ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ການເຄື່ອນໄຫວຢູ່ ສະພາທ້ອງຖິ່ນ

(ສພຊ) ວັນທີ 24 ມິຖຸນາຜ່ານມາ, ກອງປະຊຸມຄະນະປະຈຳ ສະພາປະຊາຊົນແຂວງຫຼວງພະບາງ, ພາຍໃຕ້ການເປັນປະ ທານຂອງທ່ານຂອງທ່ານ ສາຍສະໝອນ ຄົມທະວົງ ຮອງເລຂາພັກແຂວງ, ມີບັນດາຮອງປະທານ ແລະກຳມະການ ຄະນະປະຈຳ, ເລຂາທິການ ສະພາປະຊາຊົນແຂວງ, ຮອງປະທານຄະນະກຳມະການ ແລະພະນັກງານກ່ຽວຂ້ອງເຂົ້າຮ່ວມ ທັງໝົດ 10 ທ່ານ ຍິງ 1 ທ່ານ.

ກອງປະຊຸມໄດ້ຮັບຟັງລາຍງານ ການຈັດຕັ້ງປະຕິບັດວຽກງານປະຈຳເດືອນມິຖຸນາ 2016 ໂດຍທ່ານ ກໍລະກັນ ພົມມະວົງ ກຳມະການຄະນະປະຈຳ, ເລຂາທິການສະພາປະຊາຊົນຂັ້ນແຂວງ; ຈາກນັ້ນ, ກອງປະຊຸມໄດ້ພ້ອມກັນຄົ້ນຄວ້າ, ພິຈາລະ ນາ, ປະກອບຄຳຄິດຄຳເຫັນໃສ່ບັນດາເນື້ອໃນທີ່ສຳຄັນເຊັ່ນ: ມະຕິຕົກລົງຂອງປະທານຄະນະປະຈຳ ສະພາປະຊາຊົນ ແຂວງ ວ່າດ້ວຍການແບ່ງຄວາມຮັບຜິດຊອບ ຂອງຄະນະປະຈຳສະພາປະຊາຊົນແຂວງ; ວ່າດ້ວຍການບັນຈຸ, ສັບຊ້ອນ ສະມາຊິກສະພາປະຊາຊົນແຂວງ ເຂົ້າສັງກັດໃນແຕ່ລະນຄະນະກຳມະການ; ໂຄງປະກອບການຈັດຕັ້ງ ຂອງຄະນະກຳມະ ການຈັດຕັ້ງ ຂອງຄະນະກຳມະການ ແລະຄະນະເລຂາທິການພາຍໃນສະພາປະຊາຊົນແຂວງ; ແຜນການເຄື່ອນໄຫວ ຈັດຕັ້ງຜັນຂະຫຍາຍ ມະຕິກອງປະຊຸມຄັ້ງປະຖົມມະລືກ ຂອງສະພາປະຊາຊົນຊຸດທີ I; ແຜນການເຄື່ອນໄຫວວຽກງານ ປະຈຳເດືອນ ກໍລະກົດ 2016 ຂອງຄະນະປະຈຳສະພາປະຊາຊົນແຂວງ  ແລະຮັບຟັງກ່ຽວກັບຄຳຮ້ອງຂໍຄວາມເປັນທຳ ຂອງປະຊາຊົນໃນໄລຍະຜ່ານມາ.

ບັນດາທ່ານຄະນະປະຈຳ ສະພາປະຊາຊົນແຂວງ ໄດ້ຍົກສູງຄວາມຮັບຜິດຊອບຂອງຕົນ ໃນການປະກອບຄຳຄິດຄຳເຫັນ ໃສ່ ແຕ່ລະເນື້ອໃນຢ່າງມີຈຸດສຸມ ເພື່ອຮັບປະກັນເຮັດໃຫ້ເນື້ອໃນຕ່າງໆ ມີຄວາມຖືກຕ້ອງ, ສອດຄ່ອງກັບກົດໝາຍ, ສາມາດນຳໄປຜັນຂະຫຍາຍຍເປັນແຜນ ແລະນຳໄປຈັດຕັ້ງປະຕິບັດໃຫ້ສຳເລັດຕາມຈຸດປະສົງ ແລະລະດັບຄາດໝາຍ ທີ່ວາງໄວ້.

(ຄຳດີພັນທະລີ)

ໃນວັນດຽວກັນ, ທີ່ຫ້ອງປະຊຸມຄະນະເລຂາທິການ ສະພາປະຊາຊົນແຂວງຫົວພັນ ໄດ້ເປີດກອງປະຊຸມໃຫຍ່ ສະຫະພັນ ແມ່ຍິງ ຄັ້ງທີ III ໂດຍການເປັນປະທານຂອງສະຫາຍ ນາງ ພອນສີ ໄຊຍະບຸນ ປະທານໜ່ວຍແມ່ຍິງຄະນະເລຂາທິການ ສະພາປະຊາຊົນແຂວງ, ມີສະຫາຍ ນາງ ອຳໄພວອນ ລ້ອມບຸນແພງ ກຳມະການພັກແຂວງ, ຮອງປະທານ ສະພາປະຊາ ຊົນແຂວງ ທັງເປັນຄະນະບໍລິຫານງານແມ່ຍິງແຂວງ ພ້ອມດ້ວຍບັນດາທ່ານຕ່າງໜ້າຄະນະພັກ, ອົງການຈັດຕັ້ງ ມະຫາຊົນ ແລະສະມາຊິກແມ່ຍິງທັງໝົດ 22 ຄົນ ຍິງ 19 ຄົນ.

ກອງປະຊຸມໄດ້ຮັບຟັງເອົາບົດລາຍງານການເມືອງ ຂອງໜ່ວຍແມ່ຍິງຄະນະເລຂາທິການ ສະພາປະຊາຊົນແຂວງຄັ້ງທີ III ແລະທິດທາງແຜນການກອງປະຊຸມໃຫຍ່ ຄັ້ງທີ III-IV (2016-2019), ການປະກອບຄຳຄິດຄຳເຫັນຈາກບັນດາສະຫາຍ ຕາງໜ້າອົງການຈັດຕັ້ງ ແລະສະມາຊິກແມ່ຍິງພາຍໃນໜ່ວຍ ໃສ່ຮ່າງບົດລາຍງານການເມືອງທັງສອງພາກ ຢ່າງເປັນ ເອກະພາບ; ພ້ອມນັ້ນຍັງໄດ້ຮັບຟັງບົດສຳຫຼວດ ການນຳພາຂອງຄະນະໜ່ວຍຊຸດເກົ່າ ເຊິ່ງໄດ້ຍົກໃຫ້ເຫັນຄວາມ ຮັບຜິດຊອບ ຕໍ່ການຊີ້ນຳ-ນຳພາໃນການຈັດຕັ້ງປະຕິບັດໜ້າທີ່ວຽກງານ ແລະໃຊ້ສິດປະຊາທິປະໄຕ ປ່ອນບັດເລືອກເອົາ ຄະນະໜ່ວຍແມ່ຍິງ ຊຸດທີ III ໄດ້ 3 ສະຫາຍຄື: ນາງ ພອນສີ ໄຊຍະບຸນ ເປັນປະທານ, ນາງ ວຽງສອນ ວົງພາສຸກ ເປັນຮອງປະທານ ທັງເປັນປະທານກວດກາ ແລະນາງຄອນສີ ມາລີຈັນ ເປັນຄະນະ, ພ້ອມນັ້ນ, ຍັງເລືອກນາງ ຄອນ ສະໄຫມ ໄຊຍະທຸມມາ ເປັນຮອງປະທານກວດກາ.

ໃນຕອນທ້າຍ, ສະຫາຍນາງ ອຳໄພວອນ ລ້ອມບຸນແພງ ໄດ້ມີຄຳເຫັນໂອ້ລົມ ຕໍ່ກອງປະຊຸມເຊິ່ງໄດ້ສະແດງຄວາມຍ້ອງຍໍ ສັນລະເສີນຜົນງານ ທີ່ເອື້ອຍນ້ອງ ແມ່ຍິງຍາດມາໄດ້ ແລະເນັ້ນໜັກໃສ່ບາງບັນຫາທີ່ ຈະຕ້ອງສືບຕໍ່ຈັດຕັ້ງປະຕິບັດ ເປັນຕົ້ນແມ່ນຄວາມສາມັກຄີ, ການປະຕິບັດໜ້າທີ່ວຽກງານໃຫ້ສືບຕໍ່ມີຄວາມຫ້າວຫັນ, ຍົກລະດັບຄວາມຮູ້ຄວາມສາ ມາດ ແລະພັດທະນາຕົນເອງ, ມີຄວາມດຸໝັ່ນອົດທົນ ແລະແລະຍົກສູງຕໍ່ໜ້າທີ່ວຽກງານ, ເປັນເຈົ້າການເຄົາລົບ ນັບຖື ຮີດຄອງປະເພນີອັນດີງາມຂອງລາວ ໂດຍສະເພາະແມ່ນການປາກເວົ້າ ແລະການນຸ່ງຖື.

(ນາງ ວຽງສອນ ວົງພາສຸກ)

ໃນວັນທີ 27, ທ່ານ ກອງສີ ແສງເດືອນ ອະດີດຮອງຫົວໜ້າຫ້ອງວ່າການ ສະພາແຫ່ງຊາດ ໄດ້ນຳເອົາຄອມພິວ ເຕີຈຳນວນ 5 ເຄື່ອງ ລວມມູນຄ່າ 11,5 ລ້ານກີບ ມອບໃຫ້ສະພາປະຊາຊົນແຂວງຫົວພັນ ໂດຍຕາງໜ້າຮັບແມ່ນ ທ່ານ ຄຳວອນ ບຸນທະວົງ ປະທານສະພາປະຊາຊົນແຂວງ ເຊິ່ງທ່ານໄດ້ສະແດງຄວາມຂອບໃຈຕໍ່ທ່ານ ກອງສີ ແສງເດືນ ພ້ອມດ້ວຍຄອບຄົວທີ່ນຳເອົາເຄື່ອງມາຊ່ວຍເຫຼືອໃນຄັ້ງນີ້ ແລະຈຳນຳໃຊ້ເຂົ້າໃນວຽກງານຕ່າງໆ ໃຫ້ເກີດປະໂຫຍດສູງສຸດ

(ນາງ ຄອນແສງ ລໍໂຣມພາ)

 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: