ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ອຸປະທູດການາດາ ຢ້ຽມຂໍ່ານັບປະທານກຳມາທິການ ການຕ່າງປະເທດ

(ສພຊ) ຕອນບ່າຍວັນຈັນທີ 4 ກໍລະກົດຜ່ານມາ, ທ່ານ ນາງ ລີແອນ ເຮີມາ (Lee – Anne Hermann) ອຸປະທູດການາດາປະຈຳ ສປປລາວ ພ້ອມດ້ວຍ ຄະນະ ໄດ້ເຂົ້າຢ້ຽມຂໍ່ານັບທ່ານ ເອກະສະຫວ່າງ ວົງວິຈິດ ປະທານກຳມາທິ ການຕ່າງປະເທດ ສະພາແຫ່ງຊາດ ເພື່ອສະເໜີຕົວໃນຖານະທີ່ມາຮັບໜ້າ ທີ່ທູດການາດາ ທີ່ ສປປລາວ.

ໃນການຢ້ຽມຂໍ່ານັບ, ນາງ ລີແອນ ເຮີມາ ໄດ້ແຈ້ງໃຫ້ຊາບໃນການເປີດຫ້ອງ ການ ສະຖານທູດການາດາ ທີ່ນະຄອນຫຼວງວຽງຈັນ, ສປປລາວ ແມ່ນອີງ ຕາມຄຳໝັ້ນໝາຍຂອງທ່ານ ລັດຖະມົນກະຊວງການຕ່າງປະເທດ ຂອງການາດາຕໍ່ອາຊຽນເຊິ່ງຈະຕ້ອງມີຫ້ອງການ ສະຖານທູດໃນທຸກປະເທດສະມາຊິກ ທັງຈະເພີ່ມທະວີການຮ່ວມມືໃນວຽກງານດ້ານການຄ້າ, ການລົງທຶນ, ການຮ່ວມ ມືແບບສອງຝ່າຍໃນຂອບອາຊຽນ ເພື່ອແກ້ໄຂບັນຫາຕ່າງໆ ເຊັ່ນຜົນກະທົບຈາກສະພາບອາກາດປ່ຽນແປງ, ໄພທຳມະ ຊາດເປັນຕົ້ນ; ພ້ອມນັ້ນ, ທ່ານອຸປະທູດຍັງໄດ້ສະແດງຄວາມສົນໃຈ ກ່ຽວກັບກົນໄກການເຮັດວຽກຂອງ ກຳມາທິ ການການຕ່າງປະເທດ ແລະແຈ້ງໃຫ້ຮູ້ວ່າການາດາຍິນດີສົ່ງເສີມ ດ້ານການຄ້າ, ການລົງທຶນໃນຂະແໜງການຕ່າງໆຢູ່ ສປປລາວ ອີກດ້ວຍ.

ທ່ານ ເອກະສາຫວ່າງ ວົງວິຈິດ ໄດ້ສະແດງຄວາມຍິນດີຕ້ອນຮັບ ແລະຊົມເຊີຍຕໍ່ການສ້າງຕັ້ງ ຫ້ອງການສະຖານທູດ ການາດາ ປະຈຳ ສປປລາວ ເຊິ່ງເປັນການອຳນວຍຄວາມສະດວກ ໃຫ້ແກ່ການປະສານງານ ແລະການຮ່ວມມືໃຫ້ກັບ ນັກລົງທຶນ ການາດາທີ່ມາລົງທຶນໃນ ສປປລາວ ທັງເປັນການປະກອບສ່ວນເສີມຂະຫຍາຍ ສາຍພົວພັນລະຫວ່າງ ສອງປະເທດ ໃຫ້ນັບມື້ດີຍິ່ງຂຶ້ນ; ຈາກນັ້ນ, ໄດ້ແຈ້ງໃຫ້ຊາບກ່ຽວກັບພາລະບົດບາດ ແລະໜ້າທີ່ຂອງກຳມາທິການ ຕ່າງປະເທດ ແລະສະເໜີໃຫ້ການາດາພິຈາລະນາເພີ່ມທຶນຊ່ວຍເຫຼືອ ສປປລາວ ໃນບັນດາໂຄງການແກ້ໄຂຫຼຸດຜ່ອນ ຄວາມທຸກຍາກ, ພົ້ນຈາກປະເທດດ້ວຍພັດທະນາ, ການສ້າງຄວາມເຂັ້ມແຂງຄວາມອາດສາມາດ ຂອງສະພາແຫ່ງ ຊາດຕື່ມອີກ.

(ນາງ ປາກາລັກ ພົມມີໄຊ)

 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: