອງຍໍຂອງ ຄະນະກຳມະການເລືອກຕັ້ງລະດັບຊາດ ຈາກໜ່ວຍງານ ຍ້ອງຍໍ ຂອງອະນຸກຳມະການໂຄສະນາ, ປຸກລະດົມຂະບວນການ ແລະຍ້ອງຍໍ ຂັ້ນສູນກາງ ຮ່ວມກັບໜ່ວຍງານ ຍ້ອງ ຍໍຂັ້ນແຂວງ ໃນບັ້ນເລືອກຕັ້ງ ສະມາຊິກສະພາແຫ່ງຊາດ ຊຸດທີ VIII ແລະສະມາຊິກສະພາປະຊາຊົນແຂວງ ຊຸດທີ I ໂດຍການກ່າວມອບຂອງທ່ານ ນາງ ບົວພັນ ລີໄກຢາ ກຳມະນຄະນະປະຈຳສະພາແຫ່ງຊດ, ປະທານກຳມາທິການ ບັນດາເຜົ່າ ທັງເປັນກຳມະການ ອະນຸກຳມະການປຸກລະ ດົມຂະບວນການ ແລະຍ້ອງຍໍ ແລະກກ່າວຮັບໂດຍທ່ານ ສີວິໄລ ປັນແກ້ວ ຫົວໜ້າພະແນກຖະແຫຼງຂ່າວ, ວັດທະນະທຳ ແລະທ່ອງທ່ຽວ ທັງເປັນຫົວໜ້າ ອະນຸກຳມະການປຸກລະດົມ ຂະບວນການ ແລະຍ້ອງຍໍຂັ້ນແຂວງ; ມີທ່ານ ກົງເພັດ ແກ້ບົວພາ ຮອງປະທານສະພາປະຊາຊົນແຂວງ, ພະນັກ ງານຈາກສູນກາງ ແລະແຂວງເຂົ້າຮ່ວມ.

ສິ່ງຍ້ອງຍໍທີ່ນຳມາມອບຄັ້ງນີ້ ປະກອບມີໃບຫຼຽນໄຊແຮງງານຊັ້ນ II ຈຳນວນ 80 ໃບ ແລະຫຼຽນ 72 ຫຼຽນ, ໃບຫຼຽນ ໄຊແຮງງານ ຊັ້ນ III 175 ໃບ ແລະຫຼຽນ 161 ຫຼຽນ, ໃບຫຼຽນກາແຮງງານ 330 ໃບ ແລະຫຼຽນກາ 300 ຫຼຽນ, ໃບຍ້ອງ ຍໍຂອງ ຄະນະກຳມະການເລືອກຕັ້ງລະດັບຊາດ 1.081 ໃບ, ໃບຍ້ອງຍໍ ຂອງຄະນະກຳມະການເລືອກຕັ້ງຂັ້ນແຂວງ 2.389 ໃບ, ແລະໃບຊົມເຊີຍຂອງ ຄະນະກຳມະການເລືອກຕັ້ງຂັ້ນແຂວງ ພ້ອມດ້ວຍຄະນະຊີ້ນຳ ສືບຕໍ່ຈັດຕັ້ງພິທີມອບ-ຮັບ ໃຫ້ບຸກຄົນຢ່າງົມກຽດ

(ນາງ ອຳພອນ ສີປະເສີດ ແລະນາງ ວັນນິ ແຝງບົວພັນ)

 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: