ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ສະມາຊິກສະພາແຫ່ງຊາດ ແລະສະມາຊິກສະພາປະຊາຊົນແຂວງ ວຽງຈັນ ເຜີຍແຜ່ຜົນສຳເລັດ ກອງປະຊຸມຄັ້ງປະຖົມມະລືກ

(ສພຊ) ເພື່ອເຮັດໃຫ້ອົງການຈັດຕັ້ງພັກ-ລັດ, ຖັນແຖວພະນັກງານ-ລັດຖະ ກອນ, ທະຫານ-ຕົຫຼວດ, ນັກຮຽນຮູ້ປັນຍາຊົນ, ກຳມະກອນຊາວຜູ້ອອກ ແຮງງານ ຕະຫຼອດຮອດພໍ່ແມ່ປະຊາຊົນບັນດາເຜົ່າ ທົ່ວແຂວງໄດ້ຮັບຮູ້, ເຂົ້າໃຈ ແລະກຳໄດເນື້ອໃນກອງປະຊຸມ ແລໝູນໃຊ້ເຂົ້າສູ້ຊີວິດຕົວຈິງ ໃຫ້ ເກີດດອກອອກຜົນ. ວັນທີ 12 ກໍລະກົດຜ່ານມາ,

ຄະນະສະມາຊິກສະພາແຫ່ງຊາດ ແລະສະມາຊິກສະພາປະຊາຊົນແຂວງວຽງ ຈັນ ປະຈຳເຂດເລືອກຕັ້ງ ເມືອງທຸລະຄົມ ນຳໂດຍທ່ານ ນາງ ບົວວັນ ທຳມະ ວົງ ຮອງປະທານສະພາປະຊາຊົນແຂວງ ໄດ້ລົງເຄື່ອນໄຫວ ຜົນສຳເລັດ ກອງປະຊຸມຄັ້ງປະຖົມມະລືກ ຂອງສະພາແຫ່ງ ຊາດຊຸດທີ VIII ແລະຂອງ ສະພາປະຊາຊົນແຂວງ ຊຸດທີ I ຢູ່ເຂດເມືອງທຸລະຄົມ ໂດຍສະເພາະແມ່ນເຂດກຸ່ມບ້ານ ນາແພງ ມີ 9 ບ້ານ ແລະຈຸດສະໂມສອນເຂື່ອນໄຟຟ້ານ້ຳມັງ 3; ເຂົ້າຮ່ວມຮັບຟັງມີບັນດາ ຄະນະພັກບ້ານແຕ່ລະບ້ານ, ພະນັກງານໄຟຟ້າ, ພໍ່ແມ່ປະຊາຊົນຜູ້ມີສິດເລືອກຕັ້ງລວມ 100 ກວ່າຄົນ.

ທັງນີ້ ກໍເພື່ອເປັນການລົງຮາກຖານ; ນຳເອົາແນວທາງນະໂຍບາຍ ຂອງພັກ ແລະລະບຽບກົດໝາຍຂອງລັດ, ເນື້ອໃນ ກອງປະຊຸມຄັ້ງປະຖົມມະລືກ ຂອງສະພາແຫ່ງຊາດຊຸດທີ VIII ແລະຂອງ ສະພາປະຊາຊົນແຂວງ ຊຸດທີ I ຕິດພັນກັບການ ສືບຕໍ່ຜັນຂະຫຍາຍມະຕິກອງປະຊຸມໃຫຍ່ຄັ້ງທີ X ຂອງພັກ ແລະຄັ້ງທີ V ຂອງອົງຄະນະພັກແຂວງວຽງຈັນ; ປະຕິບັດ ພາລະບົດບາດໃນການຕິດຕາມກວດກາ ເປັນຕົ້ນ: ວຽກງານກໍ່ສ້າງຮາກຖານການເມືອງ ພັດທະນາຊົນນະບົດ ຮອບ ດ້ານ ແລະວຽງກງານ 3 ສ້າງ. ຊຸກຍູ້ຕິດຕາມກວດກາ ການຈັດຕັ້ງແຜນພັດທະນາເສດຖະກິດ-ສັງຄົມ, ບັນດາກິດຈະ ການໂຄງການລົງທຶນຂອງລັດ ໃນການພັດທະນາພື້ນຖານໂຄງລ່າງ, ການຈັດຕັ້ງປະຕິບັດລັດຖະທຳມະນູນ ແລະກົດ ໝາຍຢູ່ຮາກຖານ. ທັງເປັນການປະຕິບັດພາລະບົດບາດເປັນຕົວແທນ ຂອງປະຊາຊົນບັນດາເຜົ່າ ເປັນຕົ້ນການຮັບ ຟັງຄຳຄິດຄຳເຫັນ, ຄຳສະເໜີ ແລະຄວາມມຸ່ງມາດປາຖະໜາຂອງປະຊາຊົນ ໄປປຶກສາຫາລືນຳພາກສ່ວນທີ່ກ່ຽວຂ້ອງ ເປັນຜູ້ພິຈາລະນາແກ້ໄຂ.

ພາຍຫຼັງທີ່ບັນດາ ສະມາຊິກສະພາແຫ່ງຊາດ ແລະສະມາຊິກສະພາປະຊາຊົນແຂວງ ໄດ້ຜັດປ່ຽນກັນຂຶ້ນເຜີຍແຜ່ ຜົນສຳເລັດ ຂອງກອງປະຊຸມແລ້ວ ຜູ້ເຂົ້າຮ່ວມຮັບຟັງຍັງໄດ້ມີຄຳສະເໜີ ເປັນຕົ້ນແມ່ນຊ່ວຍພື້ນທີ່ເຂດນ້ຳຖ້ວມ ເຮັດການຜະລິດບໍ່ໄດ້, ແກ້ໄຂຊົນລະປະທານ ເຊິ່ງປັດຈຸບັນຊົມໃຊ້ບໍ່ໄດ້ເພາະເປ່ເພ, ຢາກໃຫ້ພະນັກງານວິຊາການ ກະສິກຳລົງມາຊ່ວຍແນະນຳ ການຜະລິດ, ບັນຫາການວ່າງງານຂອງລູກຫຼານໃນບ້ານ ແລະບັນຫາສິ່ງເສບຕິດ; ຈາກນັ້ນ, ບັນດາທ່ານ ສະມາຊິກສະພາແຫ່ງຊາດ ແລະສະມາຊິກສະພາປະຊາຊົນແຂວງ ກໍໄດ້ຊີ້ແຈງອະທິບາຍຕໍ່ບັນຫາດັ່ງກ່າວ ແລະຈະນຳເອົາຄຳສະເໜີຂອງປະຊາຊົນ ສະເໜີຕໍ່ພາກສ່ວນກ່ຽວຂ້ອງນຳໄປແກ້ໄຂໃຫ້ທ່ວງທັນ.

(ກົງທະນູຄຳ ພິພັດເສລີ)

 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: