ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ສາລະວັນ ສຳເລັດກອງປະຊຸມຄັ້ງປະຖົມມະລືກ ສະພາປະຊາຊົນແຂວງ

(ສພຊ) ກອງປະຊຸມຄັ້ງປະຖົມມະລືກ ຂອງສະພາປະຊາຊົນແຂວງ ສາລະ ວັນໄດ້ໄຂຂຶ້ນໃນລະວ່າງວັນທີ 29-30 ມິຖຸນາຜ່ານມາ ທີ່ສະໂມສອນແຂວງ, ພາຍໃຕ້ການເປັນປະທານຂອງທ່ານ ສີສຸວັນ ວົງຈອມສີ ເຈົ້າແຂວງໆດັ່ງ ກ່າວ; ໂດຍການເຂົ້າຮ່ວມຂອງທ່ານ ບຸນປອນ ສີສຸລາດ ກຳມະການຄະນະ ປະຈຳສະພາແຫ່ງຊາດ ທັງເປັນປະທານກຳມາທິການເສດຖະກິດ, ເຕັກໂນ ໂລຊີ ແລະສິ່ງແວດລ້ອມ

ພ້ອມດ້ວຍບັນດາທ່ານ ສະມາຊິກສະພາແຫ່ງຊາດ ແລະສະມາຊິກສະພາປະ ຊາຊົນແຂວງ ປະຈຳເຂດເລືອກຕັ້ງ, ການນຳພັກ-ລັດຂັ້ນແຂວງ-ເມືອງ, ປະທານອົງການກວດສອບ ປະຈຳພາກໃຕ້, ອະດີດສະມາຊິກສະພາແຫ່ງຊາດ, ພະນັກງານອາວຸໂສບຳນານ ແລະແຂກຖືກເຊີນ ລວມ 100 ກວ່າທ່ານ.

ທ່ານ ບຸນທຽມ ແກ້ວໄຊຍະວົງ ຮອງເລຂາພັກແຂວງ, ຫົວໜ້າຄະນະ ຈັດຕັ້ງແຂວງທັງເປັນຜູ້ປະຈຳການ ຄະນະກຳມະ ການເລືອກຕັ້ງຂັ້ນແຂວງ ໄດ້ລາຍງານຜົນຂອງການເລືອກຕັ້ງ ແລະຢັ້ງຢືນຄຸນລັກສະນະຂອງ ສະມາຊິກສະພາປະຊາ ຊົນແຂວງສາລະວັນ ຊຸດທີ I ເຊິ່ງມີທັງໝົດ 24 ທ່ານ ຍິງ 8 ທ່ານ; ຈາກນັ້ນ, ກອງປະຊຸມໄດ້ພິຈາລະນາ ຮັບຮອງເອົາ ໂຄງປະກອບກົງຈັກການຈັດຕັ້ງ ແລະບຸກຄະລາກອນ ຂອງສະພາປະຊາຊົນແຂວງຄື: ທ່ານ ຄຳເຫຼັກ ອິນດາວົງ ເປັນ ປະທານສະພາປະຊາຊົນແຂວງ ທັງເປັນປະທານຄະນະປະຈຳ ສະພາປະຊາຊົນແຂວງ, ສຳລັບຮອງປະທານ ທັງເປັນ ຮອງປະທານຄະນະປະຈຳມີ 2 ທ່ານຄື: ທ່ານ ທອງດີ ຈັນທະວົງ ແລະທ່ານ ນາງ ສູນໄຖ ໄຊຍະແສງ.

ຄະນະກຳມະການຂອງ ສະພາປະຊາຊົນແຂວງ ປະກອບມີດັ່ງນີ້:

1 ຄະນະກຳມະການຍຸຮຕິທຳ ແລະ ປກຊ-ປກສ, ທ່ານ ສຸກສະຫວັນ ຈັນທິສຸກ ກຳມະການຄະນະປະຈຳ ເປັນປະທານ, ທ່ານ ພັທ. ນາງ ທອງເຫຼືອງ ໂຄດປັນຍາ ເປັນຮອງປະທານ;

2 ຄະນະກຳມະການເສດຖະກິດ ແຜນການ ແລະການເງິນ, ທ່ານ ໂພສີ ແກ້ວສີພັນດອນ ເປັນປະທານ, ທ່ານ ນາງ ກຸແກ້ວ ທອງມະນີລາ ເປັນຮອງປະທານ;

3 ຄະນະກຳມະການວັດທະນະທຳ-ສັງຄົມ ແລະບັນດາເຜົ່າ, ທ່ານ ສົມເລັດ ຈູລະມະນີ ກຳມະການຄະນະປະຈຳ ເປັນປະ ທານ, ທ່ານ ບຸນລ້ຽງ ນໍລະສິງ;

ທ່ານ ສາຍສະໝອນ ອິນທິເສນ ກຳມະການຄະນະປະຈຳ ເປັນເລຂາທິການສະພາປະຊາຊົນແຂວງ.

ກອງປະຊຸມໄດ້ຮັບຮອງເອົາທ່ານ ສີສຸວັນ ຈອມວົງສີ ເປັນເຈົ້າແຂວງ, ສຳລັບຮອງເຈົ້າແຂວງມີ 3 ທ່ານຄື: ທ່ານ ບົວທອງ ຄຸນຍອດປັນຍາ, ທ່ານ ວິຊຽນ ນະວິກຸນ ແລະທ່ານ ພູທົງ ຄຳມະນີວົງ.

ຮັບຮອງເອົາໂຄງປະກອບກົງຈັກ ຂອງອົງການປົກຄອງຂັ້ນແຂວງ ລວມທັງໝົດມີ 16 ພະແນກການ, 2 ອົງການທຽບ ເທົ່າ ເຊິ່ງປະກອບມີດັ່ງນີ້:

1 ທ່ານ ພັອ. ພູວຽງ ຫຼ່ຽມມະວົງສາ ເປັນຫົວໜ້າກອງບັນຊາການທະຫານ;

2 ທ່ານ ຄຳຈັນ ແຈ່ມສະໝອນ ເປັນປະທານກວດກາ ພັກ-ລັດ;

3 ທ່ານ ພັອ. ພູວັນ ນາຊຽງຄຳ ເປັນຫົວໜ້າກອງບັນຊາການ ປກສ;

4 ທ່ານ ຂັນໄຊ ຣັດຖະເຮົ້າ ເປັນຫົວໜ້າພະແນກພົວພັນຕ່າງປະເທດ;

5 ທ່ານ ແສງອາລຸນ ບຸນພາສີ ເປັນຫົວໜ້າພະແນກພາຍໃນ;

6 ທ່ານ ໄຊຍະເດດ ເປັນຫົວໜ້າພະແນກແຜນການ ແລະການລົງທຶນ;

7 ທ່ານ ສີລິສັກ ຖະໜອມຮັກ ເປັນຫົວໜ້າພະແນກສຶກສາທິການ ແລະກິລາ;

8 ທ່ານ ສົມໃຈ ອຸ່ນຈິດ ເປັນຫົວໜ້າພະແນກຖະແຫຼງຂ່າວ, ວັດທະນະທຳ ແລະທ່ອງທ່ຽວ;

9 ທ່ານ ດຣ. ບົວໄລ ແສນແກ້ວມີກໍ ເປັນຫົວໜ້າພະແນກສາທາລະນະສຸກ;

10 ທ່ານ ອະນຸສັກ ຈຳປາຄຳ ເປັນຫົວໜ້າພະແນກກະສິກຳ ແລະປ່າໄມ້;

11 ທ່ານ ແສງດາລິດ ກັດຕິຍະສັກ ເປັນຫົວໜ້າພະແນກໂຍທາທິການ ແລະຂົນສົ່ງ;

12 ທ່ານ ສະໄໝ ໂພທິສານ ເປັນຫົວໜ້າຫ້ອງວ່າການແຂວງ;

13 ທ່ານ ແສງທອງ ສີອ່ອນສາ ເປັນຫົວໜ້າພະແນກຍຸຕິທຳ;

14 ທ່ານ ຂັນທະລັກ ໂພໄຊ ເປັນຫົວໜ້າພະແນກການເງິນ;

15 ທ່ານ ບຸນຍົງ ພາສີ ເປັນຫົວໜ້າແຮງງານ ແລະສະຫວັດດີການ-ສັງຄົມ;

16 ທ່ານ ສີສຸພັນ ເທບວົງສາ  ເປັນຫົວນ້າພະແນກອຸດສາຫະກຳ ແລະການຄ້າ;

17 ທ່ານ ຄຳພີ ໂຄດປັນຍາ ເປັນຫົວໜ້າພະແນກໄປສະນີ, ໂທລະຄົມມະນາຄົມ ແລະການສື່ສານ;

18 ທ່ານ ບຸນມາ ແກ້ວອ່ອນສາ  ເປັນຫົວໜ້າພະແນກພະລັງງານ ແລະບໍ່ແຮ່;

19 ທ່ານ ສີສຸດອນ ອັງຄະໄລ ເປັນຫົວຫນ້າພະແນກວິທະຍາສາດ ແລະເຕັກໂນໂລຊີ;

20 ທ່ານ ອຸ່ນເຮືອນ ລືສີສະໝຸດ  ເປັນຫົວຫນ້າພະແນກຊັບພະຍາກອນທຳມະຊາດ ແລະສິ່ງແວດລ້ອມ.

ຮັບຮອງເອົາທ່ານ ແຫວນເພັດ ລັດດາວົງ ເປັນຫົວໜ້າ ອົງການໄອຍະການປະຊາຊົນແຂວງ ແລະທ່ານ ວິໄລ ສີລາດວງໃຈ ເປັນປະທານສານປະຊາຊົນແຂວງ.

ນອກນັ້ນ, ຍັງໄດ້ຮັບຮອງ ເອົາວິໄສທັດຮອດປີ 2030, ຍຸດທະສາດຮອດປີ 2025, ແຜນພັດທະນາເສດຖະກິດ-ສັງຄົມ ແລະແຜນງົບປະມານ 5 ປີ (2016-2020) ຂອງແຂວງ; ແຜນດຳເນີນງານ 5 ປີ ສະພາປະຊາຊົນແຂວງ.

(ຄັດສອນ ຮຸ່ງສະຫວ່າງ)

 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: