ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ມອບ-ຮັບໜ້າທີ່ຄະນະຈັດຕັ້ງແຂວງຜົ້ງສາລີ ແລະເລຂາທິການ ສະພາປະຊາຊົນແຂວງອັດຕະປື

(ສພຊ) ຕອນເຊົ້າວັນທີ 28 ມິຖຸນາ ຜ່ານມາ ທີ່ຫ້ອງປະຊຸມຄະນະປະຈຳ ພັກແຂວງ ໄດ້ມີພິທີມອບ-ຮັບໜ້າທີ່ ລະຫວ່າງຫົວໜ້າຄະນະຈັດຕັ້ງ ແຂວງ ຜົ້ງສາລີ ຜູ້ເກົ່າ ແລະຜູ້ໃໝ່ ໂດຍເຂົ້າຮ່ວມເປັນສັກຂີພະຍານມີ ທ່ານ ແພງ ລີລາວົງ ຮອງເລຂາພັກແຂວງ ຜູ້ນຳວຽກງານ ພັດທະນາຊົນນະບົດ ແລະລຶບ ລ້າງຄວາມທຸກຍາກຂັ້ນແຂວງ,

ທ່ານ ບົວທອງ ອຸແສງຄຳ ຮອງເລຂາພັກແຂວງ, ປະທານສະພາປະຊາ ຊົນແຂວງ ພ້ອມດ້ວຍບັນດາທ່ານ ຄະນະພະແນກ ແລະພາກສ່ວນກ່ຽວຂ້ອງ ຕະຫຼອດຮອດພະນັກງານ-ລັດຖະກອນພາຍໃນ ຄະນະຈັດຕັ້ງແຂວງ.

ໃນພິທີ, ຄະນະຈັດຕັ້ງໄດ້ຂຶ້ນຜ່ານມະຕິຕົກລົງ ຂອງຄະນະປະຈຳພັກແຂວງ ວ່າດ້ວຍການແຕ່ງຕັ້ງໃຫ້ພະນັກງານ ດຳລົງຕຳແໜ່ງ ບໍລິຫານ ສະບັບເລກທີ 108/ຄພຂ.ຜລ, ລົງວັນທີ 26 ພຶດສະພາ 2016 ໃນນີ້, ໄດ້ແຕ່ງຕັ້ງທ່ານ ນາງ ຈັນມະນີ ນາມວົງ ກຳມະການພັກແຂວງ, ຫົວໜ້າຄະນະຈັດຕັ້ງແຂວງຜູ້ໃໝ່; ຈາກນັ້ນ, ທ່ານ ບົວທອງ ອຸແສງຄຳ ຫົວໜ້າຄະນະຈັດຕັ້ງແຂວງຜູ້ເກົ່າ ແລະໃໝ່.

(ວິເສດ ສີວິໄລ)

ວັນທີ 30 ໃນເດືອນດຽວກັນ ທີ່ຫ້ອງການເລຂາທິການ ສະພາປະຊາຊົນແຂວງ ແຂວງອັດຕະປື ໄດ້ມີພິທີມອບ-ຮັບ ຕຳແໜ່ງໃໝ່ລະຫວ່າງທ່ານ ບົວລະພັນ ວົງຊາລະຊິດ ຫົວໜ້າວ່າການ ສະພາແຫ່ງຊາດ ປະຈຳເຂດເລືອກຕັ້ງ(ຜູ້ເກົ່າ) ກັບທ່ານ ແກ້ວວົງວຽນ ບຸດສະວົງ ສະມາຊິກສະພາປະຊາຊົນແຂວງ, ຮອງຫົວໜ້າຫ້ອງວ່າການປົກຄອງແຂວງ; ມີທ່ານ ເພັດແກ້ວ ເຮືອງປັນຍາ ແລະທ່ານ ນາງ ພອນມະນີ ຂຽນໄຊຍະວົງ ຮອງປະທານ ສະພາປະຊາຊົນແຂວງ ພ້ອມ ດ້ວຍບັນດາທ່ານຕາງໜ້າ ຈາກພະແນກພາຍໃນແຂວງ, ໂຄສະນາອົບຮົມແຂວງ, ແນວລາວສ້າງຊາດ ຕະຫຼອດ ຮອດ ພະນັກງານກ່ຽວຂ້ອງ ເຂົ້າຮ່ວມເປັນສັກຂີພະຍານ 40 ກວ່າຄົນ.

ໃນພິທີ, ທ່ານ ບົວໄລ ກົມມະສິດ ຄະນະຈັດຕັ້ງແຂວງ ໄດ້ຂຶ້ນຜ່ານມະຕິກອງປະຊຸມສະພາປະຊາຊົນແຂວງ ວ່າດ້ວຍ ການຮັບຮອງໂຄງປະກອບກົງຈັກການຈັດຕັ້ງ ແລະບຸກຄະນະລາກອນຂອງ ສະພາປະຊາຊົນແຂວງອັດຕະປື ຊຸດທີ I; ຈາກນັ້ນ, ທ່ານ ບົວລະພັນ ວົງຊາລະຊິດ ໄດ້ຂຶ້ນຜ່ານບົດລາຍງານ ການເຄື່ອນໄຫວວຽກງານຕະຫຼອດ 5 ປີ ຜ່ານມາ ຂອງຫ້ອງວ່າການສະພາແຫ່ງຊາດ ປະຈຳເຂດເລືອກຕັ້ງ ແລະຈຸດດີ, ຈຸດອ່ອນ ແລະຂໍ້ຄົງຄ້າງຕ່າງໆ ໃນຕະຫຼອດການ ປະຕິບັດໜ້າທີ່ວຽກງານ. ພ້ອມນັ້ນ, ທ່ານ ເພັດແກ້ວ ເຮືອງປັນຍາ ໄດ້ຂຶ້ນມີຄຳເຫັນເນັ້ນໃສ່ສັບຊ້ອນບຸກຄະລາກອນ ຈັດວາງໜ້າທີ່ໃຫ້ຕອບສະໜອງ ກັບໜ້າທີວຽກງານການເມືອງ ໃນໄລຍະໃໝ່, ສືບຕໍ່ຮັກສາຜົນງານດ້ານດີ ແລະປັບ ປຸງດ້ານທີ່ຍັງອ່ອນ ເພື່ອເປັນເສນາທິການໃຫ້ແກ່ ສະມາຊິກສະພາແຫ່ງຊາດ ຊຸດທີ VIII ແລະສະມາຊິກສະພາປະຊາ ຊົນແຂວງອັດຕະປື ໃຫ້ມີຜົນສຳເລັດດີຂຶ້ນເລື້ອຍໆ.

ໃນຕອນທ້າຍ, ແກ້ວວົງວຽນ ບຸດສະວົງ ຫົວໜ້າເລຂາທິການ ສະພາແຫ່ງຊາດຄົນໃໝ່ ໄດ້ກ່າວຮັບໜ້າທີ່ ແລະຮຽກ ຮ້ອງໃຫ້ພະນັກງານ-ລັດຖະກອນ ຈົ່ງຮ່ວມແຮງຮ່ວມໃຈເປັນຈິດໜຶ່ງໃຈດຽວກັນ ເພື່ອຈັດຕັ້ງປະຕິບັດວຽກງານ ໃຫ້ປະ ສົບຜົນສຳເລັດ ແຕ່ລະດ້ານ, ເອົາໃຈໃສ້ຄົ້ນຄວ້າຂີດຂຽນ ເພື່ອເປັນເສານາທິການໃຫ້ ສະມາຊິກສະພາປະຊາຊົນແຂວງ, ປຸກລະດົມການເມືອງແນວຄິດ, ຊື່ສັດສຸດຈະລິດ, ກົງໄປກົງມາດ້ວຍເຫດ ແລະຜົນ, ເພີ່ມທະວີການປະສານງານ ກັບ ພາກສ່ວນກ່ຽວກັບ ພາກສ່ວນກ່ຽວຂ້ອງ ເພື່ອແກ້ໄຂຄຳຮ້ອງຂອງປະຊາຊົນ ໃຫ້ຖືກຕ້ອງ ແລະວ່ອງໄວ, ມີນ້ຳໃຈຮັບ ໃຊ້ປະຊາຊົນ, ຕ້ານປາກົດການຫຍໍ້ທໍ້ຕ່າງໆ ເພື່ອເຮັດໃຫ້ປະສິດທິພາບ ໃນການເຮັດວຽກດີຂຶ້ນເລື້ອຍໆ.

ສຳລັບທ່ານ ບົວລະພັນ ວົງຊາລະຊິດ ແມ່ນເປັນກຳມການ ຄະນະປະຈຳ ສະພາປະຊາຊົນແຂວງ ທັງເປັນປະທານຄະນະ ກຳມະການຍຸຕິທຳ ແລະປກຊ-ປກສ.

(ທະນົງສັກ ສີຫຼວງສົດ)

 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: