ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ກໍາມາທິການຕ່າງປະເທດ ແລະກະຊວງການຕ່າງປເທດ ຫາລືວຽກງານ ຮ່ວມກັນ

ໂດຍປະຕິບັດຕາມ ກອງປະຊຸມຄະນະປະຈໍາ ສະພາແຫ່ງຊາດປະຈໍາເດືອນ ພຶດສະພາ ຜ່ານມາ ທີ່ໄດ້ຊີ້ໃຫ້ທຸກກໍາມາທິການ ໃນສະພາແຫ່ງຊາດ ປະສານ ສົມທົບຢ່າງໃກ້ຊິດ ກັບບັນດາຂະແໜງການຂອງຕົນ ເພື່ອກະກຽມໃຫ້ແກ່ ການເປີດກອງປະຊຸມສະໄໝສາມັນເທື່ອທີ່ 1 ຂອງສະພາແຫ່ງຊາດຊຸດທີVIII

ໂດຍສະເພາະແມ່ນສຸມໃສ່ໃນຂົງເຂດການສ້າງ ແລະປັບປຸງກົດໝາຍ, ວຽກ ງານຕິດຕາມກວດກາ, ລາຍງານສະພາບໂດຍລວມ ເພື່ອສະຫຼຸບສັງລວມ ຂຶ້ນ ໃຫ້ແກ່ຄະນະປະຈໍາສະພາແຫ່ງຊາດ ພິຈາລະນາ. ໃນຕອນເຊົ້າຂອງວັນທີ 13 ກໍລະກົດ 2016, ທີ່ປະຊຸມຄະນະເລຂາທິການສະພາແຫ່ງຊາດ ໄດ້ຈັດກອງປະຊຸມປຶກສາຫາລືລະຫວ່າງ ກໍາມາທິການ ການຕ່າງປະເທດ ແລະກະຊວງການຕ່າງປະເທດ, ໂດຍເປັນປະທານຮ່ວມຂອງ ທ່ານ ເອກສະຫວ່າງ ວົງວິຈິດ ກຳມະ ການຄະນະປະຈໍາສະພາແຫ່ງຊາດ, ປະທານກໍາມາທິການການຕ່າງປະເທດ ແລະທ່ານ ສະເຫລີມໄຊ ກົມມະສິດ ລັດຖະ ມົນຕີກະຊວງຕ່າງປະເທດ.

ກອງປະຊຸມໄດ້ສະເໜີກ່ຽວກັບ ນິຕິກໍາລຸ່ມກົດໝາຍທີ່ມີຢູ່ ແຜນການສ້າງນິຕິກໍາ ໃນຂົງເຂດວຽກງານຕ່າງປະເທດ ທີ່ຈະນໍາສະເໜີຕໍ່ກອງປະຊຸມສະພາແຫ່ງຊາດ, ຮັບຟັງການລາຍງານ ການເຄື່ອນໄຫວວຽກງານ ຕ່າງປະເທດທີ່ພົ້ນ ເດັ່ນຂອງ ສປປລາວ ແລະບາງບັນຫາທີ່ລັດຖະບານສົມທົບ ແລະວິທີເຮັດວຽກ ລະຫວ່າງກໍາມາທິການ ການຕ່າງປະເທດ ກັບກະຊວງການຕ່າງປະເທດ.

ໃນຕອນທ້າຍຂອງກອງປະຊຸມທ່ານ ເອກສະຫວ່າງ ວົງວິຈິດໄດ້ກ່າວວ່: ຜ່ານການປຶກສາຫາລື ແລະແລກປ່ຽນຄໍາຄິດ ຄໍາເຫັນຮ່ວມກັນ ແມ່ນໄດ້ຮັບໝາກຜົນ ແລະມີຜົນສໍາເລັດຕາມຄາດໝາຍທີ່ວາງໄວ້ ທັງມີຄວາມອຸດົມສົບູນ ດ້ານ ເນື້ອໃນ, ມີຄວາມເຂົ້າອົກເຂົ້າໃຈຕໍ່ກົນໄກການເຮັດວຽກ ແລະການປະສານງານ; ສະພາແຫ່ງຊາດໄດ້ຕິດຕາມ ເຫັນໄດ້ ເຖິງຄວາມພະຍາຍາມ ຂອງກະຊວງການຕ່າງປະເທດ ໃນການເຄື່ອນໄຫວຢ່າງຕັ້ງໜ້າໃນເວທີສາກົນ ແລະພາກພື້ນ ຕາມຍຸດທະສາດ ການຕ່າງປະເທດຂອງຕົນຢ່າງມີປະສິດທິພາບ ແລະຄວາມຮັບຜິດຊອບສູງ ໂດຍສະເພາະແມ່ນ ການຂຸ້ນຂ້ຽວ ສຸມໃສ່ກອງປະສຸມສຸດຍອດອາຊຽນ ທີ່ລາວເປັນເຈົ້າພາບ ເຊິ່ງເປັນພາລະໜ້າທີອັນມີກຽດ ແລະໜັກ ໝ່ວງສົມຄວນ; ແຕ່ເຊື່ອໝັ້ນສູງ ພາຍໃຕ້ການນໍາພາຂອງລັດຖະບານ, ທ່ານລັດຖະມົນຕີ ແລະນັກວິຊາການທີ່ມີ ປະສົບການ ໃນການກະກຽມກອງປະຊຸມ ມາຫລາຍແລ້ວ ຈະສາມາດຈັດຕັ້ງນໍາພາກອງປະຊຸມ ທີ່ມີຄວາມສໍາຄັນນີ້ ສໍາເລັດໄປດ້ວຍດີ.

(ນາງສຸພາວັນ ຫອມສະນິດ)

 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: